వేడిరక్తం మరుగుతుందట
పొంగి వొలికి నేలపాలట
గడ్డ కట్టిన జీవుడు వీరుడట
అమ్మనాన్నల గుండెలో గునపమట
రోడ్లూ రోడ్డుమధ్యలో రాళ్ళు
జనులకై తపించిన రాయుళ్ళు
మయసభలో ఆసీనులైన దేవుళ్ళు
భక్తుల అమాంతం మింగే పూజార్లు
ఆంద్రోడు పోయిండంట
తెలంగోడు వచ్చిండంట
ధర్మ ప్రభువలు వారట
ధరిత్రి జనులకు రాజులట
నాయకుల కిరీటంలో మెరుపురాళ్ళట
వంగినా లేచినా కుక్కతోక వంకరట
కడుపునిండా బంగరు రాళ్ళట
చచ్చేదాక ఆకలి తీరదట.
మన భారతం ప్రజాస్వామ్యం
ఇలా తలాన తలమానికం
మన తలకు పెను భారం
పెద్ద తలలకు పసిడి ధనాగారం
బ్రతుకు బాటలో సగటుజీవి
సిగ్గు విడిచిన నగ్నజీవి
నీకూ నాకూ నడుమ
కమ్ముకున్న నల్లమబ్బులు