హృదయ స్పందనల చిరు సవ్వడి

జానపదుల పద నాట్య తాండవం...

2012-01-31T02:37:00.001+05:30

రాబోయే సరాగ శివరాత్రి సంచికలో జానపదుల పదనాట్య తాండవాల ద్వారా ఆచార వ్యవహారాలను, తెలుగు భాషాతీరుతెన్నులను తెలియచెప్పే ప్రయత్నం.

ఉదాహరణగా....

యాన్దోళ్ళ పెళ్ళిళ్ళు ఎంత మంచి పెళ్ళిళ్ళు
బొట్టుతో పనిలేదు బోనాలక్కర లేదు
కొత్త చీరలొద్దు అత్త పోర్లు వద్దు
చుట్టాలు రావొద్దు చూడనైనా వద్దు
కలుసుకుంటే చాలు మురుసుకుంటుండొచ్చు
అల్లుళ్ళ పోరొద్దు ఆస్తి పాస్తులొద్దు
మేళ తాళాలొద్దు మంత్రతంత్రాలొద్దు
మంగమూరు దేముడికి మొక్కుకుంటే చాలు
గోత్రాలు మాకేల గీత్రాలు మాకేల
నేత్రాలు ఒకటైతే సూత్రాలెందుకయ్యా
మంగళ సూత్రాలెందుకయ్యా
తినడానికి తిండిలేదు కట్టడానికి బట్టలేదు
వండుకోను కుండలేదు పండుకోను పంచలేదు
ఎందుకయ్య పెండ్లి ఎందుకయ్య మాకు.

గణతంత్ర దినోత్సవం

2012-01-26T09:22:00.002+05:30

దరిద్ర జీవుల నిద్రలేపుచు
వెలుగు రేఖల ముద్దులాడుచు
వచ్చెనదిగో నిండు స్వాతంత్యం
మూడుపూటల ముద్దనిడి
పసుపు ధూళినింట రాల్చగ

సమసమాజ స్థాపననుచు
విరియబూచిన పుష్పవాటికలు
వచ్చె నదిగో నవవసంత గణతంత్రం
చల్లగాలుల చెరిగిపోయిన
పేదవాని ఇంటి సాక్షిగా

ఎఱ్ఱకోట బుఱుజులోపల
ప్రణయమాఱగ కూసె నొక గణతంత్రకోకిల
పాడవలె సమసమాజ గీతకని
విరుల తేనెలు చిమ్మగా
వినుటకెంతో కమ్మగా

సరాగ కోసం రచయితలనుండి రచనలకాహ్వానం.

2012-01-18T08:34:00.003+05:30

మహా శివరాత్రి పర్వదినానికి సరాగ తీసుకురాబోవు మరో ప్రతి కోసం రచయితలనుంచి ఉత్తమమైన రచనలను ఆహ్వానిస్తుంది. ఆసక్తి కల రచయితలు దయచేసి patrika@haaram.com కు మీ రచనలను మైల్ చేయవలసినదిగా మనవి.ఈ సారి రచనలు పూర్తిగా రచయిత స్వాతంత్ర్యమే.

అలాగే ఇంతకుముందు ప్రతికి రచనలను పంపి బహుమతులను గెలుచుకున్నవారు రాబోవు రెండురోజుల్లో మీ Amount మీకు చేరకపోతే admin@haaram.com కు ఓ మైల్ చేయ మనవి.

సర్వేజనా శుఖినోభవంతు.

2012-01-16T01:33:00.001+05:30

చేతనైతే నలుగుగురికి సహాయం చేద్దాం
లేకుంటే మనపని మనం చేసుకుందాం

శుభం.

రసజ్ఞ, జిలేబీ గార్లూ

2012-01-14T15:43:00.004+05:30

నేను వెయ్యాలనుకున్న భోగి ఇంతకుముందు టపాలో వేసాను. పొద్దునలేస్తే ఒకటో రెండో సారీలు చూద్దామనుకున్నా. కానీ దానికి అవకాశమే లేకుండా మీరెంచుకున్న మార్గాన్నే నడుస్తున్నారు.. మీరు వ్రాసిన టపానూ చదివాను. మీరు తొడగొట్టి అడుగుతున్నారు కాబట్టి మొదలు పెట్టండి మరి.

కానీ ఓ విషయం స్పష్టం.. మీరు యుద్ధము మొదలవ్వకముందే ఓడిపోయారు.ఇక యుద్ధాన్ని ఏమి చెయ్యమంటారు?

కష్టేఫలే మష్టారూ.. మీ మనసు నొప్పిస్తే క్షమించండి. మీరు తెలుగు బ్లాగుల ప్రశాంతతను,నా మనఃశాంతిని పాడు చేసారు కదా.

కష్టేఫలే మాష్టారూ............

2012-01-14T09:23:00.000+05:30

కష్టేఫలే మాష్టారూ, మీకు కూడా నమస్కారం. నాకు ఈ వ్యవహారంలో ఎవరిపైన ద్వేషమేమీ లేదండి. టపాల్లో కూడా నేను పెద్దగా ఇబ్బంది పడిందీలేదు. అలాగని ఇక్కడ నేనెవరి పేర్లూ ప్రస్తావించనూలేదు. కానీ ఈ మధ్య ఓ నాలుగైదు రోజులుగా మీబ్లాగే ప్రధాన వేదికగా చర్చ జరుగుతున్నప్పుడు, మీరు వాళ్ళను వారిస్తారేమో నని ఎదురుచూసాను. ఆ వారింపు నాకు కనిపించలేదు. ఎంతసేపూ నన్ను కవ్వించే పనిగా పెట్టుకున్నారే తప్పితే నేను వ్యాఖ్యలు వ్రాయనప్పుడైనా ఇష్టంలేదేమోనని నాపని నన్ను చేసుకోనిచ్చి ఉండాల్సింది. పెద్దవారుగా ఆ పనిమీరు చేసిఉంటే సంతోషించేవాడిని.

ఇక మిగిలిన వ్యవహారం...బహుశా ఇది మీకు కానీ మిగిలిన బ్లాగర్లకు కానీ తెలిసి ఉండకపోవచ్చు

ఎవరైనా ఆపదలోనో కష్టాల్లోనో వున్నప్పుడు లేదా సహాయం కోరి వచ్చినప్పుడు వారికి కావలసినది నిజాయితీ. అంతేకానీ మనల్ని ముందుపెట్టి వారు వెనకాల నిలబడి వ్యవహారం నడిపిద్దామనుకుంటే ఎలాగండీ. పోనీ అదైనా చెప్పాలి కదా? మేము వెనకుంటాము, మీరే పోట్లాడండని? అలా కాకుండా Traitors లాగా ప్రవర్తించడం నన్ను అన్నింటికంటే బాధించిన విషయం. దీనర్థమేమిటండీ, మనము మాత్రము బాగుండాలి పోతే వీడేపోతాడనా? జీవితంలో నమ్మకం ముఖ్యమండి.

మరో విషయం కూడా చెప్పి ముగిస్తాను వీరు అవతలి వ్యక్తి సమయాన్ని గౌరవించడం నేర్చుకోవాలి. అదెక్కడా కనిపించలేదు నాకు. కనీశం శంకరాభరణం బ్లాగును కూడా వదలలేదు కదా!!.

ఇక ఇందులో పాల్గొన్న వ్యక్తుల పేర్లు అప్రస్తుతము. ఈ భోగిరోజైనా వారు మారితే సంతోషిస్తాను.

రేపు మరో టపా :-)

2012-01-13T10:29:00.002+05:30

భోగి వస్తుంది కదా రేపు భోగి మీద ఓ టపా రాసేస్తా.ఈ రోజు ఏమీ లేదని ఈ టపా ;-) JK

భోగిపండ్లు ఎలా పొయ్యాలి అన్న దాని మీద రేపు ఒక శాస్త్రీయ సాంకేతిక పద్ధతి తెలుసుకుందాం.

ఆ.సౌమ్యా/బులుసు గారూ ఈ టపా మీకోసమే....:-)

2012-01-12T10:25:00.002+05:30

PS: ఏమండోయ్ అసలే ఈ రోజుల్లో ఏది సక్రమంగా రాస్తున్నామో, ఏది వంకరగా రాస్తున్నామో తెలియక జనాలు తికమక పడుతున్నారంట. ఇందుమూలంగా యావన్మంది బ్లాగులోకపు ప్రజానీకానికి తెలుపుకొనేదేమంటే, నాబ్లాగులో అన్నీ Straight టపాలే. ఒకవేళ ఎప్పుడన్నా అలాంటివి వ్రాస్తే తప్పక చెప్తాను.

ఏంటబ్బా మాపేర్లతోటి టపా అనుకోని ఆశ్చర్యపోవద్దు. ముందుగా ఒక చిఱునవ్వు చివరిగా ఒక పెడనవ్వు నవ్వండి :-). ఇంతకీ మిమ్మల్నెందుకు తలుచుకున్నానంటే నవభారతి అని ఒక పత్రిక ఉండేదట. అందులో వి.సిమ్మన్న అని ఒక రచయిత బాపిరాజు నవ్వులు అని ఒక వ్యాసం వ్రాసారు. ఆ నవ్వుల రకాలు ఇక్కడ ఇస్తున్నా మీ లిస్టుకు ఇవీ యాడ్ చేసుకోండి మరి :))

చిఱునవ్వు

ఒంటిచిఱునవ్వు

వెలవెలబోయే చిఱునవ్వు

పెదవుల్ని ప్రసరించే చిరునవ్వు

అర్థపూరితమైన చిఱునవ్వు

విషాధచ్ఛాయలు ఆక్రమించిన చిరునవ్వు

పరిహాస పూరిత చిరునవ్వు

వెన్నెల లాంటి చిరునవ్వు

దివ్యమైన చిరునవ్వు

చిరుపూలుగల వెలుగుల నవ్వు

ఏడుపురంగరించిన నవ్వు

దీనమైన నవ్వు

తనలో నవ్వు

బోసినవ్వు

సిగ్గునవ్వు

ముసిముసినవ్వు

ఘొల్లుమని నవ్వు

విరగబడి నవ్వు

పకపకానవ్వు

పకాలున నవ్వు

కిలకిలా నవ్వు

కళకళానవ్వు

వరములిచ్చేటప్పటి నవ్వు

ఉషఃకాంతుల నవ్వు

ఎఱ్ఱటి నవ్వు

కన్నుల నవ్వు

పెదవుల నవ్వు

పెదవులు కదలించి నవ్వు

పెదవుల్లో మందహాసం

గుండెలు పగిలే పామునవ్వు

వంకరనవ్వు

పెడనవ్వు

ఇక నాపైత్యంకూడా

పరవశాన నవ్వు

పరువపు నవ్వు

పక్కింటోడిని చూసి నవ్వే నవ్వు

అమెరికా నవ్వు

చుట్టాల్ని చూసి నవ్వే నవ్వు

ప్రొద్దుట మన పేసు అద్దంలో చూసుకొని నవ్వే నవ్వు :))

ప్రియురాలితో ఉన్నప్పుడు పెళ్ళాంకనపడితే నవ్వేనవ్వు

అబ్బో ఇంకా చాలా వున్నాయి కానీ ముందు వీటికి సం.నా.క చెయ్యగలరేమో నని ఇక్కడ ఇలా.

hash collision attacks

2012-01-12T02:22:00.001+05:30

Recently, on Dec 28th 2011 a new security vulnerability was demonstrated in a security conference describing "how to exploit hash tables data structure on web platforms". This post is to ring an alarm to all website owners.

What is hash collision attack? In simple terms this is an attempt to populate hash table key value pairs within a server application with large number of hash items whose keys resolve to the same hash code that exists in the application. Due to this the collision happens between the actual hash and the intruded hash. So what happens? any operations that we do in the app based on this hash table takes long to to resolve and can create DoS attacks.

People who are interested may try to exploit this by their own imagination. So no futher details are given here.

For IIS, Security update is released and it is highly recommended to update this security patch on your webservers ( ofcource with the help of hosting company).

Other webserves, I do not have any details on this security patch.

సరాగ (హారం పత్రిక) లో బహుమతులు

2012-01-11T08:40:00.001+05:30

సరాగ ( హారం పత్రిక) తొలి పత్రికా ప్రతి "కుసుమాంజలి" లో బహుమతులు గెలుచుకున్న వారందరికి మైల్స్ ఇచ్చాను. ఒకవేళ నా మైల్ స్పామ్ లోకి వెళ్ళి మీరు చూడకపోయినట్లైతే వారందరికి ఇది బహిరంగ విజ్ఞప్తి. దయచేసి నాకు మీ బ్యాంక్ అకౌంట్ వివరాలను / అడ్రసు వివరాలను admin@haaram.com కు మైల్ చేయ ప్రార్థన.

http://patrika.haaram.com హారం పత్రిక "సరాగ" విడుదలైంది

2012-01-09T21:14:00.001+05:30

హారం పత్రిక "సరాగ" విడుదలైంది. హారం లో ఈ లింకు ఇచ్చేంతవరకు, పాఠకలోకం ఈ క్రింది లింకునుంచి ఈ తొలి ప్రతి "కుసుమాంజలి" చదువవచ్చు. హారం సంకలినికిచ్చిన ప్రోత్సాహాన్నే సరాగ పత్రికకూ అందించగలరని ఆశిస్తూ
http://patrika.haaram.com

మీ
భాస్కర రామిరెడ్డి

హారం పత్రిక 8 లేదా 9 వ తేదీల్లో విడుదల

2012-01-07T05:44:00.000+05:30

గతనెల తలపెట్టిన హారం పత్రిక తొలిప్రతి ఈ నెల 8 లేదా 9 వ తేదీల్లో మీముందుకు రాబోతుంది. ఆ రోజే హారం పత్రిక కోసం నిర్వహించిన పోటీలో పాల్గొని బహుమతులు గెలుచుకున్న వారి పేర్లను కూడా ప్రకటించడం జరుగుతుంది. keep watching :-)

ఈ అవకాశాన్ని వినియోగించుకొని ఎవరైనా రచనలు ఆ రోజులోపల పంపినా స్వీకరిస్తాను.కానీ బహుమతులకు అర్హత వుండదు.

నూతన సంవత్సరంలో కూలు కూలుగా హాయి హాయిగా నవ్వుకోండి. బ్లాగర్లూ వాళ్ళ కలల కలాల పేర్లు -2

2012-01-06T12:50:00.001+05:30

రెండో విడత - బ్లాగరూ వాళ్ళ కలల కలంపేర్లూ
____________________________________________________________________

జిలేబీ:
అరవగోల. ఈవిడ ఓ తెగ జిలేబీలేస్తానంటుందికానీ జిలేబీల బదులు కారప్పూసలౌతాయి. అప్పుడప్పుడు తెలుగును అ"రవం" గా వ్రాయడంలో స్పెషలిస్టు.

రాఫ్సన్ :
అరేబియన్ పాలేరు. పాలకోసం ఒక ఆవును కష్టపడికొనుక్కున్నాడు. అది తన్ని పారిపోయింది.

సుభ :
పెన్సిల్ దెయ్యం. పెన్సిల్ తో పొడిచి చంపేస్తుంది.

పద్మార్పిత:
art museum. బువ్వపెట్టమ్మా అంటే బొమ్మపెడతా నంటది.

ఉమ:
ట్రింగ్ ట్రింగ్ .. నా తెల్లని నవ్వుకు కోల్గేటే కారణం

ఉష:
తప్పిపోయిన బ్లాగరి. కానీ ప్రక్కనే వున్న అడవిలో పుట్టలు, కొమ్మలూ, పూలూ, పక్షులూ అని పాడుకుంటుందిలే.

జయ:
హిస్టరీ పుస్తకం .. అప్పుడప్పుడు చరిత్ర యుద్ధాలు గుర్తుకొచ్చి నిద్రలో తూటాలు,గుళ్ళు పేలుస్తుంటారు ( ప్రక్కనింటోళ్ళు చెవుల్లో దూదిపెట్టి). జంధ్యాలలా ఆశీర్వచనాలను ఇవ్వడంలో సాటిలేని మేటి.

ఎందుకోఏమో:
cut copy paste

అప్పారావు:
ఇరగతీస్తా బిడ్డా... ఏమి తీస్తాడో

కౌటిల్య:
Dr kitchen surgen. మనుషుల్ని రేపు కొయ్యొచ్చు. ఈరోజుకు ఈ వంకాయకు సర్జెరీ చేస్తా.

శేఖర్:
24X7 ప్రంపంచ వార్తా స్రవంతి. కానీ వీరెప్పుడూ తన కుర్చీవదిలి పక్కూరుకూడా వెళ్ళరు ( వార్తలకోసం).

సుధ :
singer in bathroom.( అదేంటో వినేవాళ్ళకు male voice వినిపిస్తుంది మరి.)

రసజ్ఞ :
ms Research ( లోపల మాత్రం ఎదవ రీసెర్చ్.... హాయిగా పెళ్ళిచేసుకోని పిల్లల్ని కనక ఏంటో నాకీతిప్పలు )

మహేశ్వరరెడ్డి :
Dr వయసుపిలిచింది. పెళ్ళీడొచ్చింది కానీ జిలేబే దొరకలేదింక.

నూతన సంవత్సరంలో కూలు కూలుగా హాయి హాయిగా నవ్వుకోండి. బ్లాగర్లూ వాళ్ళ కలల కలాల పేర్లు -1

2012-01-05T03:39:00.000+05:30

అయ్యలారా, అమ్మలారా ముందు చెప్పినట్టు ఇది సరదాకు మాత్రమే. ఎవరినైనా నొప్పిస్తే మన్నించమని ప్రార్థన.

భాస్కర రామిరెడ్డి :
ప్రవరాఖ్యుడు. కానీ వరూధిని పారిపోయింది. ( ఇంకా మీకేమన్నా తడితే అవన్నీ ... కాస్త చూసి పెట్టండి బాబులూ నొప్పిలేకుండా ;-)

భరద్వాజ్ :
కత్తుల రత్తయ్య ఆఫ్ ది బ్లాగ్పేట్ . ..నా కత్తెక్కడ....నాకామెంటెక్కడ.

ప్రవీణ్ శర్మ :
బ్లాగ్ గూర్ఖా

శరత్ :
ఒక్కడే ఒక్కడు..వాడే బ్లాగు సీతయ్య. వీడు ఎవ్వరిమాటా వినడు. కానీ ఎప్పుడూ తోడుకోసం వెతుకుతుంటాడు. ఆడైనా మగైనా

తాడేపల్లి :
బ్లాగ్దేశపు శంకరశాస్త్రి

చదువరి:
నా పేరు చదువరి. నేను యమా సీరియస్సు.

సత్యనారాయణ శర్మ (ఆలోచనా తరంగాలు) :
బ్లాగ్దేశపు వ్యాస మహర్షి. వీరు రామాయణపు కాలమునాటి దండకారణ్య పంచవటి లో వ్యాసమునీంద్రులు. శిష్యగణానికి వేద పాఠాలు చెప్తారు.

జ్యోతి వలబోజు :
ది యాంకర్... oprah winfrey in Pramadaavanam Show.

నీహారిక :
ఆడ సీతయ్య - ఎవరిమాటా వినదు. చివరికి వాళ్ళాయన మాటకూడా

సుజాత :
పుస్తకాల చలం... ఈ రోజు ఏమి పుస్తకం దులపాలబ్బా ( మచ్చు వైపు చూస్తూ )

సౌమ్య :
లేడీ బాలకృష్ణ... మగాడితో సమానంగా తొడగొడతా

జాజిపూల నేస్తం:
నా వయసు పద్దెనిమిదే. ( మొదట నిత్య యవ్వని అని పెడదామనుకున్నాను కానీ వీరు ఎలా తీసుకుంటారో తెలియక జంకుతున్నాను )

బులుసు సుబ్రహ్మణ్యం:
రేలంగి ఆఫ్ ది బ్లాగ్స్. No one can "beat" me.

మందాకిని:
బ్లాగులోకపు ఏకైక కవయిత్రి. పద్యంతో కొడతా.

రవిగారు:
హఠయోగి. నా సుధ నాక్కావాలి.

చంద్రశేఖర్ కాటుబోయిన ( chinny-bunny.blogspot.com):
తప్పు తప్పు... నాపేరు రాజశేఖర్.

నూతన సంవత్సరంలో కూలు కూలుగా హాయి హాయిగా నవ్వుకోండి

2012-01-04T23:37:00.001+05:30

ఈ నూతన సంవత్సరంలో మన బ్లాగర్లందరూ హాయి హాయిగా కూలు కూలు గా చల్ల చల్లగా నవ్వుకోవాలని సరదాగా ఏదో చిన్న ప్రయత్నం. ఇంతకీ సంగతేంటంటే బ్లాగులన్నీ ఈ మధ్య సీరియస్సు విషయాల మీద తెగచర్చలు జరుగుతున్నాయి కాబట్టి వాళ్ళందరికి కాస్త ఉపశమనం కలగచేద్దామని ఈ ప్రయత్నం.

ఎంత తన్నుకున్నా, తిట్టుకున్నా తెలుగుబ్లాగరులందరిదీ ఒకటే కుటుంబం. తెలుగు కుటుంబం. సో.. ఈ కుటుంబ సభ్యులలో నాకు గుర్తుకొచ్చిన కొందరి పేర్లు ఇక్కడ వ్రాస్తున్నాను. వీళ్ళనే ఎందుకు వ్రాస్తున్నాను అంటే, సరదా విషయాలు సరదాగా తీసుకుంటారనే నమ్మకంతోనే. ఒక వేళ మీకు ఇష్టము లేకపోతే దయచేసి పేరు తీసివేయమని చెప్తే తీసివేస్తాను.

