ఏదో ఊసుపోక ఇలా కూనిరాగాలు తీస్తున్నా.....

అల లాగ కదిలి మదినంత దోచి
ఉలి తోన హృదినంత అందంగ చెక్కి
కన్నీటినంత పిడికిళ్ళ పిండి
నిర్జీవ బిందువుల పారాణి పూతల్తొ

నా ఎదలయలే కల్యాణ రాగాలుగా
హృదయ తంత్రులె మంగళ సూత్రాలుగా
పొదివి పట్టిన జ్ఙాపకాల చెదలె
ఆహ్వాన పెళ్ళి పత్రికలుగా

చిరు దీప కాంతుల్లొ మెరిసేటి సజల నయనాలె
నీకు పన్నీరు పట్టేటి సుగంధ పాత్రలె
మదిలోన కురిసే కన్నీటి ధారలె
పారాణి దారాలె - నా రాణి నీకు.

నేను నీ గతమైతే
నిశీధి వేళల్లో నిశ్శబ్ద తరంగాలు
నిర్వేదమై నిర్వర్ణమై నింగికెగసాయి.