అలాగే మీపేరు ఇక్కడ లేకున్నా, మీరు ఇష్టపడితే మీపేరు, బ్లాగుపేరు చెప్తే మిమ్మల్ని చేరుస్తాను. ఇక విషయానికొస్తే ఈ క్రింది తెలుగు కుటుంబ బ్లాగర్లకు కొన్ని నిక్ నేమ్స్ పెట్టడమైనది. అభ్యంతర కరంగా వుండవు కానీ ఎవరు ఎలా తీసుకుంటారో తెలియదు కనుక ముందుగా మీకీ విన్నపం.

ఇక బ్లాగర్ల పేర్లు. నిక్ నేమ్స్ మరో 10 గంటల్లో. నిక్ నేమ్స్ చదివి మీకు నచ్చితే శుభాకాంక్షలు నాకు చెప్పండి. ఒకవేళ నచ్చకపోతే గుద్దులు సుధ గారికి :-).

గమనిక : నిక్ నేమ్స్ అనగానే పొగడ్తల నిక్ నేమ్స్ అనుకోకండి. సరదాగా నువ్వుకోవడానికి ఉపయోగపడే నిక్ నేమ్స్ అన్నమాట. కబట్టి ఇష్టము లేని వారు నిరభ్యంతరంగా తొలగిపోవచ్చు. ఇష్టపడే వాళ్ళు పేరు నమోదు చేసుకోవచ్చు.

రెడీ 1 - 2 -3 set go.........

౧) నేను అంటే నేను అనబడే భాస్కర రామిరెడ్డి
౨) ప్రవీణ్ శర్మ
౩) భరద్వాజ్
౪) శరత్
౫) అప్పారావు
౬) బులుసు సుబ్రహ్మణ్యం
౭) సత్యనారాయణ శర్మ
౮) రాఫ్సన్
౯)శేఖర్ ( ఫ్రాన్సిస్ )
౧౦) మహేశ్వర రెడ్డి
౧౧) ఫణిబాబు
౧౨) కష్టేఫలే శర్మ
౧౩) చదువరి
౧౪) తాడేపల్లి
౧౫) కౌటిల్య
౧౬) వేణు
౧౬) ఎందుకోఏమో
౧౭) సుబ్బారెడ్డి
౧౮) రవిగారు

ఇంకా మీరు చేర్చే పేర్లు

ఇక లేడీ బ్లాగర్స్

౧) నీహారిక
౨) జ్యోతి
౩) ఉమ
౪) ఉష
౫) సుజాత ( తెలుగు )
౬) సౌమ్య ( మాయదారి :-))
౭) సుధ
౮) పద్మార్పిత
౯) మందాకిని
౧౦) సుభ
౧౧) రసజ్ఞ
౧౩) జిలేబీ
౧౪) చిన్ని ( హిమబిందు)
౧౫) సునీత
౧౬) నేస్తం
౧౭) జయ

ఇలాగే ఇక్కడ ఇంకా మీరు చేర్చే పేర్లు..

మరి వేచి చూడండి.

నూతన సంవత్సర శుభాకాంక్షలు

2012-01-01T11:35:00.002+05:30

సమస్తావనీనాధ సందోహనేతా
సమానాభిమాన ప్రజానీకపోషా
క్షమాషడ్గుణైశ్వర్య శశ్వత్ప్రకాశా
మమత్వోద్ధతిద్వేష మాంపాహిదేవా

అందరికీ నూతన సంవత్సర శుభాకాంక్షలు

డిసెంబరు 31 2011 - చివరి రోజు సమీపిస్తుంది

2011-12-30T10:30:00.000+05:30

హారం పత్రిక కోసం వ్యాసలను పంపవలసిన చివరి తేదీ డిసెంబరు 31 2011. పంపవలసిన చిరునామా admin@haaram.com
అంశాల ( ప్రశ్నల) వారీ వివరాలకోసం ఇక్కడ చూడండి http://chiruspandana.blogspot.com/2011/12/blog-post.html

వేశ్యలూ - సంసారులూ - చలం

2011-12-21T10:37:00.004+05:30

నాకు చలం అంటే ప్రత్యేక అభిమానమంటూ ఏమిలేదు కానీ ఈ మధ్య చలం సమాధిపై సమాచార సాధనాలు సృష్టించిన గందరగోళం వల్ల ఈ కథ కనపడగానే పోస్టు చేయాలనిపించింది.

ఇంతకీ ఇది నాకంట ఎలా పడిందంటే, హారం పత్రికకై నేనూ ఒక సమగ్రమైన వ్యాసాన్ని వ్రాద్దామని మొదలు పెట్టి పాత పత్రికలలో వచ్చిన వ్యాసలనుంచి కొన్ని వాక్యాలను వ్రాసుకుంటుంటే ఈ కథ కనిపించింది. చలం రచనలు నేను ఏవీ చదవలేదు కానీ ఓ సంవత్సరం క్రితం "మల్లెపూలు" కవిత చదివి ఫ్లాట్ అయ్యాను. అదేలండి ఫ్లాట్ గా పడుకొని నిద్రపోవాలన్నా ఓ రెండు రోజులు అదే కవిత వెంటాడేది. అంత మంచి కవిత అది

ఇది ఒక కథమాత్రమే సుమా!!

Credits : ఇక నుంచి నేను ఇలా ఇమేజెస్ పెట్టి పొరపాటున క్రెడిట్స్ అని వ్రాయకపోయినా, అవన్నీ కూడా ఇక్కడనుంచే అని గమనించాలి. http://www.pressacademyarchives.ap.nic.in

హారం పత్రిక వివరాలు. రచనలు పంపవలసిన చిరునామా - చివరి తేదీ

2011-12-18T07:49:00.002+05:30

తెలుగు పాఠకలోకానికి ఇప్పటికే హారం నుంచి ఒక పత్రిక తీసుకురావడానికి సన్నద్ధాలు జరుగుతున్న విషయం తెలిసే వుంటుంది
. ఈ సందర్భంగా ఇక్కడ కొన్ని వివరాలను అందించ దలచాను.

౧) మీ రచన మీ స్వంతముదై , ఇంతవరకూ ఎక్కడా ప్రచురించనిదై వుండాలి.( మీ మీ బ్లాగులలో కూడా )

౨) రచనలు పంపవలసిన చిరునామా admin@haaram.com.

౩) రచనలను డిసెంబరు 31, 2011 వరకూ స్వీకరించడము జరుగుతుంది.

ఇక ప్రశ్నలను ఇంతవరకూ చూడని వారు ఈ క్రింది లింకులో చూడగలరు.

పత్రికకు ఎన్నుకున్న అంశాలు - ప్రశ్నలు

ఈ జానపద గేయం తెలిసిన వారు కామెంటెయ్యడోచ్

2011-12-14T22:21:00.001+05:30

ఓ గుర్రాల గోపిరెడ్డి
దాచేపల్లికె దానమైతివా!!
శేరుశేరు ఎండి మురుగుల్
సేతులకు పెట్టుకొని
కట్టమీదా వస్తావుంటే
కలకటేరు వనుకొంటిర కొడకా,
వయ్యారికొడక, బంగారు కొడక
దాచేపల్లికె దానమైతివా!!

ఆ పక్క ఒకసేను
ఈపక్క ఒకసేను
నడుమలోన నాపసేను
నందున నిని నలుగురు పట్టి
నరికిరి కొడక, వయ్యారి కొడక

ఎక్కేది ఎల్లగుల్లం
కట్టేది కాయపంచ
సుక్కవంటి నీ సక్కదనము
సూడకన్నులు లేవుర కొడక
బంగారుకొడక, చిన్నారికొడక
దాచేపల్లికె దానమైతివా!!

మేము నేరేటి,నెరాటి, నెరవాటి రెడ్లము. మరి మీరో......ఇక్కడ మీ కులమున్నదేమో చూసుకోండి?

2011-12-13T09:51:00.003+05:30

మేము నేరేటి,నెరాటి, నెరవాటి రెడ్లము. మరి మీరో......ఇక్కడ మీ కులమున్నదేమో చూసుకోండి?

భారతి పత్రిక నుంచి ఈనాటి వ్యాసమిది. రచయిత మల్లంపల్లి సోమశేఖరశర్మ గారు. దీన్నంతా మళ్ళీ తెలుగులో టైపు చేసే ఓపిక లేక స్కాన్ చేసిన పేజీలను ఉన్నవి వున్నట్లు వుంచుతున్నాను.

ఒకవేళ మీ కులము ఇందులో లేకపోతే రేపటి దాకా ఆగాల్సిందే. పేజీలు ఎక్కువగా వుండటంతో, చదవటానికి కూడా సులభంగా వుంటుందని రెండు భాగాలుగా విభజించాను. ఈ వ్యాసం ఏ సంవత్సరంలో ప్రచురితమైనదో తెలుసుకోవాలంటే రేపటి దాకా ఆగాల్సిందే. అప్పటిదాకా ఇందులో మీకులమున్నదో లేదో చూసుకోండి. ఒకవేళ వుంటే అందులో మళ్ళీ సబ్ సెక్ట్ వున్నదేమో చూసుకోండి. ఒకవేళ ఇక్కడున్న PNG files సరిగా కనిపించకపోతే తెలియచేయండి. పుస్తకరూపంలో PDF పంపుతాను.

హమ్మయ్య నారదాయనమః :-)

పాణిని కాలపు నాటి భారత సమాజమెలా వుండేది?

2011-12-11T23:52:00.004+05:30

గరికపాటి కృష్ణమూర్తి గారు, పాణిని సూత్రాల ద్వారా నాటి సమాజాన్ని ఎలా అక్షరబద్ధం చేసారో చదవండి. కొంచెము సమయము పట్టినా చరిత్ర, సాహిత్యము పట్ల అభిమానము కలవారు జాగ్రత్తగా చదువ వలసిన వ్యాసరాజము. అంతా చదివాక పాణిని ఎవరు అని మాత్రం అడగకండేం ;)

ఈ వ్యాసం వ్యయ సంవత్సరం పుష్యమాస భారతి పత్రిక లోనిది. ఎప్పటిలాగానే ఇలాంటి మంచి మంచి వ్యాసాలను ప్రచురించి కీర్తిశేషులైన భారతి సంపాదక వర్గానికి వ్యయ ప్రయాసలకోర్చి వీటిని వెలుగులోకి తెచ్చిన ఆంధ్రప్రదేశ్ ప్రెస్ మీడియా వారికి, దీనికి కారకులైన స్వర్గీయ ముఖ్యమంత్రి రాజశేఖర రెడ్డి గారికి ఎన్నెన్నో ధన్యవాదాలు .

స్వామి భాస్కర చేతానంద.... కేవలము ఒక్క డాలరుకే మీకు ధనయోగ శాంతిని చేయించ గలరు.

2011-12-11T06:51:00.001+05:30

ఈ రోజు ప్రతిభ, భారతి పత్రికలలో 1940 వ ప్రాంతంలో శబ్దరత్నాకరము, శ్రీ సూర్యరాయాంధ్ర నిఘంటువలపై చెలరేగిన వ్యాసాలను సంకలనం చేసి ఒకదగ్గర చేర్చే ప్రయత్నం చేస్తుంటే అన్యాపదేశంగా ఈ వ్యాసం భారతి , 1936 ఫిబ్రవరి పత్రికలో దర్శనమిచ్చింది. ఈ విద్య శాస్త్రీయమా కాదా అన్నదాన్ని ప్రక్కనుంచితే నా చిన్నతనంలో ఈ చేయి చూడడమనే విద్యను చాలా మంది నమ్మేవాళ్ళు. ఇప్పటి "గ్రహం- అనుగ్రహం" లాగా.

ఇక విషయానికొస్తే శ్రీ భాస్కర చేతానంద స్వాముల వారు మీ పట్టణమునకు విచ్చేసి మీమీ సమస్యలను తీర్చడానికి సంసిద్ధులవడం మీ పురము, పురప్రజలు చేసుకున్న పూర్వజన్మ సుకృతము. మీ సమస్యలెటువంటివైనా, మీ చేయి చూడడం ద్వారా మీకు శాంతి పరిష్కారమును సూచించ గలరు. ప్రవేశ రుసుము కేవలము ఒక్క డాలరు మాత్రమే !!!

ముందుగా ఇక్కడ ఇచ్చిన వ్యాసాన్ని చదివి, మీమీ చేతుల పై ప్రయోగాలు చేసి, అశాంతి కలిగినచో శ్రీ భాస్కర చేతానంద స్వాముల వారిని సంప్రదించవచ్చు. ఇది ఇక్కడ ప్రచురించడంలో ఎటువంటి వ్యంగ్యము లేదని గమనించ గలరు. ఎందుకంటే ఇది చదివక ముందు కూడా నా చేయిని నేనే అప్పుడప్పుడు చూసుకొనేవాడిని మరి :))

credits : press academy of Andhra pradesh.

రాబోయే రోజుల్లో ఇప్పుడు మనకున్న నిఘంటువులపై రేగిన దూమారం కూడా ఇక్కడే ఇలాగే చదువుకోండి.

నక్షత్ర దర్శనము

2011-12-08T08:40:00.003+05:30

ఈరోజు ప్రెస్ అకాడమీ వారి వెబ్ సైటు నుంచి దిగుమతి చేసుకున్న "భారతి" అనే మాసపత్రిక లోని వ్యాసములను చదువుతుంటే అందులో ఒక బొమ్మ నా చూపును వెంటనే ఆకర్షించింది. దాని గురించిన వివరమిది.

ఆ బొమ్మ ఇది.

ఇంతకీ ఈ బొమ్మనెందుకు వేసారో తెలుసా? ఈ పత్రిక కోసం "నక్షత్ర దర్శనము" గూర్చి వ్యాసం వ్రాయమన్నారట. దానికి రచయిత పంపిన స్పందన అట ఇది :-)

ఇక పోతే ఈ "భారతి" మాస పత్రికల గురించి ఎంత చెప్పుకున్నా తక్కువే. ఉత్తమ ప్రమాణాలతో అలరారిన ఈ పత్రికలో పరిశోధనాత్మక వ్యాసాలు కోకొల్లలు. ఆసక్తి గలవారు ఈ పత్రికలను ఇక్కడ నుంచి దిగుమతి చేసుకొనవచ్చు. అన్నట్టు పైన బొమ్మ 1930 వ సంవత్సరం ( ప్రమోదూత సంవత్సరం ) ఆగష్టు నెల సంచికలోనిది. ఈ పత్ర్రిక 1924 వ సంవత్సరంలో మొదలై 1960 వ సంవత్సరం దాకా నడిచినట్టుంది. కానీ ఈ వెబ్ సైట్ లో ఉన్న పత్రికలలో కొన్ని పాత సంచికలనే వేరే నెల సంచికలుగా ప్రచురించారు. బహుశా డబ్బు కోసం స్కాన్ చేసిన వాళ్ళ చేతివాటమేమో ఇది.

http://www.pressacademyarchives.ap.nic.in

సంక్రాంతి కి విడుదల కాబోతున్న హారం పత్రికా ప్రతికై రచయితలకాహ్వానం. ఇరవై వేల పైన బహుమతులు

2011-12-03T22:53:00.000+05:30

సంక్రాంతి కి విడుదల కాబోతున్న హారం పత్రికా ప్రతికై రచయితలకాహ్వానం. ఇరవై వేల పైన బహుమతులు

సాహితీవేత్తలకు,పరిశోధనా ప్రియులకు,సాహిత్యాభిలాషులకు,హారం పాఠకులకు ముందుగా నమస్కారములు. ఈ చిన్న వ్యాసం యొక్క ముఖ్య ఉద్దేశ్యము అంతర్జాలంలో హారం ద్వారా తెలుగులో ఒక పత్రికను తీసుకువస్తే బాగుంటుందన్న ఆలోచనే. ఇది ఒక్కపత్రికే కావచ్చు లేదా ఆ సంచికకు వచ్చే ఆదరణను బట్టి తెలుగువారికి ముఖ్యమైన పండగలప్పుడు ఓ సంచికనో తీసుకు వచ్చే ఆలోచన. కాబట్టి ఇది పండగలకు మాత్రమే వచ్చే పత్రికే. అంటే వార,పక్ష,మాస,త్రైమాసిక పత్రికల విభాగంలోకి రాదు.

హారం ఆవిర్భావం 2009 సంక్రాంతి రోజు. ఈ పుణ్యకాలాన్ని పురష్కరించుకొనే ఈ పత్రికా ప్రతిని కూడా ఈ సంక్రాంతి పర్వదినాలలోనే వెలువరించాలని కోరిక. అప్పుడప్పుడు మాత్రమే వచ్చే పత్రిక కాబట్టి ఇందులో దరిదాపు పదిహేను విభాగాలాకు పోటీలు బహుమతులను ఇవ్వాలనుకుంటున్నాను. గొప్ప గొప్ప బహుమతులు లేకున్నా ప్రధమ,ద్వితీయ బహుమతులుగా మంచి మంచి పుస్తకములను కానీ డబ్బురూపంగా కానీ ఇవ్వడం జరుగుతుంది.

అన్ని రచనలు డిసెంబరు 31 2011 లోగా పంపాలి.

కొన్ని సూచనలు
-------------
౧) ఆయా ప్రశ్నల కిచ్చిన నిడివిని బట్టి మీ పేజీలు A4 సైజులో ,తెలుగు ఫాంటు 12 పరిమాణముతో యూనికోడ్ లో వుండాలి.

౨) రచయిత భావాలు స్వతంత్రమైనవై, పరిశీలించిన గ్రంధములను, వాటి రచయితలను తప్పని సరిగా పేర్కొనాలి.

౩) రచయిత పంపే వ్యాసపు ప్రచురణ హక్కులు హారానికి ఇవ్వాలి. అంటే హారంలో ప్రచురించడానికి మంచివాటిని ఆంగ్లానువాదము చేసి ప్రచురించడానికీ సర్వ హక్కులను హారముకు ఇవ్వవలసి వుంటుంది.

౪) ఇవి ఇంతకు మునుపు ఎక్కడా ప్రచురించనివై వుండాలి.

ఇక అంశాలు
-----------

1) ఆంధ్ర మహాభారత,భాగవతముల నాధారంగా చేసుకొని ఇతివృత్తపు కాలము నాటి సామాజిక, సాంఘిక, కుటుంబ అంశములను విస్తృతంగ పరిశోధనా వ్యాసంగా వ్రాయాలి. ఈ వ్యాసం వ్రాసేటప్పుడు ఈ క్రింది నియమాలు తప్పక దృష్టిలో వుంచుకోవాలి.

ఈ పరిశోధనా వ్యాసంలో సాధ్యమైనంత వరకూ భారతములోని అన్ని పర్వాలనూ, భాగవతములోని అన్ని స్కందములను స్పృశిస్తూ సాగాలి. సాంఘిక,సామాజిక,కుటుంబ వ్యవస్థను ప్రతిబింబించని పర్వములను కానీ, స్కందములను గానీ వదిలివేయవచ్చు.

అవసరమైనచోట మూల పద్యములనుదహరిస్తూ,వానికి తాత్పర్యములను చెప్తూ, ఆ పద్యములను ఆధారంగా రచయిత ఆనాటి పరిస్థితులను విస్తృతంగా పదవతరగతి విద్యార్థికి అర్థమగు వచనములో వివరించగలగాలి. వ్యాసము తప్పని సరిగా తెలుగులోనే వుండాలి.

2) బాధ్యత గల పౌరులుగా తీర్చి దిద్దడంలో భారతదేశములోని మతముల పాత్ర పదిపేజీలకు మించకుండా వ్రాయాలి.

3) పదవ శతాబ్దానికి ముందు పల్లెజీవనాన్ని ప్రతిబింబిస్తూ మనుషుల ఆత్మీయానురాగాలతో పాటు ద్వేషభావాన్ని అంతర్లీనంగా చూపిస్తూ,ఆనాటి పల్లె భాషను ఊహించి, ఓ పదిపేజీల ( సుమారుగా ) చక్కని కథానిక వ్రాయాలి.

4) మారుతున్న సమాజములో పిల్లల మనస్తత్వాలలో వస్తున్న మార్పులు, వారిని పెంచడములో తల్లి తండ్రుల పాత్ర పై వ్యాసాన్ని వ్రాయాలి. మీ వ్యాసంలో 8 నుంచి 18 సంవత్సరాల పిల్లల మనస్తత్వాలను విశదీకరిస్తూ వారిపై చుట్టూవున్న సమాజం, కుటుంబము ఎలాంటి ప్రభావాన్ని చూపుతున్నాయో ఉదాహరణలతో వివరిస్తూ వారి పెంపకములో వచ్చే సమస్యలను సామరస్యంగా ఎలా పరిష్కరించాలో వ్రాయాలి. ఎన్ని పేజీలుండాలన్నది రచయిత ఇష్టము.

5) మహాత్మాగాంధీ హత్యానంతర భారతదేశములో వచ్చిన అన్ని రకముల మార్పులను ( మంచినీ, చెడునూ ) సోదాహరణంగా ఇరవై, ఇరవైదు పేజీలకు మించకుండా వ్రాయాలి. ఈ ప్రశ్నకు inspiration, India after gandhi By Ramachandra guha చదవడము ద్వారా వచ్చింది.

6) కులవృత్తులు కార్పొరేట్ వృత్తులుగా మారుతున్న ఈ తరుణంలో కులవృత్తులపై కథానిక లేదా చిన్న నవల. నిడివి రచయిత ఇష్టం.

7) భారతరాజ్య వ్యవస్థలో బఫూన్ల పాత్ర. హాస్య / వ్యంగ్య ప్రధానమైన రచన. ఈ రచనలో అందరూ భాగస్వాములే. అంటే మీ రచనల్లో ఛీఫ్ పౌరుని దగ్గరనుండి, చీపురు పౌరుని దాకా ఒక్కొక్కరిగానైనా లేదా మూకుమ్మడిగా నైనా భారతదేశాన్ని నడపవచ్చు!!! రచనల్లో దూషణకు చోటులేదు.

8) ఆంధ్రా అమ్మాయి, తెలంగాణా అబ్బాయిల అమెరికా జీవితం పై ఓ మంచి కథ. మధ్యమధ్యల్లో కవిత/పద్యము కూడా, ఓపికకొద్ది అప్పుడప్పుడు అగచాట్లూ,చీవాట్లూ వేసుకోవచ్చు :))

9) శైవ/వైష్ణవ మతఘర్షణల తీవ్రతను, దానినుంచి దైవమొక్కడే అన్నదిశగా ప్రయాణించిన మన సమాజ చరిత్రకు కుంచెద్వారా రంగులద్దండి. ఈ చిత్రలేఖనానికి భావం ప్రధానం. వాటర్/ఆయిల్/పెన్సిల్ ఏ పద్ధతినైనా ఉపయోగించవచ్చు.

10) రాబోయే రెండు దశాబ్దాలలో ప్రపంచపటంపై భారతదేశం. ఈ అంశపై పద్య / గేయ కవిత.

11) సంక్రాంతి ప్రాశస్త్యాన్ని, దాని చరిత్రను, పల్లె ప్రాంత పండుగ వాతావరణాన్ని కళ్ళకు కట్టినట్టు ఓ రచన.
ఇది పద్యగద్యమైనా కావచ్చు లేదా పాట యైనా కావచ్చు. హరికథ, బుఱ్ఱకథ, లేక రూపకమైనా కావచ్చు. రచనా ప్రక్రియ యేదైనా సరే పైన చెప్పిన విషయము రస ప్రధానమై సంతోష వాతావరణములో సాగాలి. వేరే గ్రంధములనుండి పద్యములనుదహరించినప్పుడు అవి తప్పక తాత్పర్యసహితమై వుండాలి. సినిమాలనుండి పాటలను తీసుకొన్నా ఆ పాటలోను ముఖ్యమైన సొగసులన్నీ చెప్పాలి. నిడివి కనీసం ఐదు పేజీలైనా వుండాలి.

12) శృంగారము, ఉత్కంఠత మేళవిస్తూ శ్రీకృష్ణదేవరాయలకాలపు RAW and PIA :-) వ్యవహారములపై ఓ నాటిక/నవల.

13) "Life starts from the dark and ends in dark" ( a quotation from BLACK movie) . దీన్ని ఆధారంగా తీసుకొని భారతీయ తత్వశాస్త్రాన్ని మేళవించి ఓ పది నిమిషాల వీడియో సినిమా.

14) మీకు నచ్చిన రచన ఏదైనా పంపవచ్చు. రచన మీ స్వంత రచనయైవుండాలి. మాకు నచ్చిన రచనకు బహుమతి

15) ఇది కొద్దిగా మా భుజాలను మేమే చరుచుకోవడానికి ఎన్నుకొన్న ప్రశ్న. అదీ సంగీత ప్రధానమైనది. ప్రశ్న ఏమిటంటే హారం,హారం పత్రిక పై ఓ పాటను రచించి స్వరపరచి గానం చేసి ఆడియో పంపాలన్న మాట :))

. ఏఏ అంశానికి ఎంత బహుమతో ఈ క్రింద చూడవచ్చు.ఇది రచనల ప్రోత్సాహానికి మాత్రమే అని గమనించగలరు.మీరచనలకు ఈ చిన్నచిన్న బహుమతులు ఏమాత్రమూ కొలమానము కాదు. ఇక దీనిపై ఏవైనా విరాళాలు వచ్చినా ఆ విరాళాన్ని మొత్తాన్నీ పైనున్న బహుమతుల కు కలుపుతాను. అంటే మీరిచ్చే విరాళాలు ఏ అంశానికివ్వ దలచుకున్నారో కూడా చెప్తే ఆ అంశానికి ప్రధమ, ద్వితీయ బహుమతులలో కలుపుతాను.

Line segmentation of scanned telugu document.

2011-11-29T10:25:00.009+05:30

దీనికి నేను వ్రాసిన కోడ్ కంటే అంతర్జాలము నుంచి తస్కరించిన కోడ్ ఎక్కువ. ఎందరో మహానుభావులు అలా కోడ్ లైబ్రరీలు వ్రాసి ఇస్తుంటే వాడుకోవడమంత సుఖమేముంటుంది. ఇలాగే తెలుగులో అక్షరాలను విడగొట్టటానికి మీవద్ద సులభమైన రీతిలో ఏదైనా కోడ్ వుంటే తెలియచేస్తారా? అబ్బో పెద్ద పెద్ద కష్టమైన క్లిష్టమైన పద్ధతులను ఇప్పుడే చెయ్యలేను. ఇంకా నేను ఈ OCR లో వాడే పదాలకు సరైన అర్థాలు వెతుక్కునే స్టేజిలోనే వున్నా కాబట్టి ఇప్పుడిప్పుడే సమాస భూఇష్టమైన కోడ్ ను అర్థము చేసుకోలేను. కాబట్టి ఈ character segmentation మీద "చిన్న చిన్న" గా పాఠాలు చెప్పిన లింకులేమన్నా వుంటే చెప్పండి. అవి తెలుగు అక్షరాలకు సరిపోవాలి.

ఇక మీరూ Line segmentation గురించి నేర్చుకుంటారా? అలాగైతే ముందుగా ఈ క్రింది వాటిని చదివేయండి.
ఇవి తెలియకుండా, ఫ్రీగా దొరికే కోడ్ ఐనా మార్చడం అంత వీజీ కాదని అర్థమైంది. ఇదొక గుణపాఠం :))

1) Types of image formats and their basic differences

2) Bitmaps and grey scales. Their matrix representation

3) Filters and types. When to use what filter?

4) Few algorithms for threshold. ( mostly you don't need to write any code. Get it from internet )

ఇక నా ప్రయోగము. ఈ పేజి ప్రాసాక్షర పదకోసము అనే స్కాన్డ్ పుస్తకములోనిది.

ముందుగా అసలు పేజి.

ఇప్పుడు segmented line images లో కొన్ని

ఫోటోలమ్మా ఫొటోలు..విపరీతమైన ఫొటోలండీ ఫోటోలు.రంగురంగుల పుటోలు

2011-11-28T05:45:00.000+05:30

అసలే నాలుగు రోజుల సెలవులు. మూడు రోజులు అక్కడా ఇక్కడా తిరగడంతో గడిచిపోయింది కానీ, ఈ రోజు మాత్రం మహా బోరు కొట్టింది. పొద్దున్నే నిద్రలేచాను. అదేలెండి పొద్దునంటే మరీ ఏ బ్రహ్మీ ముహూర్తమో ఊహించుకోకండి. పొద్దున్నే పదిన్నరకు నిద్రలేచి ఈ రోజు ఇప్పటికిప్పుడే ఫొటోగ్రఫీ లో ప్రొఫెషనల్ అయిపోవాలని మెడకు కెనాన్ తగిలించుకోని బయట పడ్డాను.

బయటకంటూ వెళ్ళాక సిగ్గుపడితే ఎలాగండి? అందుకని సిగ్గులేకుండా ఒకే ఒక బురద గుంతను రకరకాల ఫోజుల్లో ఫోటో తీయడం మొదలు పెట్టాను. అంటే వేరే వేరే aperture ల తోటి,వేరే వేరే ఫోకల్ lengths తోటి రకరకాల ప్రయోగాలు చేసాలెండి. ఇప్పటిదాకా ఇంత మంచి కెమరా ఉన్నా ఫొటో తీసేటప్పుడు, ఆటో లో పెట్టి నొక్కడం,అప్పూడప్పుడు బేసిక్ మోడ్స వాడడం తప్పించి, ఈ ప్రయోగాలెప్పుడూ చెయ్యలేదు మరి. మరి నేను తీసిన అద్భుతమైన ఫోటోలు :))మీరూ చూసి మళ్ళీ నా ఫొటోల జోలికి రాకుండా ఉంటారని ఇక్కడ ఇలా....

ఈ క్రింది అన్ని ఫోటోలకు మీటరింగ్ మోడ్ ఆటో లో వుంచి తీసాను. అలాగే ఫోటో తీసేటప్పుడు ఏఏ పెరామీటర్స్ ఫోటోను ఎలా ప్రభావితం చేస్తాయో చూపే పట్టిక కూడా ఈ క్రింద.

Shutter speed	Aperture value	ISO	Picture number
1/500	F 4.0	100	1
1/500	F 5.6	100	2
1/80	F 5.6	400	3
1/80	F 22	400	4
1/1250	F 4.0	200	5
1/2500	F 5.6	400	6

Image 1.0

Image 2.0

Image 3.0

Image 4.0

Image 5

Image 6

సరే పైన మిమ్మల్ని హింసించినందుకు ఈ రోజు తీసిన మరికొన్ని ఫొటోలు

మరికొన్ని

ఈ రోజు మా ఊర్లో నెలపొడుపు ( అంటే విదియ ).

మీ దగ్గర SLR camera ఉంటే అప్పుడప్పుడూ ఇలాంటి ప్రయోగాలు చేస్తుండండి. It is really fun.

Identifying Binarization method for scanned low quality documents

2011-11-24T11:39:00.006+05:30

Telugu Scanned documents and books that are available in net have varying degree of brightness and sometimes very low in quality. Even a human can not identify words in such documents. In pattern recoganization, binarization of a document is an involved process and this article only considers documents that vary in degree of brightness.

It seems in Indian OCRs people are exploited the following concepts from English OCR techniques (with little modification)

1) Histogram based : This is useless for Indian languages
2) Clustering based : K-means and Gaussian density methods
3) Entropy based :
4) Attribute based : based on predefined attributes

Otsu’s algorithm : (complete code and test it)

Let’s see Otsu’s algorithm and how to improve it for better results.

As usual, like a human, when the background and foreground intensities are well separated Otsu’s algorithm gives a better binarized results. In the following picture, at certain parts, we can clearly see the pixels of gray scales of foreground and background are mixed. In such cases otsu’s algorithm gives a wrong result and we certainly need a new method.

A simple approach is divide a document into multiple parts ( as a grid ) and find out threshold value. Use image length and width pixels to make a grid.

Feature 1 : T(otsu) r – T(min) r
Feature 2 : u®
Feature 3 : sigma(t)

Once we extract these 3 features for each grid ( region ) use SVM to determine which binarization action to take. Improve this decision using the training data.

హారం సంక్రాంతి పత్రికకు రచనల పోటీల కిస్తున్న అంశాలు - చివరిభాగం

2011-11-21T09:31:00.001+05:30

రచనలకు సమయము తక్కువ వుంది కాబట్టి మిగిలిన అంశములనూ ఈరోజే ప్రచురించమని కోరుతున్నారు. కాబట్టి మిగిలిన అంశాలను ఇస్తున్నాను.

మొదటి తొమ్మిది ప్రశ్నలను ఇక్కడ చూడవచ్చు.

http://chiruspandana.blogspot.com/2011/11/2.html

http://chiruspandana.blogspot.com/2011/11/blog-post_19.html

http://chiruspandana.blogspot.com/2011/11/blog-post_21.html

ఇక మిగిలిన ఆరింటిని ఈ క్రింద ఇస్తున్నాను.ఇవి సరదా సరదా గా సాగుతాయి.

౧) రాబోయే రెండు దశాబ్దాలలో ప్రపంచపటంపై భారతదేశం. ఈ అంశపై పద్య / గేయ కవిత.

౨) భారతరాజ్య వ్యవస్థలో బఫూన్ల పాత్ర. హాస్య / వ్యంగ్య ప్రధానమైన రచన. ఈ రచనలో అందరూ భాగస్వాములే. అంటే మీ రచనల్లో ఛీఫ్ పౌరుని దగ్గరనుండి, చీపురు పౌరుని దాకా ఒక్కొక్కరిగానైనా లేదా మూకుమ్మడిగా నైనా భారతదేశాన్ని నడపవచ్చు!!! రచనల్లో దూషణకు చోటులేదు.

౩) ఆంధ్రా అమ్మాయి, తెలంగాణా అబ్బాయిల అమెరికా జీవితం పై ఓ మంచి కథ. మధ్యమధ్యల్లో కవిత/పద్యము కూడా, ఓపికకొద్ది అప్పుడప్పుడు అగచాట్లూ,చీవాట్లూ వేసుకోవచ్చు :)).

౪) శైవ/వైష్ణవ మతఘర్షణల తీవ్రతను, దానినుంచి దైవమొక్కడే అన్నదిశగా ప్రయాణించిన మన సమాజ చరిత్రకు కుంచెద్వారా రంగులద్దండి. ఈ చిత్రలేఖనానికి భావం ప్రధానం. వాటర్/ఆయిల్/పెన్సిల్ ఏ పద్ధతినైనా ఉపయోగించవచ్చు.

౫) మీకు నచ్చిన రచన ఏదైనా పంపవచ్చు. రచన మీ స్వంత రచనయైవుండాలి. మాకు నచ్చిన రచనకు బహుమతి.

౬) ఇది కొద్దిగా మా భుజాలను మేమే చరుచుకోవడానికి ఎన్నుకొన్న ప్రశ్న. అదీ సంగీత ప్రధానమైనది. ప్రశ్న ఏమిటంటే

హారం,హారం పత్రిక పై ఓ పాటను రచించి స్వరపరచి గానం చేసి ఆడియో పంపాలన్న మాట :))

ఇక ఆలస్యమెందుకు? పెన్నుతో యుద్ధానికి బయలుదేరండి.

అన్ని వర్గాల రచయితలను దృష్టిలో వుంచుకున్నాననుకుంటున్నాను. వేటికైనా చోటు దక్కకపోతే మన్నించ మనవి.

హారం సంక్రాంతి పత్రికకు రచనల పోటీల కిస్తున్న అంశాలపై రచనలు చేసి, బహుమతులను గెలుచుకొనండి -౩

2011-11-21T05:11:00.001+05:30

సంక్రాంతి కి రాబోయే "హారం పత్రిక" కోసమై గతరెండు రోజులుగా ప్రశ్నాపత్రాన్నిస్తున్నాను కదా!. ఆ వరుసలో ఈ టపా మూడవది.

గత రెండు టపాల ప్రశ్నలను ఇక్కడ చూడవచ్చు. అన్ని రచనలు,వీడియోలు చేరవలసిన చివరిరోజు డిసెంబరు 31,2011.

http://chiruspandana.blogspot.com/2011/11/2.html

http://chiruspandana.blogspot.com/2011/11/blog-post_19.html

ఈ వరుసలో మూడవ ప్రశ్నాపత్రం ఇది. ఈ పత్రికకోసం మొత్తము 15 అంశాలలో ఈ రోజుతో 9 ప్రశ్నలయ్యాయి. మరో ఆరు మిగిలున్నాయి. అవిరేపు/ఎల్లుండి లో వెలువరిస్తాను.

౧) సంక్రాంతి ప్రాశస్త్యాన్ని, దాని చరిత్రను, పల్లె ప్రాంత పండుగ వాతావరణాన్ని కళ్ళకు కట్టినట్టు ఓ రచన.
ఇది పద్యగద్యమైనా కావచ్చు లేదా పాట యైనా కావచ్చు. హరికథ, బుఱ్ఱకథ, లేక రూపకమైనా కావచ్చు. రచనా ప్రక్రియ యేదైనా సరే పైన చెప్పిన విషయము రస ప్రధానమై సంతోష వాతావరణములో సాగాలి. వేరే గ్రంధములనుండి పద్యములనుదహరించినప్పుడు అవి తప్పక తాత్పర్యసహితమై వుండాలి. సినిమాలనుండి పాటలను తీసుకొన్నా ఆ పాటలోను ముఖ్యమైన సొగసులన్నీ చెప్పాలి.

౨ ) శృంగారము, ఉత్కంఠత మేళవిస్తూ శ్రీకృష్ణదేవరాయలకాలపు RAW and PIA :-) వ్యవహారములపై ఓ నాటిక/నవల.

పై రెండు ప్రశ్నలకు నిడివి రచయిత ఇష్టము.

౩ ) "Life starts from the dark and ends in dark" ( a quotation from BLACK movie) . దీన్ని ఆధారంగా తీసుకొని భారతీయ తత్వశాస్త్రాన్ని మేళవించి ఓ పది నిమిషాల వీడియో సినిమా.

హారం సంక్రాంతి పత్రికకు రచనల పోటీల కిస్తున్న అంశాలపై రచనలు చేసి, బహుమతులను గెలుచుకొనండి -2

2011-11-19T22:42:00.000+05:30

నిన్న ఏమేమి ఇచ్చానో ఈ టపాలో చదవండి.
http://chiruspandana.blogspot.com/2011/11/blog-post_19.html

ఈ రోజు మరో మూడు అంశాలు

౧) మారుతున్న సమాజములో పిల్లల మనస్తత్వాలలో వస్తున్న మార్పులు, వారిని పెంచడములో తల్లి తండ్రుల పాత్ర పై వ్యాసాన్ని వ్రాయాలి. మీ వ్యాసంలో 8 నుంచి 18 సంవత్సరాల పిల్లల మనస్తత్వాలను విశదీకరిస్తూ వారిపై చుట్టూవున్న సమాజం, కుటుంబము ఎలాంటి ప్రభావాన్ని చూపుతున్నాయో ఉదాహరణలతో వివరిస్తూ వారి పెంపకములో వచ్చే సమస్యలను సామరస్యంగా ఎలా పరిష్కరించాలో వ్రాయాలి. ఎన్ని పేజీలుండాలన్నది రచయిత ఇష్టము.

౨) మహాత్మాగాంధీ హత్యానంతర భారతదేశములో వచ్చిన అన్ని రకముల మార్పులను ( మంచినీ, చెడునూ ) సోదాహరణంగా ఇరవై, ఇఅరవైదు పేజీలకు మించకుండా వ్రాయాలి. ఈ ప్రశ్నకు inspiration, India after gandhi By Ramachandra guha చదవడము ద్వారా వచ్చింది.

౩) కులవృత్తులు కార్పొరేట్ వృత్తులుగా మారుతున్న ఈ తరుణంలో కులవృత్తులపై కథానిక లేదా చిన్న నవల. నిడివి రచయిత ఇష్టం.

పైన పేర్కొన్న అన్ని అంశాలకూ ప్రధమ మరియు ద్వితీయ బహుమతులు కూడా ఉంటాయి. మన బ్లాగర్లే కాకుండా రచనలపై ఇష్టమున్న ఎవరైనా పాల్గొని రచనలు పంపవచ్చు.కాబట్టి మీకు తెలిసిన వారికీ ఈ విషయం చేరవేయండి. పుస్తకములు వద్దు అనుకున్నవారికి డబ్బురూపంగా బహుమితినివ్వడం జరుగుతుంది. ఎంతంటారా? ఆగండి, ఒక్కో ప్రశ్నకొక్కొక్క రేటు మరి :-). పదిహేను ప్రశ్నలయ్యాక వివరాలు చెప్తాను.

హారం సంక్రాంతి పత్రికా ప్రతికోసం రచనల పోటీలో పాల్గొనండి. బహుమతులను గెలుచుకోండి.

2011-11-19T11:33:00.004+05:30

సాహితీవేత్తలకు,పరిశోధనా ప్రియులకు,సాహిత్యాభిలాషులకు,హారం పాఠకులకు ముందుగా నమస్కారములు. ఈ చిన్న వ్యాసం యొక్క ముఖ్య ఉద్దేశ్యము అంతర్జాలంలో హారం ద్వారా తెలుగులో ఒక పత్రికను తీసుకువస్తే బాగుంటుందన్న ఆలోచనే. ఇది ఒక్కపత్రికే కావచ్చు లేదా ఆ సంచికకు వచ్చే ఆదరణను బట్టి తెలుగువారికి ముఖ్యమైన పండగలప్పుడు ఓ సంచికనో తీసుకు వచ్చే ఆలోచన. కాబట్టి ఇది పండగలకు మాత్రమే వచ్చే పత్రికే. అంటే వార,పక్ష,మాస,త్రైమాసిక పత్రికల విభాగంలోకి రాదు.

హారం ఆవిర్భావం 2009 సంక్రాంతి రోజు. ఈ పుణ్యకాలాన్ని పురష్కరించుకొనే ఈ పత్రికా ప్రతిని కూడా ఈ సంక్రాంతి పర్వదినాలలోనే వెలువరించాలని కోరిక. అప్పుడప్పుడు మాత్రమే వచ్చే పత్రిక కాబట్టి ఇందులో దరిదాపు పదిహేను విభాగాలాకు పోటీలు బహుమతులను ఇవ్వాలనుకుంటున్నాను. గొప్ప గొప్ప బహుమతులు లేకున్నా ప్రధమ,ద్వితీయ బహుమతులుగా మంచి మంచి పుస్తకములను ఇస్తాను.

అన్ని రచనలు డిసెంబరు 31 2011 లోగా పంపాలి. ముందు పంపితే ఇంకా మంచిది.

ముందుగా సాహిత్య విభాగానికి సంబంధించిన అంశము.

అంశము ౧.
==============
ఆంధ్ర మహాభారత,భాగవతముల నాధారంగా చేసుకొని ఇతివృత్తపు కాలము నాటి సామాజిక, సాంఘిక, కుటుంబ అంశములను విస్తృతంగ పరిశోధనా వ్యాసంగా వ్రాయాలి. ఈ వ్యాసం వ్రాసేటప్పుడు ఈ క్రింది నియమాలు తప్పక దృష్టిలో వుంచుకోవాలి.

౧) ఈ పరిశోధనా వ్యాసంలో సాధ్యమైనంత వరకూ భారతములోని అన్ని పర్వాలనూ, భాగవతములోని అన్ని స్కందములను స్పృశిస్తూ సాగాలి. సాంఘిక,సామాజిక,కుటుంబ వ్యవస్థను ప్రతిబింబించని పర్వములను కానీ, స్కందములను గానీ వదిలివేయవచ్చు.

౨) అవసరమైనచోట మూల పద్యములనుదహరిస్తూ,వానికి తాత్పర్యములను చెప్తూ, ఆ పద్యములను ఆధారంగా రచయిత ఆనాటి పరిస్థితులను విస్తృతంగా పదవతరగతి విద్యార్థికి అర్థమగు వచనములో వివరించగలగాలి. వ్యాసము తప్పని సరిగా తెలుగులోనే వుండాలి.

౩) A4 పేజీలో,తెలుగు ఫాంటు 12 పరిమాణముతో టైపు చేసినప్పుడు కనీసము ముప్పై పేజీలకు తగ్గకుండా వుండాలి. గరిష్ట పరిమితి లేదు. అలాగే తప్పక వ్యాసం యూనికోడ్ లో వుండాలి. యూనికోడ్ అంటే తెలియని వారికి మీరు టైపు చేసేవ్యాసము లేఖినిలో కానీ, బరహా సాఫ్ట్ వేర్ వుపయోగించికానీ, హారము ద్వారాకానీ తెలుగులో టైపు చేసి సేవ్ చేసినప్పుడు మీ డాక్యుమెంటు దానంతటదే యూనికోడ్ లో సేవ్ అవుతుంది.

౩) రచయిత భావాలు స్వతంత్రమైనవై, పరిశీలించిన గ్రంధములను, వాటి రచయితలను తప్పని సరిగా పేర్కొనాలి.

౪) రచయిత పంపే వ్యాసపు ప్రచురణ హక్కులు హారానికి ఇవ్వాలి. అంటే హారంలో ప్రచురించడానికి మంచివాటిని ఆంగ్లానువాదము చేసి ప్రచురించడానికీ సర్వ హక్కులను హారముకు ఇవ్వవలసి వుంటుంది.

అంశము ౨.
==============
ఇస్లామిక్, క్రిష్టియన్ మతములతో పోలుస్తూ, హిందూ మత ప్రాశస్త్యాన్ని, దీని ఔన్నత్యాన్ని వివరించాలి. అన్ని మతములు తప్పని సరిగా నేటి సమాజపరిస్థితులను ప్రతిబింబిస్తూ పైన చెప్పిన రీతిలో 10 A4 పేజీలకు తగ్గకుండా రచన సాగాలి.

అంశము ౩
=============
పదవ శతాబ్దానికి ముందు పల్లెజీవనాన్ని ప్రతిబింబిస్తూ మనుషుల ఆత్మీయానురాగాలతో పాటు ద్వేషభావాన్ని అంతర్లీనంగా చూపిస్తూ,ఆనాటి పల్లె భాషను ఊహించి, ఓ పదిపేజీల ( సుమారుగా ) చక్కని కథానిక వ్రాయాలి.

మిగిలిన అంశాలను కూడా రేపు ఎల్లుండిలోగా ప్రచురిస్తాను.

వాల్ స్ట్రీట్ అండ్ బ్రాడ్వే... పోలీసులు మరియు రెస్ట్ ఆఫ్ ౯౯ తో నిండిపోయింది.

2011-11-17T20:39:00.000+05:30

Live link

http://cityroom.blogs.nytimes.com/2011/11/17/protesters-and-officers-clash-near-wall-street/?hp

I am at cross roads

2011-11-14T07:32:00.001+05:30

నాకొక పెద్ద సమస్య వచ్చిందిప్పుడు. హారం లో పాఠకుల వ్యాసాలను ప్రచురిస్తానని మొన్న ఒక టపా వ్రాసాను కదా. ఇప్పుడు నాకొచ్చిన సమస్య దానిమీదనే నండి. ఏమి సమస్యంటారా? వ్యాసాలు ప్రచురించటానికి అసలు నాకేమి కావాలో తెలియడంలేదు :(.

ఎప్పుడొచ్చిన వ్యాసాలను ఎప్పటికప్పుడు ప్రచురించాలా? లేక ఓ తొమ్మిది పది వ్యాసాలొచ్చేదాకా వేచి చూసి అన్నీ కలిపి ఒక్కసారిగా పత్రికలా ప్రచురించాలా? మొన్న టపా వ్రాసేటప్పుడు ఎప్పటి వ్యాసాలను అప్పుడు ప్రచురిద్దామనుకొన్నాను. కానీ అప్పుడు బ్లాగులో ప్రచురించేదానికి హారంలో ప్రచురించేదానికి తేడా ఏముంటుంది?

ఒకవేళ అన్నీ కలిపి పత్రికలా ప్రచురిద్దామనుకుంటే, అసలు పత్రికకు కావాలసిన ప్రాధమిక సూత్రాలే కాక హంగులు,ఆర్భాటాలు ఏవీ తెలియవు. అంటే ఒక పత్రిక అంతర్జాలంలో తయారు చేయాలంటే ఏమేమి ఫీచర్స్ అవసరము. అంతర్జాలంలో ఇప్పటికే ఉచితంగా ఎవరైనా online magazine software ఉచితంగా అందిస్తున్నారా? మనమే స్వంతగా కోడ్ వ్రాయాలనుకుంటే ఆ సాప్ట్వేర్ ఉపకరణిలో ఏమేమి ఉంటే బాగుంటుంది.

చివరిగా అసలు బ్లాగుకు పత్రికకు తేడా ఏమిటి?అబ్బో చాలా ప్రశ్నలే అడిగాను కదా? మీకేమైనా ఈ online magazine నిర్వహణలో అనుభవమున్నా, లేదా మంచి ఆలోచనలున్నా తెలియచేయ మనవి.

సోమవారం నుంచి హారంలో పాఠకుల వ్యాసాలు.

2011-11-12T20:30:00.000+05:30

హారానికి తాము వ్యాసాలను వ్రాయగోరుతున్నట్టు అప్పుడప్పుడు మైల్స్ వస్తున్నా ఇన్ని రోజులూ అటువైపు దృష్టిసారించలేదు. దీనికి ఒక్కటే కారణము. ఎలాగూ బ్లాగులున్నాయి కదా, ఎవరికి తోచింది వారు తమబ్లాగులో వ్రాసుకుంటారు కదా. మళ్ళీ ఈ హారంలో వ్యాసాలంటే ఎవరు పంపుతారన్న సంశయమే!!

కానీ హారం మొదలైన క్రొత్తలోనూ అటుపిమ్మట మధ్య మధ్యలోనూ కొంతమంది మైల్స్ ఇచ్చినా సున్నితంగా తిరస్కరించడం జరిగింది. కానీ ఈ వారంలో మళ్ళీ ఇలాగే మరో ఇర్వురు ఇలాంటి మైల్స్ ఇవ్వడంతో ఈ ఆలోచనకు శ్రీకారం చుట్ట దలచాను. అంటే ఇకపై హారంలో పాఠకుల నుంచి వచ్చే వ్యాసాలు కూడా వుంటాయి. ఏవి ప్రచురిస్తాను ఏవి చెయ్యను అన్న నిర్ణయానికి నియమనిబంధనలైతే ఇప్పటికేమీ లేవు కానీ, ఆ నిర్ణయం పూర్తిగా ప్రస్తుతానికి నాదే. ముందుముందు ఏమైనా సంపాదక వర్గమేర్పిడితే తప్ప!!!

అన్నట్లు ఇది పత్రిక అని చెప్పలేను. పత్రికంటే ప్రతి వారానికో పక్షానికో నెలకో విడుదలవ్వాలి కదా. అలాంటి నియమాలేవీ లేని పత్రికనవచ్చేమో.

ఈ సందర్భంగా వచ్చేవారం మొదటి దినాల్లో ముందుగా పోచిరాజు సుబ్బారావు గారి కలం నుంచి జాలువారుతున్న సుభాషిత నీతి శతకము. ఈ శతకము అలతి అలతి తేట తెలుగు పద కంద పద్యములతో అలరారుచున్నది. ఈ శతకాన్ని కొన్ని వారాల పాటు ధారావాహికగా అందిస్తాను. వారి గురించి వివరాలు కూడా ఆ శతకముతో పాటుగానే వుంటాయి. మీమీ అభిప్రాయాలను నేరుగా రచయితకు పంపే వీలుకూడా వుంటుంది.

1920 వ సంవత్సరపు ప్రాంతంలో వ్యవసాయం చేసే వారి సామెతలు.

2011-11-11T09:34:00.001+05:30

ఈ రోజు 1920 వ సంవత్సరంలో వ్యవసాయం ఏరకంగా చేసేవారో తెలుసుకుందామని ప్రెస్ అకాడమీ లో లభించిన ఒకే ఒక పత్రిక ( అగ్రికల్చర్ మీద ఒక్కపత్రికే కనిపిస్తుంది. మరొకటి అగ్రికల్చర్ ఆర్ట్ మీద వుంది) తిరగవేస్తుంటే ప్రతిపేజీకి అడుగుభాగంలో కొన్ని సామెతల లాంటివి కనిపించాయి. ఈ సామెతలు వ్యవసాయం చేసేవారికి పెద్దగా గొప్పగా అనిపించకపోవచ్చు. ఇప్పటికీ వ్యవసాయదారులు చాలానే వాడుతుంటారు, కానీ ఈ తరం యువతకు తెలియని విషయాలు కొన్ని తెలుస్తాయని పిస్తుంది.

కొద్ది దశాబ్దాల తరువాత వ్యవసాయం అనేది ఎవ్వరికీ తెలియలేదనుకోండి. అప్పుడు ఈ సామెతలు చదివేవారికి మూఢనమ్మకాలుగా అనిపించినా ఆశ్చర్యపడనవసరంలేదు. నిజానికి మన హిందూమతంలో ఉన్న లోపమో లేదా పెద్దవారిని ప్రశ్నించే స్వభావ లేమి లోపమో కానీ చాలా నమ్మకాలుగా చలామణి అవుతున్న వాటికి వివరణలుండవు. నాన్నలను, జేజి నాయనలనడిగినా కానీ "అదంతే బోడిముండ", అధిక ప్రసంగమూ నువ్వూనూ అనే సమాధానము తప్పించి సంతృప్తికరమైన వివరణలుండవు.

అలాగే కొన్ని కొన్ని ఆనాటి కాలానికి సరిపోయేవి. మరికొన్ని సనాతనములు. బహుశా ఈ కాలానికి సరిపడని నమ్మకాలు మూఢనమ్మకాలుగా మార్పుచెందినాయేమో !!! హిందూమతానికున్న గొప్పలక్షణం కూడా తనంతట తాను సమాజానికనుకూలంగా మార్పుచెందడమే కదా.

సరే ఇక నా ప్రసంగాన్నాపి ఆ మాసపత్రికలో ఇచ్చిన కొన్ని సామెతలను చూడండి. ఎంత చక్కనైనవో. వాటి ప్రక్కనే కొన్నింటికి నాకు తోచిన వివరణ కూడా ఇస్తున్నాను

౧) సేద్యానికి పద్దులు పనికిరావు ( నిజంగా పద్దులు వ్రాసేవాళ్ళు సేద్యం చెయ్యలేరు. లెక్కా జమా కట్టుకుంటే సేద్యగాడికి కన్నీరే మిగులుతుంది )
౨) శివరాత్రికి చలి శివశివాయని పోతుంది ( ఇది చాలా మందికి తెలిసినదే. అంటే ఎండాకాలాగమనమన్నమాట )
౩) దుక్కికొద్దీ పంట, బుద్ధికొద్దీ సుఖము ( దుక్కి అంటే భూమిని దున్నడము. భూమి బాగా దున్నితే, అడుగునున్న సారవంతమైన భూమి పైకొచ్చి పంట ఎక్కువ వస్తుంది )
౪) పాటిమీద వ్యవసాయం కూటికైనా రాదు ( హ హా ఇది మాత్రం సూపర్...ఎప్పుడైనా పాటిగడ్డమీద వ్యవాసయం చేస్తే బాగా అనుభవానికొస్తుంది)
౫) ---- యెడల కందైనా కాయదు ( ఇక్కడ ఆ ఖాళీ పదము సరిగా కనిపించడం లేదు)

ఇక్కడనుంచి ఈ క్రిందివాటిలో ఏవైనా అర్థంకాకపోతే అడగండోచ్..

౬) చేలో పొత్తు కళ్ళంతో సరి ( అర్థంకాకపోతే అడగండోచ్..చెప్తాను :))
౭) చేనుకు గట్టు ఊరికి కట్టు వుండవలెను
౮) శివరాత్రికి జీడిపిందెలంతేసి ( ఇదేమిటో నాకు తెలియదు )
౯) ఉలవకాని చేలు ఊసరక్షేత్రాలు ( ఇది కూడా సూపరే :))
౧౦) పూచినపూలన్నీ కాయలైతే భూమిలో దాచుటకే చోటుండదు
౧౧) వంటికి తిండిపుష్టి, వరికి దుక్కి పుష్టి
౧౨) నూవు చేలో ఏడు వరిగింజలైనా పండవు
౧౩) మొక్కజొన్న కందెకు మొదలు, పొగాకు కాడ చివర మంచివి
౧౪) నల్లనేలకు నూవులు, గట్టినేలకు కందులు
౧౫) పశువులు నల్లనైతే పాలు నల్లనౌనా
౧౬) అన్నిపైరులకు ఆషాఢము
౧౭) విత్తుటకు శుక్రవారము, కోయుటకు గురువారము ( ఇది ఎందుకో మరి? )
౧౮) కలుపు తీయువానికి కసవే మిగులును
౧౯) కలుపుతీసిన చేను కన్నుల పండువుగనుండును
౨౦) నీడనున్న నీరు, నిలకడ పనికిరాదు
౨౧) ఎరువు చేయునుపకారము బంధువులుకూడా చేయరు ( ఎరువు అంటే పేడ లాంటివండోయ్.. ఇప్పటి యూరియా మందు కాదు )
౨౨) ఎరువు సిద్ధము చేసికొని దున్నవలె
౨౩) ఎరువులేని పొలము, లేగలేని ఆవు ఒక్కటే
౨౪) పల్లమున కేడుదుక్కులు ( ఏడు దుక్కులు ) మెరకకు నాలుగు దుక్కులు
౨౫) పదును పోకుండా దున్నవలెను ( పదును అంటే వర్షం పడిన తరువాత భూమి మెత్తగా వుండి దుక్కి దున్నడానికి అనుకూలంగా వుంటుంది )
౨౬) లోతు దుక్కికి ఎక్కువ పంట
౨౭) వర్షము చూచికొని నాగలి కట్టవలెను ( నాగలి అంటే మనసినిమాల్లో బలరాముడు ఆయుధంగా చూపిస్తారు చూడండి అది :)..కొద్దిగా ఎక్కువైందా? పర్లేదు అడ్జెస్ట్ అయిపోవాలి మరి :)))
౨౮) మూలవర్షము నవధాన్యాలకు చెరుపు ( ఇక్కడ మూలవర్షమంటే మూలకార్తెలో కురిసే వర్షము)
౨౯) విశాఖ వర్షము చీడలకు వృద్ధి

మా రోజులే వేరులే.... అసలు ఆ రోజుల్లో ....

2011-11-10T23:59:00.002+05:30

హ హ అదేనండి పాతది ఏదైన ప్రతిదీ అపూర్వము కదా. అది ఎంతచెడ్డదైనా గొప్పదే అనుకునే వారికోసమన్న మాట.

ఆ మధ్య ప్రెస్ కౌన్సిల్ వారు చాలా పత్రికలు,పుస్తకాలు అంతర్జాలంలో పెట్టినప్పుడు యథాశక్తి ప్రతి పత్రికనూ ప్రతి పుస్తకాన్ని దిగుమతి చేసుకోవడం జరిగింది. అందులో ఈ ఆంధ్రవిద్యార్థి నా దృష్టిని మొదటినుండి ఆకర్షిస్తూనే వుంది. కారణం లేకపోలేదు. ఇందులో చాలా వరకూ మంచి మంచి పరిశోధనాత్మక వ్యాసాలు ప్రచురించారు. అప్పుడప్పుడూ అవి చదువుతూ వుంటే అందులో మిగతా విషయాలు కూడా చూస్తుంటాము కదా.అసలే నాకు ప్రక్క చూపులెక్కువ మరి ;-). అలా కనిపించిన ఒక అతిచిన్న మోసపు ప్రకటన ఇది. ఆరోజుల్లో ఐదురూపాయలంటే ఎంత విలువో కదా? ఇంతకీ ఈ ప్రకటన 1934 వ సంవత్సరం అక్టోబరు 1 వతేదీ వచ్చిన పత్రికలోనిది.

ఇలాంటి మోసాలు అప్పుడు బహుశా పత్రికల్లో వచ్చేవేమో !! ఇప్పుడు ఏకంగా T.V ల్లో కనిపిస్తున్నాయు. కాలం మారింది. ప్రచారం చేసే మాధ్యమం మారింది. మనిషి బలహీనత అలాగే వుంది. ఆ బలహీనతలనాధారంగా క్రొత్త క్రొత్త మోసాలు పుట్టుకొచ్చాయేమో కానీ నిజానికి మనిషి మారలేదు, మోసం తగ్గనూ లేదు.

భారత దేశ యాత్ర ....

2011-11-07T06:19:00.000+05:30

నేను వచ్చే సంవత్సరము మన భారత దేశము శ్రీనగర్ నుంచి కన్యా కుమారి వరకూ, ఒఖార్ నుంచి ఇంఫాల్ వరకు పర్యటించ దలచుకున్నాను. పర్యటన ముఖ్య ఉద్దేశ్యము వివిధ పర్యాటక ప్రదేశాలే కాక, రకరకాల సమాజాలు, అందులో భాగమైన మనుష్యులు, వారి ఆచారవ్యవహారాలు,ఆ సమాజ మనస్తత్వాన్ని నాకు తోచినరీతిలో గమనించదలచుకున్నాను. ఈ కార్యాన్ని నిర్విఘ్నంగా జరపాలంటే ఎటువంటి జాగ్రత్తలు తీసుకోవాలి. పర్యటనలో తప్పక దర్శించుకోవలసిన ప్రదేశాలు ఏమిటి? ఏఏప్రాంతాల్లో ప్రసిద్ధమైన దేవాలయాలున్నాయి? ఏఏ ప్రాంతాలు చారిత్రాత్మక మైన ప్రదేశాలు? ఏవి సుందరమైన ప్రదేశాలు. ఇలాంటి వివరాలు ఎవరైనా ముందుగా ఇవ్వగలిగితే నాకు చేతనైన విధంగా ముందుగా ఆ ప్రాంతము గురించి తెలుసుకోవడానికి ఉపయోగపడుతుంది. అంటే ముందుగా ఒక అభిప్రాయానికొస్తానని కాదు. భౌగోళిక పరిస్థితులు, మిగతా వివరాలు తెలుసుకుంటానని. ఇండియా మొత్తాని ఓపెన్ మైండ్ తో చూడదలిచాను. చాలా సంవత్సరాల క్రితం ఇండస్ట్రియల్ టూర్ అని విశాఖపట్టణం, పూరీ, భువనేశ్వర్, ముంబాయి, మదుర,ఆగ్రా, ఫతేపూర్ సిక్రి, ఢిల్లీ,కలకత్తా చూడడం జరిగింది. కానీ అప్పుడు దేశంలో చూడదగిన ప్రదేశాలను చూడాలన్న ఆసక్తితో మిగిలిన విషయాలను పెద్దగా గమనించలేదు. ఉద్యోగపరంగా పైన చెప్పినవే కాకుండా, చెన్నై, బెంగుళూరు,పూనా, ముంబై లతో నాకు బాగానే సంబంధం ఉన్నా, జనుల మనస్తత్వాలను పెద్దగా గమనించలేదనేచెప్పాలి.

కానీ వచ్చేసంవత్సరం ఓ మూడు నెలల విరామం తీసుకొని ఈ పని చేయదలచుకున్నాను. మీకు తోచిన సలహాలు ఇస్తారా మరి?నాతో పాటు ఎవరైనా తిరగాలి అనుకుంటే చాలా సంతోషం. నేను ఒక్కడినే భారతదేశ యాత్ర చేసేబదులు మరో ఇద్దరు ముగ్గురు బ్లాగర్లు వ్స్తే మరీసంతోషం. యాత్ర ప్రధానంగా కారు ద్వారా జరుగుతుంది. నాకు కూడా ఖర్చులు తగ్గుతాయి.ఏమంటారు?ఆలోచించండి. తేదీలు ఇంకా తెలియవు. అసలు చేస్తానోలేదో తెలియదు. ఇది ఒక ఆలోచన మాత్రమే. కానీ వచ్చేసంవత్సరంలో ఇక్కడ నాకుటుంబానికి కావలసిన అన్ని సౌకర్యాలనమర్చినతరువాత తేదీలు నిర్ణయిస్తాను.

ఏంటి వీడిదంతా రాస్తున్నాడనుకుంటునారా? అదేమరి కాకటైల్ ఎన్నో పెగ్గో చెప్పేస్థితిలో లేని కాబట్టి నా మాటలు సత్యాలనే మీరందరూ నమ్మొచ్చు :-)

టప్ టప్ టప్ టప్.............................................రేపే ఆఖరి రోజు

2011-11-03T08:05:00.004+05:30

టప్ టప్ టప్ టప్.............................................

టపా పడుతుంది. పడుతూ ............................ వుంది

.
.
.
.
.
.
.
.
.
.
.
.
.

దేనిమీద...........

ఇంక దేనిమీద :-)

అసలిదీ ఒక టపానా అని తిట్టుకోమాకండి. నాలుగు లైన్లన్నా ఉన్నాయా లేదా? ఉన్నాయి కదా...అంతే .మరిది .టపానే :-)
మీరిక రేపటినుండి నిశ్చింతగా నిద్రపోవచ్చన్నమాట :)). అదీ సంగతి.

రేపు ఓ టపా వ్రాసి అచ్చుకిచ్చేస్తా దీన్ని. మొత్తం ఈ బ్లాగ్లో పబ్లిష్ చేసినవి చెయ్యనివి కలిపి A4 size లో దరిదాపు డెభ్భై పేజీలొచ్చాయి. ఓ మోస్తరు పుస్తకమవుతుందేమో కదా !!!. ఇంతకీ అచ్చెలా వేయించాలో చెప్తారా ఎవరైనా? అంటే పబ్లిషర్స్ ను ఎలా కాంటాక్ట్ కావాలి. వాళ్ళు ఒప్పుకుంటే మన చేతి చమురు ఎంత వదులుతుంది. అలాగే ఒకవేళ ఎవరూ అచ్చెయ్యకపోతే తూర్పుఁదిరిగి దండం పెట్టడేమానా లేక వేరే ఎమైనా మార్గాలుంటాయా అని?

వ్యవసాయ సంబంధమైన పదాలు.... వాటికి సరిపడ ఫొటోలు...

2011-10-31T08:29:00.000+05:30

ఈ మధ్య బ్లాగుల్లో బాగానే అందమైన ఫోటోలు కనిపిస్తున్నాయి. అలాగే కొద్దిమంది ఈ రంగంలో మంచి ప్రొఫేషనల్స్ కూడా వున్నట్టున్నారు. వీరందరికి ఒక అభ్యర్థన.మీరు ఇదివరకు తోసిన లేదా తీయబోతున్న ఫొటోలు వ్యవసాయ సంబంధమైన ఫొటోలైతే ఆ లింకును ఇక్కడ ఇవ్వగలరేమో చూడండి.
ఫొటోలు నాణ్యమైనవి కావాలి. అంటే ఈ ఫోటొల్లో ఆ పనిముట్టుకు సంబంధించిన అన్ని భాగాలను గుర్తించడానికి అనువుగా వుండాలి. వీటిని తెలుగునిఘంటువులో చేర్చడానికి ఎటువంటి అభ్యంతరమూ లేనివై ఉండాలి.ఈ క్రింద కొన్ని ఉదాహరణ పదములనిస్తున్నాను. కానీ ఇవే అవ్వక్కరలేదు. వ్యవసాయానికి సంబంధించి ఏ పనిముట్టైనా తీసుకుంటాము.

కొన్ని ఉదాహరణ పదాలు.

౧) కొడవలి
౨) లిక్కి
౩) జడ్డిగం
౪) నాగలి
౫) గొఱ్ఱు
౬) పరము
౭) బండి
౮) పొన్ను
౯) పలుగు
౧౦) జడ్డిగం అమర్చి విత్తనాలు విత్తే పరికారాలన్ని
౧౧) గుంటక
౧౨) పలక ( అచ్చుకట్టు )
౧౩) దిండు
౧౪) గొర్రు
౧౫) ముల్లుగర్ర
౧౬) చెలకోల ( చెర్నకోల )
౧౭) దోకుడు బార
౧౮)గొడ్డలి
౧౯) గండ్రగొడ్డలి
౨౦) గడ్డపార
౨౧) తర్లుబార
౨౨) కవెల
౨౩) దున్నపోతు
౧౪) బఱ్ఱె
౨౫) ఆవు
౨౬) ఎద్దు
౨౭) గాడి
౨౮) బఱ్ఱెలకొట్టం
౨౯) తొట్టి
౩౦) తలుగు
౩౧) వామి
౩౨) రకరకాల పైర్లు ( దంటు, కంకి స్పష్టంగా కనిపించాలి )
౩౩) గాదె( గాజె )
౩౪) పాతర
౩౫) చిక్కి

ఇవే కాకుండా ఇంకా మీకు తెలిసిన పనిముట్లేవైనా సరే....

మాఊర్లో శిశిరమొచ్చింది. ఇక నాలుగునెల్లు కుంపట్లే గతి..........

2011-10-30T09:05:00.001+05:30

''మార్గశిర పుప్యౌ హిమ: మాఘఫాల్గుణౌ శిశిర:

చైత్ర వైశాఖౌ వసంత: జ్యేష్ఠాషాడౌ గ్రీష్మ

శ్రావణ భాద్ర వర్షా ఆశ్వీజ కార్తీకా శరత్‌''

అలా మనపెద్దలు ఋతువులకు మాసాలకు లంకెపెట్టారు కదా!!! మనకు భారతదేశంలో వాతావరణ సమతుల్యత గల రోజుల్లో బహుశా స్పష్టంగా ఆరు ఋతువులు బాగా కంటికి కనిపిస్తూ స్పర్శ జ్ఞానముద్వారా తెలుస్తుండేవేమో. నా చిన్నప్పుడు నేను చదువుకొన్నప్రాతంలో అడవులు బాగా ఉండేవి. అప్పుడు కూడా కొద్దో గొప్పో ఏ ఋతువులో వున్నామో కేలండర్ చూడకుండా స్పర్శ జ్ఞానం ద్వారా చెప్పగలిగేవాళ్ళు. ఇప్పుడక్కడకూడా అంత దృశ్యంలేదులేండి. ఓ మూడేళ్ళక్రితం చదువుకున్న పాఠశాల చూద్దామని ఆ ఊరెళ్ళి అక్కడున్న పరిశరప్రాతాలతోటి భైరవకోన కూడా వెళ్ళాము. ప్చ్....అనుకుంటే గుండె తరుక్కొని పోతుంది.దట్టమైన అడవి కనపడకపోతే పోయింది. కనీసము ఆ ఛాయలుకూడా కనిపించలేదు :(. ఈ విషయంలో అమెరికాను నిజంగా మెచ్చుకోవాలి. ఇక్కడ ఇప్పటికీ వీరికున్న నాలుగు ఋతువులు ఖచ్చితంగా మనకు కనిపిస్తాయి.

నాకీ శ్లోకం ఇప్పుడే ఎందుకు గుర్తుకొచ్చిందంటారా? ఏమీ లేదండి మొన్నటిదాకా ప్రకృతి ఎంతరమణీయమో కదా అని చెట్లకున్న రంగురంగులాకులను చూస్తూ మైమరచి తన్మయానంద డోలికల ఊగుతూ కారునడుపుకుంటూ ఆఫీసుకు వెళ్ళి వస్తుండేవాడిని. నా ఆనందాన్ని చిదిమేస్తూ నిన్న పడిన ఓ వర్షానికి ఆ తరుణీలతల పత్రాలన్నీ కాలధర్మం చేస్తున్నట్టు భూమాతను కలిసిపోయాయి. అది జరిగి ఒక్కరోజైనా కాకుండానే ఈ వేళ శిశిరాగమనమా అన్నట్లు మా ఊర్లో ఈ సంవత్సరానికి గానూ తొలిసారిగా మంచు పడుతుంది. ఇక్కడ మంచుపడడం సర్వ సాధారణమే ఐనా, అక్టోబరు లోనే ఇలా జరగడం కొంచెం భయాన్ని కూడా కలిగిస్తుంది. ఎందుకంటారా? కుమార సంభవములోని ఈ పద్యాన్ని తిలకించండి.

శార్దూలము.

శీతాత్యంతనిపీడనం బడి జగజ్జీవాళు లత్యార్తులై
పాతాళంబులు సొచ్చు నట్టిరవులొప్పన్ భూగృహావాసులై
భీతిన్ వెల్వడకుండ వహ్ని మెయి కంపింపం బ్రచండార్చికిన్
జేతుల్ గ్రొవ్వెరవోవుచుండ శిశిరోచ్ఛేదంబు పర్వెన్ మహిన్

ఇప్పుడు ఈ పద్యానికి మా తెలుగు నిఘంటువులో అర్థాలను వెతకండి :-). అర్థాలు వెతకటానికి అనుగుణంగా సంధిపరిఛ్ఛేదము కూడా చేయడం జరిగింది.

అంటే మా తెలుగు నిఘంటువులో అర్థాలున్న ప్రతిచోటా ఆ పదానికి hyperlink ఇచ్చానన్నమాట. దాని మీద click చేస్తే మీకా పదానికి అర్థము తెలుస్తుంది.

శీత + అత్యంత నిపీడనన్ పడి జగత్తు + జీవ + ఆళులు అతి + ఆర్తులు +ఐ

పాతాళంబులు సొచ్చు అట్టు+ఇరువులు+ఒప్పన్ భూ+ గృహ+ ఆవాసులు+ఐ

భీతిన్ వెల్వడక+ఉండన్ వహ్ని మెయి కంపింపన్ + ప్రచండ+ఆర్చికిన్

చేతుల్ క్రొవ్వెర+పోవుచున్+ఉండన్ శిశిర +ఉచ్ఛేదంబు పర్వెన్ మహిన్

శీత + అత్యంత నిపీడనన్ పడి జగత్+జీవ+ఆళులు అతి+ఆర్తులు+ఐ
పాతాళంబులు సొచ్చు+అట్టు+ఇరువులు+ఒప్పన్ భూ+గృహ+ఆవాసులు+ఐ
భీతిన్ వెల్వడక+ఉండన్ వహ్ని మెయి కంపింపన్ ప్రచండ+ఆర్చికిన్
చేతుల్ క్రొవ్వెర+పోవుచున్+ఉండన్ శిశిర+ఉచ్ఛేదంబు పర్వెన్ మహిన్

తెలుగునిఘంటువింకా పూర్తిగా టైపు కాలేదు కనుక, ఇప్పుడు సూర్యరాయాంధ్ర తెలుగు నిఘంటువు ఆన్ లైన్ వెర్షన్ లో దొరకని పదాలకు అర్థాలు చూద్దాము. అన్నింటికి ప్రతిపదార్థము వ్రాయవచ్చు కానీ ఏదో ఆలింకుల ద్వారా మా తెలుగునిఘంటువుకు కాస్త ట్రాఫిక్ నిద్దామని :))

ఆళులు = సమూహాలు
ఆర్తులు+ఐ = దుఃఖముకలవారై

పాతాళంబులు = పాతాళములు
భీతిన్= భయముతో
వెల్వడక+ఉండన్ = వెలుపలికి రాకుండా

వహ్ని= అగ్ని
ప్రచండ = తీవ్రమైన
ఆర్చికిన్ = కిరణాలు
ప్రచండ+ఆర్చికిన్ = సూర్యునికి

క్రొవ్వెర+పోవుచున్+ఉండన్ = కొంకర్లు పోతుండగా
ఉచ్ఛేదంబు= బాధ
పర్వెన్= వ్యాప్తమయ్యెను

పద్యం మొత్తానికి భావము : భూమిపై చలి ఎక్కువగా వ్యాపించింది. ఆ చలివలన కలిగిన బాధను భరించలేక సృష్టిలోని ప్రాణులు అమిత దుఃఖముతో పాతాళలోకాలకు పోయినట్లు భూగర్భంలో ఉన్న ఇళ్ళలోనికి పోయి అక్కడనుండి బయటకు రాకున్నారు. అగ్నికే శరీరం కంపిస్తునట్టు, సూర్యునికే చేతులు కొంకర్లు పోతున్నట్లు చలి విజృంభించింది.

సరి సరి, ఈ దేవుని సృష్టిలో ప్రతిఒక్కదానికి ఒక ప్రయోజనమంటూ ఉందికదా? మరి ఈ చలి వలన ప్రయోజనమేమిటా అంటే రామరాజభూషణుఁడు కావ్యాలంకార సంగ్రహము లో ఈ విధంగా ఈ శిశిర ఋతువు గూర్చి చెప్పారు.

మాఘ,ఫాల్గుణాలలో శిశిరర్తువు. ఈ ఋతువు హేమంతము వలే నుంటుంది. విశేషించి ఏనుగులకు, లేళ్ళకు, పందులకు, దున్నలకు కొవ్వు పడుతుంది.కామినిలు విచిత్ర సురతోపభోగ యోగ్యులు గా వుందురు. అంటే ( సురత+ఉప+భోగ ) :-) . చందనమునకు రుచి కలుగును. నీటికి మిక్కిలి శైత్యము కలుగును. మరువకములును కుందములును పుష్పించును.
కేళాకూళులయందనాదర మేర్పడును. ఎల్లరును వెచ్చవెచ్చగా కుంపట్ల వద్ద కూర్చుండ నభిలషింతురు. ప్రచండ వాయువు వీచును. కుంకమ పూత పూసుకొని ఆ చలిని కామినులు సహింతురు.

మొత్తంగా చూస్తూ ఈ చలికాలం మొగవారికి మంచి ఋతువన్నమాట :-)

దమ్ముమీద దమ్ము... రింగురింగుల పొగ....

2011-10-28T02:29:00.001+05:30

నాయనా ఈ ధూమపానమనేది ఒక జిల లాంటిదన్నమాట. ఒకసారి తగులుకుంటే అంత త్వరగా పోదు. కాబట్టి దీనికి ఎంతదూరంగా ఉంటే అంత మంచిది. ఇక్కడ నేను వ్రాసేవన్నీ అక్కడ ఇక్కడ ఏరుకొచ్చి వ్రాసినవే కాబట్టి వీటికి ప్రూఫ్ లు కావాలంటే ఒక పదిమంది స్మోకర్లు 20 నుండి 60 ఏండ్ల మద్యవాళ్ళను ఒక దగ్గర కూర్చో పెట్టి వాళ్ళ అభిప్రాయాలను కనుక్కోండి. ఇందులో 99% నిజమయ్యే అవకాశాలుంటాయి. కానీ చాలా వరకు ఇప్పటి తరం వాళ్ళు ఎందుకనో తమజబ్బులను బయటకు చెప్పుకోవటంలేదు.కారణాలేమో??? చెప్పుకోవడం వల్ల ఏమైనా నష్టాలో ఏమో తెలియదు కానీ కనీసం మీమీ వివరాలు డాక్టర్ దగ్గరకి వెళ్ళినప్పుడన్నా చాలా చాలా స్పష్టంగా వివరంగా చెప్పడం అలవాతు చేసుకోండి. ఎందుకంటే వైద్యశాస్త్రంలో వైద్యునికి అతి కష్టమైన పని మనకు ఏ జబ్బుందో కనిపెట్టడమేనట. దానికి మీ వంతు సహాయం లేకపోతే డాక్టర్లు కిడ్నీ బదులు గుండెకాపరేషన్ చేసి " ఎవ్విరిథింగ్ ఈజ్ ఆల్రైట్" అని చెప్పిన నాలుగోరోజుకే వేరే ఏమైనా జరగొచ్చు.

ఇకపోతే మన శరీరంలో ఈ సిగిరెట్టు నోట్లో పెట్టి గుప్పు గుప్పు మని పొగబండి లెక్కన పొగను వదిలేమా.... రింగురింగుల తిరుగుతూ మొదట్లో బాగానే ఉంటుంది. కానీ ఆ ధూమపానమే backpain మరియు నరముల సంబంధించిన వ్యాధులకు మూలమని తెలుసా? ఒకవేళ మీకు ఈ జబ్బులు ఇప్పటికే వుండి ఇప్పటికీ ధూమపానం చేస్తున్నట్లైతే తక్షణం మానడం మంచిది. కారణం ఈ పొగవల్ల కణజాల క్షీణత మరింత ఎక్కువౌతుంది.ఎలాగా???

ఎలాగంటే మన రక్తనాళాల్లో వుండే అంతర్గత పొర ఈ ధూమపానంలో వుండే విషపదార్థాలవల్ల నాశనమైపోవడం మొదలౌతుంది. ఈ పొగత్రాగడంవల్ల ఊపిరితిత్తుల ద్వారా మన రక్తంలో కలిసిన విషపదార్థాలు మన గుండెకు, మెడ,వెన్నుముకల డిస్కులకు రక్తాన్ని సరఫరా చేసే చిన్న చిన్న రక్తనాళాల లోపలి పొరలపై రసాయన చర్య జరిపి ఆ పొరను నాశనం చేస్తాయి. దీని మీద పూర్తి వివరాలు కావలసిన వారు " endothelial cells nitric oxide and nicotine" అని గూగుల్ లో సెర్చ్ చేయవచ్చు. ఇక్కడ మనము గుర్తుంచుకోవాలసింది, ఈ సిగిరెట్లలో నికోటిన్ ఒక్కటే కాదు దానితో కలిసి దరిదాపు ఐదొందల కెమికల్స్ ను మండించి, మండించగా వచ్చిన vapour ను మనం డైరక్ట్ గా మన శరీరంలో ఊపిరితిత్తుల ద్వారా ప్రవేశ పెడుతున్నాము. ఇక్కడ మనకొక అనుమానం రావచ్చు. మనము పీల్చిన గాలి ఊపిరితిత్తుల్లోకి కదా వెళ్ళేది. రక్తాన్ని సరఫరా చేసేది గుండె కదా? మరప్పుడు ఈ రక్తానికి ఊపిరితిత్తులకు గల సంబంధమేమిటని. అది నేను టైపు చేయడం కంటే ఈ క్రింది వీడియో చూడండి. బాగా అర్థమవుతుంది.

ఈ క్రింది వీడియో మన ఊపిరితిత్తుల గురించి వివరిస్తుంది.

ఇప్పుడు గుండె, ఊపిరితిత్తుల 3D వీడియో చూడండి. అంటే మన గుండె ఎక్కడ వుంటుందో గుండెచుట్టూరా ఊపిరితిత్తులు ఎలా ఉంటాయో తెలుస్తుంది.

ఇప్పుడు మనగుండె, ఊపిరితిత్తులు కలిసి మనశరీరానికి రక్తసరఫరాను ఎలా చేస్తాయో ఈ వీడియోలో చూడండి. అలాగే రక్తంలో ఆక్సిజన్ కలిసినప్పుడు రక్తము రంగు ఎర్రగా ఎలా మారుతుందో చూడండి. కానీ మనం దమ్మేసి రక్తానికి ఆక్సిజన్ తోపాటు నికోటిన్ తో కూడిన కార్బన్ మోనాక్సైడ్ ను కూడా అందిస్తున్నామే :((

సశేషం..

సాఫ్ట్వేర్ గాడి బ్రతుకింతేలే... ఇంతేలే..ఇంతేలే

2011-10-26T20:14:00.000+05:30

జీవితమింతేలే....ఈ జీవితమింతేలే............
సాఫ్ట్వేర్ గాడి బ్రతుకింతేలే... ఇంతేలే..ఇంతేలే

మీటింగంటడు.... మాటీమంటడు మెత్తమెత్తగ మొత్తుతాడే
సూపర్ టీమంటడు భుజాల్తడ్తడు గాలికొట్టి నా మనసే బెలూన్ చేస్తాడే
వార్నీ నీశక్తి నీకు తెలియదంటాడే..... నీముందు నేనెంతంటాడే....

ఉబ్బిపోయి రూటుతప్పిపోయి రింగరింగైపోయి
ఓ యస్ అనేస్తానే... చేసేస్తననేస్తానే......

క్షణమెంబడి క్షణం ..నిమిషమెంట నిమిషం గంటమ్మడి గంట
గడిచి పోయి రెండు మూడు గంటలౌతుందా......
అప్పుడు పుడ్తుందండి వాడి బుఱ్ఱలో గుబులు

నాలుగోగంట.....

డెస్క్ దగ్గరకొస్తడే.. హి హి హి అంటాడే
హే హే.. హౌఆర్వ్యుయ్ డూయింగంటాడే...
భుజం తడ్తడు, తొంగిచూస్తడు,కాలుకాలిన పిల్లల్లె తిరిగుతాడే
వాడు మందేసిన కోతల్లె తిరుగుతాడే...
అంతేనా...కంప్యూటర్లో వేలెట్టికెలుకి
అయిందాలేదా? అంటు ఆరాలే తీస్తడే...

నెత్తినోరు కొట్టుకున్న డెడ్లైనంటడు క్లైంట్ మాటండడు...
నామాటే వేదవాక్కంటాడే.. వాడిశార్థమంటడు
తుదకు నువ్వేకదా ఒప్పుకున్నావంటడు
ఇదెంతపనంటడు ...ఏమన్నా చెప్తే...రికార్డింగేస్తడే

(ఇక్కడ ఫ్లాష్బ్యాక్ అన్నమాట..)

నాచిన్నప్పుడు.... గాడాంధకరమైన ఓ అమావాస్యరాత్రి...
గుడ్లగూబలు కూడా భయపడేంత దట్టమైన కోడారణ్యం ( కోడ్ + అరణ్యం )
చిలకలు,గోరింకలు...కాకులు, గద్దలు
కోకిలలు, గుడ్లగూబలు
ఎన్నని చెప్పేది ఓ డెవలపరో..నీకెన్నని చెప్పేది ఓ డెవలపరో
కోతులు, కొండముచ్చులు
ఎద్దులు, ఏనుగులు,భల్లూకాలు...
ఎన్నని చెప్పేది ఓ డెవలపరో..నీకెన్నని చెప్పేది ఓ డెవలపరో...

ఆ రకంగా ఆ నిశీధిరాత్రుల్లో కాఫీ కూడా తాక్కుండా లైనెంట లైను కోడ్ వ్రాసానా
తెల్లారింది..ఆహా..పొద్దెక్కింది.. పక్షులన్నీ ఆఫీస్ చేరాయి
మేనేజరొచ్చి ప్రాజెక్ట్ కేన్సిలైందన్నడ్రో ఓ డెవలపర్
ఏమి చెప్పేదీ..నాబాధెవ్వడికి చెప్పేది...
నేపడ్డ కష్టమ్ముందు నీదెంతన్నాడే.... నీదెంతన్నాడే

ఏదోలా పగలనకరాత్రనక చేసేస్తానా....

బగ్గంటడు, కోడ్చెత్తంటడు ( కోడ్+చెత్తంటడు ),లీకంటడు,లాకులంటడు
అదంటడిదంటడు ఢాం డిస్కంటడు...
అన్నీ అని...తుదకు
మాటెయ్యరో ఓ డెవలపరో..ఈ చిల్లికోడ్ కుండకు మాటెయ్యరో ఓ డెవలపరో...
మాటెయ్యరో ఓ డెవలపరో..ఈ చిల్లికోడ్ కుండకు మాటెయ్యరో ఓ డెవలపరో...

ఓ శుభముహూర్తాన రిలీజౌద్దా...

హా..వచ్చాడే....వీడి మొగుడొచ్చాడే.....
నాసామిరంగా..వచ్చాడే..వీడి మొగుడొచ్చాడే.....
వచ్చి...

మేనేజరో ఓ ఆఫ్సోర్ మేనజరో
నేనండిగిందేంటి నువ్విచ్చిందేంటి
నేను తెలుపురంగడిగితే నువ్వు నలుపిస్తావా... ఓకే
నేను తొండమడిగితే నువ్వు ముక్కిస్తావా..ఓకే
ఐనా నేనేనుగునడిగితే నువ్వెలుక పిల్లనిస్తావా?
ఏమన్నా అర్థాముందా మేనజరో ఓ ఓ ఆఫ్సోర్ మేనజరో....?
కేన్సిల్..కేన్సిల్ ..కేన్సిల్...

డెవలపర్ బ్రతుకు సుఖాంతం ... మేనజర్ ఎలుక కుడితిలో పడింది.

సమాప్తం :-)

సిగిరెట్ ఎలా తయారు చేస్తారు? ఈ రోజుకిది చూసేయండి.

2011-10-17T08:14:00.000+05:30

చూసారు కదా. పాపం మన సిగిరెట్ కంపెనీల వాళ్ళు మనం యథాతథంగా పొగాకు చుట్టను త్రాగలేమని ఎన్ని కోట్ల ఖర్చుతో మనకు సేవచేసి తరిస్తున్నారో...

స్మోకర్స్ బహుపరాక్... ఈ వారంలో అసలు సిసలైన మరో జబ్బు గురించి చర్చించుకుందాము. ఈ లోపు వీలైతే ఆక్సిజన్ మన రక్తానికెందుకు అవసరమో తెలుసుకోండి.

పొగతాగే వాళ్ళలో తరచూ కనిపించే జబ్బు సైన సైటిస్ ( తలనొప్పి లాంటిది ) లేదా తీవ్రమైన జలుబు.... కారణమేంటి?

2011-10-16T10:54:00.005+05:30

మనము నిన్న కొన్ని బొమ్మలను చూసాము కదా. ఇప్పుడు మన ఉచ్ఛాశ్వ, నిశ్వాస వ్యవస్థను గురించి, మనకున్న ధూమపానం మూలంగా ఈ వాయునాళ మార్గంలో ఉన్న వివిధ ప్రదేశాలను ఏరకంగా చెడగొడుతుందో చూద్దాము.

మనము పీల్చినగాలి ఈ వాయునాళాల గుండా ప్రవహించేటప్పుడు ముందుగా ముక్కుపుటాలలో ప్రవేసించినప్పుడు ముక్కులోనున్న వెంట్రుకలు, ఈగలు, దోమలు మొదలైన వాటిని ఈ వాయునాళం ద్వారా లోనికి ప్రవేసించకుండా ఆపుతాయి. ఆ తరువాత ఈ గాలి ఈ వాయునాళంలో వున్న సిలియా ( మైక్రోస్కోప్ లో మాత్రమే కనిపించే వెంట్రుకల ఆకారంలో వున్న పదార్థము ) ఒక క్రమపద్ధతిలో కదలడంద్వారా, ఈ సిలియాపైన జిగట గా వున్న శ్లేష్మము (mucus) గాలిలో లేదా సిగిరెట్ పొగలో నున్న మనిషి కంటికి కనిపించని దుమ్ము,ధూళి, సిగిరెట్ పొగలో నున్న ఇతర particles ను పట్టేసి చీమిడి రూపంలో ముక్కుద్వారా కానీ లేదా మనము గుటక వేసినప్పుడు జీర్ణాశయము లోనికో పంపించివేస్తుంది. అంటే మనము మనము పీల్చేగాలి ఎంత కలుషితమైతే అంత బాగా మనకు జలుబు చేసి ముక్కులవెంట గోదావరీ నదిని పారిస్తుంది. లేదా ముసీ నదిలాగా నీళ్ళులేక గడ్డకట్టి మనము ఎంతచీదినా పచ్చటి రంగులో ముసీనదంత కంపు కొడుతూ బయటకు వస్తుంది. అంటే ఇదంతా మనము పీల్చిన గాలిలో ఉన్న రకరకాల కెమికల్స్ లేదా దుమ్ము ధూళి.

నిన్నటి బొమ్మను తిరిగి ఇక్కడ పాఠకుల సౌకర్యంకోసం ఉంచుతున్నాను.

ఇక్కడ trachea అనేది వాయునాళం. మనకు మాట,పాట రావడానికి ప్రధాన కారణమైన స్వరపేటిక ( Vocalcords ) దగ్గర మొదలై ప్రధానమైన బ్రోంకై (bronchi) దాకా ఉంటుంది ( అంటే రమారమి ఊపిరితిత్తుల దాకా అనుకోండి ) . అంటే వీటిమధ్యనున్న గొట్టానికి ఆ పేరు పెట్టామన్నమాట. cilia, mucus లు ఎలా ఉంటాయో ఈ క్రింది బొమ్మలో చూడవచ్చు. ఇవి మైక్రోస్కోప్ లో చూస్తేనే కనిపిస్తాయి సుమా!!!

ఇప్పుడు చెప్పిందంతా బాగా అర్థము కావడానికి ఈ వీడియోను ఒక లుక్కేయండి.

మరి ఈ సైనస్ తలనొప్పి ఎందుకు వస్తుంది? ఆలస్యం చెయ్యకుండా ముందు మన అందమైన మొఖం బొమ్మ చూసేయ్యండి.

చూసారా? అక్కడ పింక్ రంగులో కనిపిస్తున్నాయే....అవి మన పుఱ్ఱెలో ముక్కు చుట్టూరూ ఉన్న ఖాళీ ప్రదేశాలు. వాటికి కూడా రకరకాల పేర్లు పెట్టారు. మనకవన్నీ అవసరంలేదు కానీ అసలు ఈ సైనస్ ఎందుకొస్తుంది అనేది కదా మన ప్రధాన సమస్య. క్లుప్తంగా చెప్పాలంటే పుఱ్ఱెలో మనం చెప్పుకున్న ఆ ఖాళీ ప్రదేసాల్లో మనం పీల్చినగాలి తాలుకూ సూక్ష్మమైన particles వెళ్ళి చేరతాయి. ఇక్కడ కూడా పైన మనం చెప్పుకున్న cilia, mucus లు ఎప్పటికప్పుడు వీటిని బయటికి నెట్టేస్తుంటాయి. బయటికి నెట్టడమంటే చీమిడి ద్వారా వచ్చేస్తుంది. మరి సిరెట్లు తాగేవాళ్ళలో ఎందుకు ఈ సమస్య ఎక్కువ ఉంటుందో వేరే చెప్పాలా? తాగేదే అసలు సిసలైన పొగ. అందులోనూ 500 రకాలు కలిసిన కెమికల్స్. అంతేనా దానికీ కోపమొచ్చి "బాసూ నేను పని చెయ్యను నీ దిక్కున్న చోట చెప్పుకోమ్మని మొరాఇస్తుంది" . మనము ఇలాంటి నొప్పులను పెద్దగా పట్టించుకోము గదా మళ్ళీ ఓ దమ్మేస్తాము కదా :-) అప్పుడేమౌద్ది?

ఈ పొగవల్ల ఈ కెమికల్స్ వల్ల సిలియా కదలడం మానేస్తుంది. ఇది కదలకపోతే దానిపైనున్న మ్యూకస్ కదలదు. మ్యూకస్ కదల్లేదంటే ఆ శ్లేష్మము ఆ పుఱ్ఱెలో నున్న ఖాళీ ప్రదేశంలో తిష్టేసుకోని కూర్చుంటుంది. అంటే ముక్కుద్వారా బయటకు రాదు. అలా శుభ్రంగా డిపాజిట్ అయ్యి అయ్యి అసలు బయటకొచ్చే మార్గాన్నే మూసేస్తుంది. అందువలన ఈ సైనస్ వచ్చినవారికి పుఱ్ఱెలోని ఆ ఖాళీ ప్రదేసాలు ముట్టుకుంటే " స్వర్గం ఎక్కడున్నది స్వర్గం ఎక్కడున్నది ......" అనే పాట బదులు " నరకం ఇక్కడున్నది నరకం ఇక్కడున్నది " అని మాత్రమే గుర్తొస్తుంటుంది. ఆలశ్యం చెయ్యకుండా ఈ వీడియో చూసెయ్యండి. బాగా అర్థమవుతుంది.

సిగిరెట్ మానడం ఎందుకంత కష్టం..... మనమంతటి దుర్బల మనసు కల వాళ్ళమా ?

2011-10-15T07:20:00.001+05:30

బోధిసత్త్వునికి బోధిచెట్టుక్రింద జ్ఞానోదయమై బుద్ధుడై దేశాటనం చేసినట్టు ఈ పొగతాగే వళ్ళలో కూడా ఎప్పుడో ఒకసారి ఈ జ్ఞానోదయమవ్వాలి. ఔతుందా అని మీకు అనుమానం రావచ్చు. కచ్చితంగా అవుతుంది. ఒక్కసారి కాదు చాలా సార్లే అవుతుంది. కానీ అలా ఆ జ్ఞానోదయమైనప్పుడు దాన్ని భద్రంగా రెండు మూడు రోజులు ఉంచుకొని నాలుగోరోజో ఐదోరోజే అటకెక్కించేస్తుంటారు. దీనికి ప్రధాన కారణం నికోటిన్ అడిక్షన్ అని చెప్పుకోవచ్చేమో కానీ దానికంటే ముఖ్యకారణం మన మనసు/ మెదడు మీద మనకు అధికారం లేకపోవడమే. అంటే మనల్ని ఏదో శక్తి లొంగదీసుకొంటుందన్నమాట. ఇక్కడాశక్తి నికోటిన్ అనుకోవచ్చు. అందుకనే ఈ వ్యసనం మానడానికి దండయాత్ర మీద దండయాత్ర చేయాల్సి వస్తుంది. ఎప్పడిదాకా? గెలిచేదాకా !!!!... ఒక్కసారికే గెలుస్తామనుకుంటే అది అపోహ మాత్రమే... నేను మానేయాలని నిర్ణయించుకొన్నాక కూడా పదిహేను పెట్టలు కొని పడేసానంటే ఎన్ని దండయాత్రలు చేసానో చూడండి మరి. కానీ చివరి విజయం నాదే.

సందర్భం వచ్చింది కాబట్టి ఒక చిన్న అనుభవాన్ని వివరిస్తాను. మనము మొదటి నాలుగైదు రోజులు అసలు ఒక్క సిగిరెట్ కూడా ముట్టకుండా మన మనసుని నియంత్రించగలిగామనుకోండి, అప్పుడు కలిగే విజయగర్వం, మీ మనసుపై మీకున్న అధికారం నిజంగా వర్ణనాతీతం. ఈ విషయం సిగిరెట్ తాగే వాళ్ళకు మాత్రమే అర్థమవ్వగలదు. మీరు సాధించిన పురోగతి మిమ్మల్ని నిజంగా ఓ ఉన్నత స్థానంలో వున్నట్టు చూపిస్తుంది. అంటే మొదటి వారంలో మీరు దరిదాపుగా location based mental trauma నుంచి బయటపడినట్టే. నావరకు దీన్ని అధిగమించడమే కష్టంగా తోచింది. కానీ ఈ నికోటిన్ సిగ్నల్స్ రెండవ వారంలో పతాక స్థాయికి చేరి, "ఒక్కటంటే ఒక్క సిగిరెట్" వెలిగిస్తే ఏమౌతుంది. వెలిగించొచ్చు కదా అని ప్రియురాలు పిలిచినంత గోముగా [పెళ్ళాలు కాదులెండి.... పెళ్ళాం ఎక్కడైనా ప్రేమగా పిలుస్తుందా ;-) ] , రకరకాలుగా మనల్ని ప్రలోభాలకు గురిచేస్తుంది. కానీ మీరు ఆ ఒక్కసిగిరెట్ వెలిగించారా? ఔట్... మళ్ళీ మాములు స్థితికి ఒకటి రెండు రోజుల్లో వచ్చేస్తారు. అంటే ఎప్పటిలాగే గుప్పు గుప్పు మనిపిస్తుంటారన్న మాట. కారణం ఈ బుద్ధి ఉంది చూసారూ అది మహా చెడ్డది సుమండీ :-). ఈ ఒక్క సిగిరెట్ symptoms తీవ్రత తగ్గడానికి ఎంత సమయం పడుతుందో చెప్పలేను కానీ నాకైతే నాలుగువారాలదాకా ఉండేది. అంటే రెండో వారంలో రెండు మూడు రోజులనిపిస్తే నాలగవ వారంలో ఏదో ఒకరోజు ఓ రెండు నిముషాలనిపించేది. ఇప్పుడసలు లేదు. ఎవరైనా సిగిరెట్ త్రాగుతూ కనిపిస్తే జాలిగా చూడడం అలవాటైంది.

నాకలా.." ఒక్కసిగిరెట్ వెలిగిస్తే" ఏమౌతుంది అని అనిపించినప్పుడల్లా..." ఇన్ని రోజుల కష్టం బూడిదలో పోసిన పన్నీరౌతుంది కదా " అని అనుకుంటూ నేను నా ఐ-ఫోన్ లో రాసిపెట్టికున్న symptoms చూసుకొనేవాడిని ఆ ఐదారు నిముషాలు. మరో ముఖ్యవిషయం, మీరు స్మోకింగ్ మానేసిన వెంటనే చాలా వేగంగా రోజుకు కనీసం రెండు మూడు మైళ్ళన్నా నడవాలి. దీనివల్ల చాలా ఉపయోగాలున్నాయి. ఆ ఉపయోగాలు తరువాత చెప్పుకుందాం కానీ అతి ముఖ్యమైన ఉపయోగం "సిగిరెట్ త్రాగాలన్న ధ్యాసను తగ్గిస్తుంది".

ఓ చిన్న సిగిరెట్ మన శరీరంలో కలుగ చేసే రకరకాల మార్పులను తెలుసుకోవాలంటే ముందుగా మానవ శరీర నిర్మాణము గురించి తెలుసుకోవాలి. తెలుసుకోవాలంటే నాకు తెలిసిన అతికొద్ది వివరాలను మాత్రమే నేనందిమ్చగలను. ఇటువంటి టపాలకు సహజంగానే ఆదరణ తక్కువ కాబట్టి నా సమయాన్ని, మీ సమయాన్ని ఎక్కువగా వృధా చెయ్యకుండా కానిచ్చేస్తాను.

ఈ క్రిందనున్న బొమ్మలు జాగ్రత్తగా చూడండి.

మనం సిగిరెట్ తాగినప్పుడు నోటిగుండా పీలుస్తాము, వదిలేటప్పుడు నోటిగుండా, ముక్కు గుండా కూడా వదులుతాము. లేకపోతే అసలు మజా ఏముంటుంది చెప్పండి :-)

కాబట్టి ఇప్పుడు ఈ పొగ ప్రయాణించిన మార్గామేదో చెప్పగలరా? ఎందుకంటే ఆ మార్గంలో నున్న ప్రతి భాగాన్ని ఈ పొగ చెడగొట్టేస్తుంది. ఆ మార్గంలో ప్రతి భాగమూ ఒక పని చేస్తుంది. అది పాపం మనకెప్పటికప్పుడు.. ."సారూ... నువ్వు నన్ను కుళ్ళపొడుస్తున్నావు. నేను ముసలిదాన్నై పోతున్నాను. ఈవాళో రేపో అన్నంట్టుంది నా పరిస్థితి..ఓ సారి నా గురించి ఆలోచించమని " అబ్బే మనం వింటామా??? లెదు కదా....

దీనివల్ల వచ్చేరోగాలను తరువాతి టపాల్లో చూద్దాము.అప్పటిదాకా అక్కడున్న భాగాలను బట్టీయం వేయండి. వాటికి తెలుగు పేర్లు నాకు తెలియదు కాబట్టి ఆ ఆంగ్ల నామాలతోతే రాబోయే టపాలు వ్రాస్తాను.ఎవరైనా తెలుగుపదాలు తెలిపితే సంతోషిస్తాను.

వచ్చేటపాదాకా సెలవు.

వెధవ తలనొప్పి ... ఒక్క దమ్ములాగుదాం దెబ్బకు తగ్గిపోద్ది.

2011-10-14T06:31:00.002+05:30

దమ్మేస్తే తలనొప్పి తగ్గిపోద్ది. ఓ సారి బయటకెళ్ళి ఓ దమ్ములాగొద్దాం పదండి. చాలా మంది స్మోకర్స్ లో ఉన్న అభిప్రాయము ఇది. నిజానికి ఎవరికైనా ఇలాంటి అనుభవముందేమో కానీ, నాకైతే తలనొప్పిగా ఉన్నప్పుడు సిగిరెట్ తాగితే ఆనొప్పి ఎక్కువెయ్యేది. ఎందుకో తెలిసేది కాదు కానీ కొన్ని వందల సార్లు ఇలాంటి symptoms observe చేసుంటాను. అంటే తలనొప్పిగా ఉన్నప్పుడు ఫ్రెండ్స్/ పక్కనున్న వారి మాటలు విని ఓ సిగిరెట్ తాగితే ఆ తలనొప్పి తగ్గకపోగా ఇంకా ఎక్కువయ్యేది. కారణం తెలిసేది కాదు.

మీలో చాలామందికి నేను సిగిరెట్ ఎందుకు మానేసానో అనే సందేహం ఇప్పటికే వచ్చి వుండవచ్చు. కారణం ఇదే... ఓ రోజు చిన్నగా మొదలైన తలనొప్పి నేను తాగిన సిగిరెట్ల మూలంగా రెండోరోజో మూడోరోజు ప్రొద్దిటికే ఎక్కువైంది. ఎక్కువైంది కదా అని మరో సిగిరెట్ తాగాను. మరీ ఎక్కువైంది. ఆ నొప్పి లో నుంచి జ్ఞానాదోయమైందన్నమాట :-). సో అలాగే ధూమపాన ప్రియులకు కూడా ఎక్కడో ఓ చోట జ్ఞానోదయమవాలి. అంటే నాకు ఇంతకు ముందు అవ్వలేదా అని మీకు సందేహము రావచ్చు. ఊహూ కాలేదు. ఎందుకంటే అంతకు ముందు వచ్చిన తలనొప్పి సింప్టమ్స్ ఈ నొప్పికన్నా చిన్నవి కాబట్టి. ఎంతలా జ్ఞానోదయమయిందంటే B.P ఏమైనా వచ్చిందేమో, ఈ బ్లడ్ ప్రెజర్ వల్ల వచ్చిన తలనొప్పేమో ఇది అప్పటికప్పుడు నా ఫ్రెండ్ డాక్టర్ కి ఫోను చేసి కనుక్కునేంతగా. వాడికి ఫోన్ చేస్తే, నీకు ఫ్యామిలీ హిష్టరీలో B.P/ sugar లేవు బాబూ, కాబట్టి ఈ వయసులో నీకు B.P వచ్చే అవకాశం పాళ్ళు చాలా చాలా తక్కువని సెలవిచ్చాడు. అయినా పెరటి వైద్యంమీద చులకనకదా మనకు :-) అందుకని అప్పటిదాకా annual checkup కి కూడా వెళ్ళని వాడిని , Doctor దగ్గర check up కి వెళ్ళాలని నిర్ణయించుకొన్నాను. అనుకున్నా కదా, అప్పటికే ఈ సిగిరెట్లు మానేయలని ప్రయత్నంలో ఉన్నా కదా... అందుకని మానేసానని నమ్మకం కుదిరాక Doctor గడప తొక్కానన్నామాట :-) లేకపోతే బాబూ నీ సిగిరెట్ల మూలంగా వచ్చిన రోగమది అని Doctor చెప్తే సిగ్గుచేటు కదా :-)

సరే మీకోసం ఇప్పుడొక జిలేబీ జిలేబీ పాట :-)

జిల్లేలే జిల్లేలే నువ్వే నా జిల్ జిల్ జిల్లేబి
అయ్యారే అయ్యరే నువ్వే నా వయ్యారి
నిన్ను పీల్చందే రోజైన తెల్లవారదె
నువ్వులేందే క్షణమైన గడవదే నాకు

జిల్లేలే జిల్లేలే నువ్వే నా జిల్ జిల్ జిల్లేబి
అయ్యారే అయ్యరే నువ్వే నా వయ్యారి

ఆనాటి ప్రవరాఖ్యుడు వరూధుని అధరాల్నెకాదన్నాడే
రహస్యమేదో తెలియని వయ్యారి వలచి వగచేనే.....అయ్యారే
ఈనాటి వరూధుని వందమంది ప్రవరులనైన
ఓ లంగరు చుట్టచూపి కట్టి వెయ్యదే... హయ్యారే!!!

ప్చ్..ఆనాటి వరూధునికేగనక ఈ చుట్టచుట్టడం వచ్చుంటే పాపం అంతలా వలచి వగసే అవసరమే ఉండేది కాదు. ఒకే ఒక్క చుట్ట వెలిగించి ఆ చుట్టతో ప్రవరుడంతటి వాడిని చుట్టచుట్టేసి తన ఇంట్లో కట్టి పడేసుండేది. అదండీ ఈ చుట్ట,బీడీ,సిగిరెట్ మహిమ మరి.

అసలా తలనొప్పి ఎందుకు ఎక్కువైందో రేపు వివరంగా తెలుసుకుందాము కానీ.... మీరిప్పటికే ఈ అలవాటు మానలేకపోతుంటే ఈ వీడియో చూడండి. ఈ వీడియోకి ఈ తలనొప్పి కీ ఎటువంటి సంబంధము లేదు.

STRICT WARNING :

ఇది హృదయవిదాకరమైన వీడియో. దయచేసి పిల్లలకు మాత్రము చూపకండి. అలాగే గుండెజబ్బులు కలవారు కూడా దూరంగా ఉండండి. ఇది నేను కేవలము కొద్దిమందినైనా జాగృతం చేద్దామనే సదుద్దేశ్యమే తప్ప ఎవరినీ భయపెడదామనే ఉద్దేశ్యము తో కాదు. దయచేసి అర్థము చేసుకోగలరు. ఇంతటి భయానకము మనకవసరమా? ఒక్కసారి ఆలోచించండి.

అందరి ఆరోగ్యాలను దృష్టిలో ఉంచుకొని ఇక్కడ నేను కేవలము లింకును మాత్రమే ఇస్తున్నాను. వీడియో Embed చెయ్యడము లేదు. చూడాలనుకున్న వారు ఆ లింకును కాపీ చేసుకొని చూడవచ్చు.

http://www.youtube.com/watch?v=toUY_mvzsCs&feature=player_embedded

సరిగ్గా సంవత్సరం క్రితం... ఇదేరోజు ఏం జరిగిందంటే .................

2011-10-13T09:09:00.000+05:30

2010 వ సంవత్సరం అక్టోబరు 13 వ తేది, అంటే సరిగ్గా ఇదేరోజు ఒక బృహత్తర కార్యాన్ని తెలుగు బ్లాగర్లు తలపెట్టారు.
తెలుగు నిఘంటువొకటి మన అంతర్జాలంలో ఉంటే బాగుంటదని అనిపించినదే తడవుగా online telugu nighantuvu కు అంకురార్పణ జరిగిన రోజు.
ఓసారి ఆనాటి భావాలెలా ఉన్నాయో చూడాలంటే ఈ టపా చదవాల్సిందే http://chiruspandana.blogspot.com/2010/10/blog-post_13.html

ఓపికుంటే చదివి మళ్ళీ ఈ టపాకు రండి.

అలా మొదలైన మాయీ ప్రయత్నం కేవలం రెండు రోజుల్లో ఒక
తెలుగు నిఘంటు వేదిక http://groups.google.com/group/telugunighantuvu గా ఏర్పడింది. చాలా ఉత్సాహంగా మొదలైన గుంపులో ఆనెలలోనే దరిదాపు ఇరవైమంది దాకా చేరారు. మరో నెలకు ముప్పై మంది గల గుంపుగా తయారైంది. మరో రెండు వారాల్లో కావలసిన ఆర్దిక వనరులను మన బ్లాగర్లనుంచే సేకరించడం జరిగింది. ఆ వివరాలు ఇక్కడ చదువ వచ్చు. http://chiruspandana.blogspot.com/2010/10/blog-post_29.html

పూర్తి విరాళాల వివరాలు తెలుగునిఘంటువు సైట్ లో చదువగలరు.

సభ్యుల్లో నూతనోత్సాహం వెల్లి విరుస్తుంది. తొలి విడత తర్జనబర్జనలయ్యాక సైటుకు "తెలుగునిఘంటువు" అనే పేరును నిర్ణయించాము.

అంతర్జాలంలో అప్పటికే స్కాన్ చేసి పెట్టిన సూర్యరాయాంధ్ర నిఘంటువుతో ( 8th volume ) పని మొదలు పెట్టాము. కానీ అలా అంతర్జాలంలో మాకు లభించిన స్కాన్ కాపీ చాలా నాసీరకంగా అక్షరాలు కనిపించకుండా ఉండటంతో సభ్యులకు ఆ అక్షరాలు సరిగా కనిపించక చాలా అవస్థలు పడ్డారు. ఇలా మేము 8 వ సంపుటితో కసరత్తు చేస్తున్న సమయంలో శ్యాం కందాళ ముందుకు వచ్చి వారి నాన్నగారి వద్దనున్న సూర్యరాయాంధ్ర నిఘంటువుల అన్ని సంపుటాలను స్కాన్ చేసి తెలుగునిఘంటువుకు సహాయపడటం ద్వారా మా కష్టాలు తీరాయని చెప్పాలి.

అలా ఐదైదు పేజీల స్కాన్డ్ కాపీస్ సభ్యులందరికి పంపించాము. మొదటి విడతబాగానే అయింది. సభ్యులకు ఇందులో సాధకబాధకాలు బాగా అర్థమయ్యాయి :-).

రెండవవిడతగా మరో ఐదు పేజీలను పంపించాము. ఎంతో ఉత్సాహంగా చేరిన సభ్యులు చాలా మంది చల్లగా జారుకున్నారు. ఇది వారిని విమర్శిస్తున్నాననుకోవడం కంటే, బహుశా నా పద్ధతి నచ్చక మానుకొని కూడా ఉండవచ్చు. లేదా వాళ్ళలో ఉత్సాహాన్ని నిరంతరం నూతనంగా ఉంచటంలో నేను కృతకృత్యుడను కాలేక పోయి ఉండవచ్చు. లేదా చెప్పుకోలేని అనేక కారణాలై కూడా ఉండవచ్చు. అసలు చేరడమే ఏం జరుగుతుందో చూద్దామని చేరినవారూ వుండి వుండవచ్చు :-). కానీ వీటన్నింటికంటే ఇక్కడ మనము గుర్తుంచుకోవలసింది, ఈ గ్రూపు ఒక స్వచ్ఛందమైన గుంపు. తమంతట తాము ఇష్టంగా వచ్చి చేరిన వాళ్ళు. తరువాత కాలంలో వృత్తిపరమైన ఒత్తిడిలో లేక మరొక కారణాలవల్ల వీరు ఉత్తేజంగా పని చేయలేకున్నా, పిలుపిచ్చిన వెంటనే స్పందించి చేరినందుకు ప్రతి ఒక్కరికి పేరు పేరునా ధన్యవాదాలు.

ఏదేమైనా ఆంధ్రుల ఆరంభ సూరత్వం మరోసారి ఋజువైంది. ఇక్కడ ఆంధ్రులంటే మేము లేముకదా అని తెలంగాణా, రాయలసీమ వాళ్ళు అనుకోనవసరం లేదు లెండి :-) ... నా ఉద్దేశ్యంలో ఆంధ్రులంటే తెలుగు మాట్లాడే ప్రతి ఒక్కడూ. లేకపోతే మా అప్పటి సభ్యుల్లో చాలామంది దేశానికి బయట నివసిస్తున్నవారే.

కానీ అసలైన పని రెండవవిడత పేజీలను పంపాక మొదలైంది. బాబూ పేజీలయ్యాయా??? అమ్మా పేజీలయ్యాయా అని అడుక్కోవడమన్నమాట :-) సరదాగానే వ్రాస్తున్నానండి ఎవ్వరూ పెద్దగా ఫీల్ కావొద్దు. కొద్దిరోజులకు గట్టిగా ఉక్కుతీగల్లా ఐదారు మంది సభ్యులు మిగిలారు. వారు చాలావేగంగా పని చేయడం మొదలెట్టారు. ఉన్నది కొద్ది మందే కాబట్టి మేము మొదలుపెట్టిన నిఘంటు వేదిక అటకెక్కేసింది. నేరుగా సభ్యులతో ఉత్తర ప్రత్యుత్తరాలు మొదలయ్యాయి.
నిజానికి నిఘంటువేదిక సుప్తచేతనావస్థ దశలోనే నిఘంటువు పని అమితవేగంగా జరిగింది. అంటే అక్టోబరు 2010 లో మొదలైననిఘంటువు పని ఈ సంవత్సరకాలంలో ఈ క్రింది మైలురాళ్ళను సాధించింది.

1) నిఘంటువును వేగంగా టైపు చేయడానికి ఎలాంటి పద్ధతినవలంభించాలో చర్చ మరియు దానికి కావాలసిన ఒక ఫార్మాట్ ను తయారు చేయడం. కాలానుగుణంగా, మాకు అందులో అనుభవమొచ్చేకొద్దీ ఈ ఫార్మాట్లో మార్పులు చేర్పులు కూడా చేసాము. దీని వివరాలను ఇక్కడ చూడవచ్చు.
https://sites.google.com/site/telugunighantuvedika/new-rules

2) పైన చేసిన ఫార్మాట్ ప్రధానంగా రకరకాల సెర్చ్ ఫంక్షనాలిటిని దృష్టిలో ఉంచుకొని తయారు చేసింది కాబట్టి దానికనుగుణంగా ఆ పదము,అర్థము, పద వివరణము మొదలైనవి భద్రపరచడానికి ఒక Database Design చేసాము

3) తెలుగు నిఘంటువు ను అంతర్జాలంలో అందరికీ అందుబాటులోనికి తీసుకురావడానికి http://telugunighantuvu.com అనే వెబ్ సైటు రిజిష్టర్ చేయించాము.

4) శ్రీ సూర్యరాయాంధ్ర నిఘంటువు ఎనిమిదవ సంపుటిని పూర్తిగా టైపు చేసాము.

5) గూగుల్ మహాభారత గుంపులో లభ్యమైన పద్యాలను parse చేసి సూర్యరాయాంధ్ర నిఘంటువులోని పద్య ఉదాహరణలతో అనుసంధానించాము. దాని వివరాలు ఇక్కడ చూడవచ్చు.http://chiruspandana.blogspot.com/2011/04/similarity-index.html

6) టైపు చేసిన పేజీలలోని పదములను Database లోకి పంపించడానికి అవసరమైన Dataparser ని అభివృద్ధిపరిచాము.

7) http://telugunighantuvu.com website ని డిజైన్ చేసి, కోడ్ చేసి online లో ఎనిమిదవ సంపుటితో ఈ సంవత్సరం ఫిబ్రవరి నెలలో అందుబాటులోకి తీసుకొని వచ్చాము. అలాగే వెబ్సైట్ లో కొన్ని మార్పులు చేర్పులతో పోయిన నెల సరిక్రొత్తగా మరో వెర్షన్ తో మీముందుకొచ్చింది.

8) శ్రీ సూర్యరాయాంధ్ర నిఘంటువు రెండవ సంపుటిని అనిల్ గారు పూర్తిగా టైపు చేసారు.

9) శ్రీ సూర్యరాయాంధ్ర నిఘంటువు నాల్గవ సంపుటిని దేవి( మందాకిని ) గారు పూర్తిగా టైపు చేసారు.

10) శ్రీ సూర్యరాయాంధ్ర నిఘంటువు ఆరవ సంపుటిని కందిశంకరయ్యగారు పూర్తిగా టైపు చేసారు.

11) శ్రీ సూర్యరాయాంధ్ర నిఘంటువు మూడవ సంపుటిని కవిత పూర్తిగా టైపు చేసారు.

12) ఇక ప్రస్తుతము ఏడవ సంపుటిని అనిల్, ఐదవ సంపుటిని దేవి, ఒకటవ సంపుటిని కందిశంకరయ్య గార్లు టైపు చేస్తున్నారు. అలాగే తెలుగుపర్యాయపద నిఘంటువు ( ఆచార్య జి.యన్.రెడ్డి ) ను పూర్తిగా కవిత టైపు చేస్తుంది.

క్లుప్తంగా తెలుగునిఘంటువులో మొత్తము ఎనిమిది శ్రీసూర్యరాయాంధ్రనిఘంటువు సంపుటాలలో 2,3,4,6,8 సంపుటాలు పూర్తిగానూ, ఒకటవ సంపుటిలో 296 వ పేజి వరకూ, ఐదవ సంపుటిలో 119 వ పేజి వరకు, ఏడవ సంపుటిలో 10 పేజీలు అందుబాటులో ఉన్నాయి. అలాగే తెలుగుపర్యాయపద నిఘంటువు ( ఆచార్య జి.యన్.రెడ్డి ) నిఘంటువులో మరో 170 పేజీలు చేస్తే పూర్తవుతుంది కానీ ఇప్పటికే పూర్తయున పేజీలు ఇంకా తెలుగునిఘంటువులో పాఠకులకు అందుబాటులో లేవు.

అలాగే మహాభారత గూగుల్ గుంపునుంచి తీసుకొన్న పద్యాలనుకూడా ప్రస్తుతానికి ఎనిమిదవ సంపుటికి మాత్రమే పరిమితమై ఉన్నాయి. పూర్తిగా శ్రీ సూర్యరాయాంధ్ర నిఘంటువు టైపు పని పూర్తైన తరువాత అన్నింటిని ఒకేసారి అందుబాటులోకి తీసుకొని వస్తాము.

ఏవైనా క్రొత్త సాంకేతిక పదాలను ఈ నిఘంటువులో చేర్చాలన్నా తెలుగునిఘంటువు పేజిలోనుంచి చేర్చవచ్చు. http://telugunighantuvu.com లో గల సదుపాయాలను, ఈ వెబ్సైట్ ఎలా వాడాలన్నది మరో టపాలో వివరిస్తాను.

తెలుగు నిఘంటు వేదిక సభ్యుల తరుపున
భాస్కర రామిరెడ్డి.

సరదా సరదా సిగిరేట్.. గుండెల్లో ఒకటే మంట. అబ్బా...సినిమా కానొస్తుంది కదా.

2011-10-12T06:45:00.007+05:30

అప్పుడే సిగిరెట్టు మీద టపా వ్రాసి ఒకరోజు గడిచిపోయింది. ఈ రోజు ఈ ధూమపానం వల్ల కలిగే మరికొన్ని రోగాల గురించి తెలుసుకొనేముందు, ఎవరికైనా ఈ వ్యసనాన్ని మానాలి అనుకొనేవారికి కొన్ని సలహాలు. నా అనుభవం ప్రకారం సిగిరెట్ తాగేవాళ్ళు " ఇప్పుడు సిగిరెట తాగకపోతే బ్రతకలేను" అనుకొనేవాళ్ళ శాతం చాలా చాలా తక్కువ. చాలా సందర్భాలలో ఈ క్రింది సమయాల్లో సిగిరెట్ వెలిగిస్తారు. ఇక్కడ నేను ఈ ధూమపానాన్ని ఇంట్లోనే దుకాణం పెట్టిన వారి గురించి చెప్పడంలేదు. వారి అలవాట్లు ఎలా వుంటాయో నాకు తెలియదు. ఎప్పుడూ దగ్గరుండి గమనించలేదు కూడా. ఈ క్రిందవి ఇంట్లో కాకుండా బయట ధూమపానం చేసేవారికి మాత్రమే వర్తిస్తాయి.

౧) ప్రొద్దున ఆఫీస్ కు వెళ్ళే ముందు లేదా వెళ్ళగానే ఒక గంటలోపు : ఈ సిగిరెట్ మానడం నిజంగా చాలా కష్టం. ఇది లేకపోతే ఆరోజు నికోటిన్ కోటా మనకు అందనట్టే. నా వరకు ఇది చాలాకాలం ఒక ప్రదేశంతో పెనవేసుకుపోయింది.. అంటే రైల్వే స్టేషన్ దగ్గర కఫే లో ఓ కాఫీ, ఓ మార్ల్ బొరొ సిగిరెట్. చాలా సార్లు మిగిలిన సమయాల్లో తాగే సిగిరెట్ అతి సులభంగా మానేసే వాడిని కానీ దీన్ని మానడానికి మానబోయే చివరి నెలలో రోజుకో/ రెండురోజులకో ఒక సిగిరెట్ పేకెట్ ( ఇప్పుడు ఇక్కడ తొమ్మిది డాలర్లు మరి ) పడేసిన రోజులున్నాయి. అంటే సిగిరెట్ పేకెట్ లో 20 సిగిరెట్లుంటే కేవలం ఒకటో రెండో తాగి దరిదాపు ఓ 15 సిగిరెట్ డబ్బాలు పడేసుంటాను.

౨) ఇక ఆఫీస్ లో అడుగు పెట్టబోయేముందు : అంటే అప్పటికి మొదటి సిగిరెట్ తాగి గంటన్నర అయి ఉంటుంది. ఈ సిగిరెట్ Train దిగాక ఆఫీస్ కు నడుస్తూ తాగేదన్నమాట. ఇది నిజానికి అసలు అవసరపడేది కాదు. కానీ అలా నడిచేటప్పుడు అలా వెలిగించి నడిస్తే ఏదో వెలితి తీరినట్టు ఉండేది.

౩) భోజనము చేయక ముందో, చేసిన తరువాత కానీ : చాలా మందికి భోజనానంతరం సిగిరెట్ తాగే అలవాటుంటుంది. కానీ నాకెందుకో అలా అలవాటు అవ్వలేదు. భోజనానికి ఒక అరగంట ముందు తాగితే తరువాత సిగిరెట్ భోజనమయ్యాక రెండు గంటల తరువాత కానీ అవసరమయ్యేది కాదు.

ఇప్పటికి మూడయ్యాయి కదా... ఇక మధ్యాహ్నం నుంచి ఇంటికొచ్చేలోపు మరో నాలుగయ్యేవి

౪) సుమారు 3 PM - 4 PM మధ్యలో

౫) ఆఫీస్ నుంచి రైల్వే స్టేషన్ కి నడిచేటప్పుడు

౬) పాత్ ట్రైన్ మారి వేరే ట్రైన్ ఎక్కేటప్పుడు. ( ఇప్పుడు అనుకుంటే నిజంగా నవ్వు వస్తుంది. ఇక్కడ సిగిరెట్ తాగడం కోసం ఈ రెండు ట్రైన్స్ మధ్య కనీసం ౨౦ నిమిషాల వ్యవధి ఉండేట్టుగా చూసుకోని ఆఫీస్ లో బయలు దేరేవాడిని )

౭) ట్రైన్ దిగి కార్ పార్కింగ్ లాట్ దాకా నడిచేటప్పుడు

౮) ఇంటికొచ్చాక పడుకొనేముందు. ( ఇది ఆప్షనల్ అన్నమాట. ఇంటో వాళ్ళ కళ్ళుగప్పి బయటకు వెళ్ళ గలిగితే సరే లేకపోతే ఆరోజుకు లేనట్టే :-) )

స్మోక్ చెయ్యని వారికివి చాలా సిల్లీగా కనిపించవచ్చు గానీ, నిజానికి స్మోకర్స్ అలవాటు దరిదాపు ఇలాగే వుంటుంది. మానేయలనుకున్న తరువాత పైన నేనెప్పుడెప్పుడు స్మోక్ చేస్తున్నానో చూస్తే, రోజుమొత్తంలో నాకు step 1 and step 5 సిగిరెట్లు తప్ప మిగిలినవి అసలు అవసరం లేదని పించేది. అంటే నేను నికోటిన్ కంటే కూడా, ఈ location based habit కి బాగా అలవాటు పడ్డాననిపించింది.

సరే మానేయలనుకునేవాళ్ళు వాళ్ళంతటి వాళ్ళే నిర్ణయించుకోవాలి కాబట్టి ఇక్కడ నేను సలహాలు ఏమీ ఇవ్వకుండా నేరుగా మరో సబ్జెక్ట్ లోకి దూకేస్తాను.

ఇప్పుడు ఒక సాంగ్ అన్నమాట

చేతిలో ముచ్చటైన సిగిరెట్
ఎర్రెర్రగా వెలిగిపోతుంది
అప్పుడప్పుడు నేనున్నానంటూ
గాఢమైన పొగను వెదజల్లుతుంది

నేనున్నానంటూ గుర్తుచేసినప్పుడల్లా
గాఢంగా గుండెనిండా, ఆపొగను
నా అనుభూతితోకలిపి
ఆప్యాయంగా పీల్చసాగాను

కాలం గడిచింది
చేతి వేళ్ళు ఇప్పుడు మండటంలేదు
పెదవులకు కూడా పెద్దగా కాలేస్పర్శ తెలియడంలేదు
కానీ కానీ ఎక్కడో గుండెలదగ్గర
ఆ గుండెకు కొంచెం దిగువున
అప్పుడప్పుడు చిన్నమంట
నేనున్నాని గుర్తు చేస్తూ

అర్థమయిందా? సిగిరెట్ తాగేవాళ్ళలో అందరూ అనుకొనే గుండెపోటు, కాన్సర్... ఇలాంటి రోగాలకంటే చాలా చాలా ముందుగా గుండెకు దిగువభాగంలో ఓ మంట లాగా అనిపిస్తుంది. ఈరోజు ఆమంటకు కారణ మేంటో చూద్దాము. సాధారణంగా ఇది స్మోకర్స్ లో కనిపించిందంటే తరువాత రాబోయే దశ Gastroesophageal reflux disease అనుకోవాలి. కాబట్టి మీకు గుండెమంట, లేదా కడుపులో మంట ( కుడి, లేదా ఎడమ వైపు ) అనిపించినవెంటనే రెండువేళ్ళమధ్య వెలిగే సిగిరెట్ ఆర్పేయకపోతే అది మిమ్మల్ని అర్పేస్తుంది. జాగ్రత్త పడండి.

ఇక ఇది స్మోకర్స్ లో ఎందుకు వస్తుందో చూద్దాము. ముందుగా ఈ క్రింది బొమ్మలు చూడండి.

చూసారా? ఇప్పుడు ఒకటవ బొమ్మలో నోటినుంచి పొట్టదాకా ఓ గొట్టం కనిపిస్తుంది కదా. దాన్ని ఇంగ్లీషోడు ఏదో గ్రీకు పేరు పెట్టుకున్నాడు కానీ మనం సుద్దంగా తెలుగులో ఆహారనాళము అందాము.మనము ఏదైనా తిన్నప్పుడు అది ఈ గొట్టంలోగుండా కడుపులోకి వెళుతుంది. అదేలేండి జీర్ణాశయము లోకి వెళుతుంది. వెళ్ళిన తరువాత పడుకున్నప్పుడో లేదా వంగినప్పుడో మళ్ళీ పోయిన నాళం గుండానే నోట్లోకి వచ్చేయాలి కదా!!!. కానీ రాదే. దీనికి మూఖ్యకారణం అదుగో ఆ రెండవ బొమ్మలో కనిపించే LES పొర. ఇది లోపలికి పోనిస్తుంది కానీ బయటికి రానివ్వద్దు. మన జీర్ణాశయం మనము తిన్న ఆహారము జీర్ణమవడానికి రకరకాల అమ్లాలను శృష్టించే సంగతి మనందరికీ తెలిసిందేకదా. అంటే మన జీర్ణాశయంలో ఆమ్లాలు( Acids ) ఉంటాయి. ఇంతవరకూ బాగానే వుంది కదా.....

ఇప్పుడు, For example, suppose, సరదాగా ఆ LES పొర మన ఈ వ్యసనం మూలంగా సరిగా మూసుకోవడం లేదనుకోండి. ఎమైంతుంది? అవ్వడానికేముంది ఇంక సీన్ సితారే. అక్కడ ఏర్పడ్డ ఆమ్లం ఎగదన్నుకోని ఈ ఆహారనాళం గుండా పైకి రావడం మొదలవుతుంది. అదీ ఆమంట.అందుకనే ఈ మంట పడుకొన్నప్పుడు ఎక్కువగా ఉంటుంది.

ఇక నేను చెప్పేదేముంది. అంతా మీచేతుల్లోనే వుంది.

గమనిక : రాబోయే మూడు నాలుగు రోజుల్లో వేరే వ్యాసాలు రాయాల్సివుంది కాబట్టి..ఈ సీరీస్ ఆ వ్యాసాలయ్యాక మళ్ళీ రాస్తాను. ఇంకో ఇరవై టపాలన్నా రాస్తే గానీ పుస్తకానికి సరిపడా మెటీరియల్ సమకూరేట్టులేదు.

స్మోకర్లూ ఎప్పుడైనా మీకు నరాల నొప్పి అనిపించిందా? ఒంటేలు రంగు మారినట్టు అనిపించిందా?

2011-10-11T08:43:00.004+05:30

ఈ రోజు మన సిగిరెట్టు టపాల క్రమంలో ఇది నాల్గవది. నిన్నటిదాకా సిగిరెట్ త్రాగడం ఎలా ఎందుకు అనే అంశాలను చూచాయగా చూసాము కదా. ధూమపాన ప్రియులు బయటకు మామూలుగా కనిపిస్తున్నా వారి మనసులో సిగిరెట్ త్రాగిన తరువాత ఎటువంటి సాంఘిక,మానసిక న్యూనతను ఎదుర్కొంటారో చూసేముందు కొంచెం ఈ చుట్ట/బీడీ/సిగిరెట్టు మొదలైన వాటి రసాయనిక సంయోగ క్రియలు గూర్చి తెలుసుకుందాము. నిజానికి సిగిరెట్ త్రాగేవాళ్ళలో చాలామందికి వీటి గురించి ఏమాత్రము అవగాహన ఉండదు. సిగిరెట్ కంపెనీలు చేసే లాబీల వల్ల ఈ దేశం , ఆదేశం అని లేకుండా ప్రపంచమంతా మిన్నకుండి చూస్తున్నాయి. ఏ ఆరోగ్యసంస్థ గానీ, ఏ ప్రభుత్వము గానీ వీటివల్ల సంభవించే అనర్థాలను ప్రజలచెంతకు తీసుకువెళ్ళి వాళ్ళను జాగృతిచెయ్యాలనే కృషి చేయవు. చేస్తే ప్రభుత్వ ఆదాయానికి భారీగా గండి. అలాగే ఆరోగ్యసంస్థల మనుగడా ప్రశ్నార్థకమవుతుందేమో !

మనలో చాలామందికి సిగిరెట్ త్రాగడం వల్ల కలిగే కేన్సర్ వస్తుందనే తెలుసు. అంతకుమించి పెద్దగా తెలుసుకోవాల్సిన అవసరం గానీ, అవకాశం కానీ, ఆసక్తిగానీ కలుగక పోవచ్చు. దీనికి నేను పాటించిన చిట్కా ఒకటి చెప్తాను చూడండి. ఈ సారి మీరు సిగిరెట్ వెలిగించినప్పుడల్లా ప్రధానంగా మీ శరీరంలో కలిగే మార్పులను ఓ పేపర్ మీదనో, లేదా ఎలక్ట్రానిక్ యుగం కాబట్టి మీ మొబైల్ ఫోనులో నోట్స్ గానో వ్రాసుకోండి. ఇలా ఓ రెండు మూడు రోజులు చేసారంటే మీ పట్టిక తయారై పోతుంది. నేనైతే సిగిరెట్ త్రాగిన తరువాత నా మనసులో కలిగిన భావాలను కూడా అక్షరబద్ధం చేసాను. వాటి వివరాలను తరువాత కూలంకుషంగా చెప్తాను కానీ, మీరూ మీలిస్టుతో అజ్ఞాతంగా కామెంటు రూపంలో నాకు తెలియచేస్తే సంతోషిస్తాను. అలాగే సిగిరెట్ మానాలని ఉన్నా, మానలేక పోతున్న వారికి మానసికంగా బలాన్ని చేకూర్చిన వారవుతారు. నాకైతే దరిదాపు 25 symptoms తేలాయి ( ప్రతి చిన్న విషయం కలుపుకొని కూడా ). ఉదాహరణ గా చెప్పాలంటే చేతి,కాలి గోళ్ళు పసుపు పచ్చ రంగులోకి మారడం. ఈ 25 symptoms నన్ను ధూమపానానికి వ్యతిరేక దిశలో నడిపించాయి. నడిపిస్తున్నాయు. అంతే కానీ ఇప్పుడు వ్రాయబోయే సైంటిఫిక్ రీజన్స్ చదివి మానేయలేదు. కానీ స్వతహాగా ఉన్న ఉత్సాహంకొద్ది నాకు కనిపించిన symptoms కు కారణాలు తెలుసుకొందామని ఓ వారంపాటు physiology పుస్తకాన్ని ముందునుంచి వెనక్కి తిరగేసాను. అలా నాకర్థమైనది ఇక్కడ మీతో పంచుకుంటున్నాను. నేను డాక్టర్ ను కాను. నాకు ఇందులో చాలా విషయాలు తెలియదు. నిజం చెప్పాలంటే physiology పుస్తకం చదివిన తరువాత నా అభిప్రాయం కొంచెం మారింది. అది " మన మెడికల్ సైన్స్ కు కూడా ఈ సిగిరెట్ త్రాగడం వల్ల మన మెటబాలిజమ్ ప్రక్రియ లో కలిగే మార్పులు పూర్తిగా తెలియవని". ఇంకా చాలా చాలా పరిశోధనలు జరగాలని.

ఇక విషయం లోకి వస్తే, చాలామందికి ఇందులో నికోటిన్ అనే కాంపౌండ్ మాత్రమే తెలుసు. నిజానికి ఇందులో మొత్తంగా 600 కెమికల్స్ ను వాడడానికి అవకాశం వుందట. ఈ లంకె లో http://en.wikipedia.org/wiki/List_of_additives_in_cigarettes ఆ వివరాలు చూడవచ్చు.సిగిరెట్ లో వాడేమి కలుపుకుంటే మనకేమి గానీ, దాన్ని అంటించి గట్టిగా దమ్ములాగినప్పుడు,అది పొగగా ఏర్పడి మన శరీరంలో చేరుతుంది కదా. అప్పుడు జనించే కెమికల్ కాంపోజిషన్ మనకు ప్రధానం. ఎందుకంటే ఇవే మన శరీరంలో మార్పులకు కారణం.

వాటిలో ప్రధానమైనవి ఇవి. అంటే ఒక సిగిరెట్ త్రాగడం మూలాన మన శరీరంలోకి వెళ్ళే కెమికల్ కాంపౌండ్స్

ఇక ఇందులో అందరూ చెప్పుకొనే ప్రధానమైన కెమికల్ కాంపౌండ్ నికోటిన్ గురించి చెప్పుకోవాలంటే దీని నిర్మాణం ఈ క్రింది పటంలో . [ppl who read Morrison & Boyd raise your hands ;-) ].

ఇమేజస్ వికీపీడియా నుంచి తీసుకొన్నాను.

పై బొమ్మ ద్వారా మనకు తెలిసేది ఏమిటంటే ఈ నికోటిన్ అనేది నైట్రోజన్ కలిగిఉన్న ఒక కెమికల్. మరోరకంగా చెప్పాలంటే మన మెదడు పై ప్రభావం చూపించగల alkaloid. దీని ద్వారా మన శరీరంలో కలిగే రసాయనిక చర్యలను రెండుగా విడగొట్టవచ్చు. మొదటిది మన నరాల receptors( తెలుగు లో ఏమంటారు? ) మీద జరిగే చర్య. ఇది మన నరాలపై ఉన్న ప్రొటీన్లతో నేరుగా చర్యను జరుపుతుంది. ఇది మొదట్లో బాగానే వున్నట్టు, Mental గా Stimulate అయినట్టు ఉంటుంది. ...........కానీ కానీ స్మోకర్లూ ఇప్పుడు గుర్తుకు తెచ్చుకోండి, మీ నరాలు ఎప్పుడైనా నొప్పి పుట్టాయేమో ;-). ఈ నరాల రోగానికి ప్రధాన కారణం ఈ రసాయనిక చర్య.

మరొకటి, మనశరీరంలో నికోటిన్ చేరిన తరువాత, ఆ దేవుడు చేసిన అద్భుత శరీర వ్యవస్థ మూలంగా, శరీరం దీన్ని విష పదార్థం గా గుర్తించి బయటకు నెట్టి వేయాలని చూస్తుంది. ఈ నెట్టివేసే ప్రక్రియలో జరిగే కెమికల్ రియాక్షన్స్ మరో రకమైనవి. ఎలా నెట్టివెయ్యాలి. ఇలాంటి చెత్త చెదారం నెట్టడానికి మనకు దేవుడిచ్చిన వ్యవస్థపేరు liver. లివర్లో వున్న ఎంజైమ్స్ కొంతశాతం ఈ నికోటిన్ ని చిన్న చిన్న కాంపౌండ్స్ గా ఛేదిస్తుంది. ఆ కెమికల్ పేరు కోటినైన్ ( cotinine ). మరి ఈ కోటినైన్ బయటకు నెట్టాలంటే దీన్ని నీళ్ళలో కలిసే పదార్థంగా మార్చాలి కదా.. అలా జరిగే ప్రక్రియలో 3'-hydroxycotinine ( ఇది నీళ్ళలో కరుగుతుంది) అనేది ఏర్పడి ఒంటేలు లోకలిసి బయటకు వస్తుంది. స్మోకర్లూ ఇప్పుడు మళ్ళీ రీల్ వెన్నక్కి తిప్పండి ఒకాసారి. మీ ఒంటేలు రంగు అందరి ఒంటేలు లా ఉందా? లేదా వేరే రంగులో ఉంటుందా :-)

అదండీ మరి, ఈ లివర్ కూడా పని చేసి చేసి ముసలిదై ఎప్పుడో టపా కట్టేస్తుంది కదా... దానికంటే ముందుగా మీరు మేల్కోవాలని ఆశిస్తూ... వచ్చేటపాలో మళ్ళీ కలుద్దాం.

ఆడాళ్లూ అరిచి గీపెట్టి మీ ఆయన చేత సిగిరెట్టు/చుట్ట/బీడి/పైపు మాన్పించలేరు ....

2011-10-10T02:58:00.001+05:30

అప్పుడప్పుడు ఆడోళ్ళు అనుకుంటారంట చెప్పినమాట వినని మొగుడొచ్చాడు అంతా నారాత అని. ఇందులో నిజమెంతో నాకైతే తెలియదు కానీ సిగిరెట్ తాగే మొగుడు దొరికితే మాత్రం ఇల్లుపీకి పందిరేసే పెళ్ళాలు మాత్రం బోలెడంతమంది ఉంటారులే. స్వానుభవం మరి. కానీ ఇక్కడ ఒక మాట చెపుతాను వినుకోండి. మీరు సిగిరెట్ మానమని ఎంతగోలచేసి ఇంట్లో రచ్చ రచ్చ చేసినా మీ ఆయన ఆ ఊదుకడ్డి తాగడము మాత్రం మానడు కాక మానడు. నిజం చెప్పాలంటే ఛీ ఇంట్లో దీనిగోల భరించలేకపోతున్నా అని చెప్పి ఏంచక్కా రుసరుస బయటికి పోయి ఒకటికి రెండు తాగి కాసేపయ్యాక ఇంటికొచ్చి ముసుగు తన్నేస్తాడు. నిజమా కాదా? మీరే చెప్పండి?

అసలు ఈ కాలం ఆడవారికి మగవాళ్ళని మడిచి ఎలా తమకొంగుముడిలో కట్టేసుకోవాలో తెలిసినట్టు లేదు. అందుకే విడాకుల సంఖ్య కూడా పెరుగుతుందేమో. దీనికి ఒకటే సూత్రం ఎలాంటి సందర్భాలలోను మగవాడికున్న అహాన్ని కించపరిచే రీతిలో మాట్లాడకూడదు. ఈ ఒక్కసూత్రం గుర్తుంచుకుంటే చాలు. ముఖ్యంగా నలుగురిలో ఉన్నప్పుడు. " ఏం ఆడాళ్ళుకు మాకు మాత్రం అహం ఉండదా " అని ఎదురు తిరిగితే సమాధానం చెప్పడం కష్టం కానీ.. మగవాడి అహం హర్ట్ అయితే ప్రమాదమే. బహుశా తరతరాలనుంచి జన్యుపరంగా కలిగిన మార్పేమో !!!

నేను ఓకానొక రోజు, ఇలాగే ఇంట్లో నుండి తప్పించుకొని ఇంటికి కూతవేటు దూరంలో వున్న Barnes & Nobels పుస్తకాల కొట్టులో కూర్చొని Image processing మీద వచ్చిన సరిక్రొత్త విధానాలను చదువుతూ ఎప్పటిలాగే ఒక గంట గడవగానే వెనుకనుంచి ఏదో తరుమకొస్తున్నట్టు ఓ Tall కాఫీ కొనుక్కొని బయటకెళ్ళి ఓ సిగిరెట్ వెలిగించి విలాసంగా తాగి వెనిక్కి వస్తూ "Quit smoking in 24 hrs" అనే పుస్తకాన్ని చూసి పడి పడి నవ్వుకున్నాను. మానవ దుర్బలత్వాన్ని cash చేసుకోవడంలో ఈ తెల్లవాళ్ళు మరీ ఘటికులు మరి :-)

ఇంతకీ విషయమేమిటంటే ఈ ధూమపానాన్ని మీ మొగుడి చేత మాన్పించాలని మీరు ప్రయత్నం చేసారా? చేస్తున్నారా? చేయబోతున్నారా? ఊహూ... అలాంటి ప్రయత్నాలకు స్వస్తి చెప్పండి. మీరు కాదు కదా, స్వయంగా ఆ బ్రహ్మదేవుడే దిగివచ్చి చెప్పినా ఈ ధూమపానం మానరు కాక మానరు. కారణం ఇక సిగిరెట్ త్రాగకూడదు అని తనంతట తానే స్వయంగా బయటనుండి ఎటువంటి ప్రేరణలు లేకుండా అనుకోవాలి.

ఊరికే అనుకోవడం కాదు చాలా తీవ్రంగా మనసా వాచా కర్మణా ఒక అంతర్గత విప్లవంలా మీలో కలగాలి. ఆ విప్లవ స్ఫూరి జారిపోకుండా కనీసం నలభైరోజులుండాలి. నలభైరోజులని ఎందుకంటున్నానంటే ఏ వ్యసనమైనా మనిషినుండి దూరం కావడానికి నలభైరోజులు పడుతుందని మన పెద్దలు చెప్పిన బంగారంలాంటి సూత్రం. అందుకేనేమో పెద్దలమాట చద్దిమూటంటారు. అంతేనా..ఈనాటి శబరిమలై భక్తులకు విధించే గడువుకూడా నలభైరోజులే అనుకుంటాను. దీని వెనుకున్న ప్రధాన సాంకేతిక ఉద్దేశ్యం ఇలాంటి వ్యసనానికి బానిసైన వారు కనీసం బయటపడతారనేమో... కానీ బయటపడాలంటే మాలేసుకొని ముక్కుమూసుకోని నలభై ఒకటోరోజు దమ్ము వెలిగిస్తే అదేదో ఎవరికోసమో చేసినట్టేకానీ మీకు మీరు మనస్పూర్తిగా అంగీకరించి సాధన చేయలదనే అనుకోవాలి.

కానీ ఇంతటి మానసిక పరిపక్వత, అందులో నుండే జనించే అనుభవసారం ఊరికే పుస్తకాలు చదవడం మూలానో లేదా ఎవరో చెప్పటం మూలానో రాదు. ఇది అనుభవంతో మాత్రమే సాధ్యం. అంటే ఈ సిగిరెట్ త్రాగడం మూలంగా మన జీవితంలో మానసికంగా, సాంఘికంగా , శరీరంలో కలిగే మార్పులు. ఇవి ఒక్కొక్కరికి ఒక్కోరకంగా వుంటాయి. అప్పుడే మొదలు పెట్టినవారికి పొడిదగ్గు,ప్రొద్దుట బ్రష్ చేసి గల్ల ఊసినప్పుడు అందులో పడే సిగిరెట్ నుసి. ఇలాంటివన్నమాట. ఆ స్టేజి దాటిన వారు ఎలాంటి మార్పులు ఎదుర్కొంటారో రాబోయే టపాల్లో చూద్దాము.

కాబట్టి సిగిరెట్ మానేయాలనుకొనేరోజు మీచేతులోనే వుంది. మరో విధంగా చెప్పాలంటే ఆరోజు ఏరోజో మీకు తప్పకుండా తెలుస్తుంది. కారణం అంతకు ముందు చాలా రోజులనుండే మానేయాలని ప్రయత్నాలు చేస్తునే ఉంటారు,కానీ ఎప్పటికప్పుడు ఆప్రయత్నాన్ని అటకెక్కిస్తుంటారు.కాబట్టి శ్రీమతులూ, సిగిరెట్ మానేయమని ఇంట్లో గొడవచేసి రచ్చ రచ్చ చెయ్యకుండా...ఈ పాడు వ్యసనం అనే పరివర్తన వచ్చే దిశగా కృషిచేయండి.

పొగరాజు/ రాణి జబ్బలకు కాస్త చురుకెక్కువ....నపుంసకుడు/ నపుంసకరాలి గా మారేదాకా

2011-10-08T17:26:00.000+05:30

ఆనందమొచ్చినా సిగిరెట్, విషాదమొచ్చినా సిగిరెట్, పనెక్కువైనా సిగిరెట్, తుదకు బోర్ కొట్టినా సిగిరెట్.

అప్పుడప్పుడే స్మోక్ చేయడం మెదలు పెట్టిన పొగరాయుళ్ళను ఎందుకు తాగుతున్నారో అడగండి? ఎక్కడనుండి ఎక్కడదాకా లిస్టు లాగుతారో. దె ఫీల్ దట్ దె ఆర్ యునీక్ ఇన్ ది క్రౌడ్. అలా వాళ్ళకు వాళ్ళు జబ్బలు చరుచుకోవడంతో ఆగుతారా? హబ్బే..ఇంకా ఏమంటారో చిత్తగించండి

"ఎప్పుడైనా సిటీలో బతికావా?"
పై మాటనడంలో వారి ఉద్దేశ్యం వాహనాలనుండి వెలువడే కాలుష్యం పీల్చడంకంటే ఈ సిగిరెట్ పొగ ఏమంత ప్రమాదకరం కాదని

"ఏ అలవాటు లేకుండా బ్రతికి ఏంచేద్దామని"
ఆహా.. పొగత్రాగడం వల్ల జీవితంలో ఎంతో సాధించారు వీళ్ళు :-)

................

అదే కవిత్వమొచ్చిన వారైతే ఇకనేమీ, ఇలాంటి సందర్భాల్లో అస్సలు కుంచెకూడా అవసరం లేకుండా ఆశువుగా కవిత్వం తన్నుకొస్తుంది. చూడండి

కందపద్యము :
భుగభుగమని పొగలెగయగ
నగణితముగ నాజ్యధార లాహుతి కాగా
నిగమాది మంత్రయుతముగ
పొగత్రాగని వాడు దున్నపోతై పుట్టున్

అయ్యా అదండి సంగతి. అంటే యజ్ఞం చేస్తున్నట్టు వేదమంత్రాలతో భుగభుగమని పొగలు లేచేటట్టు పొగ త్రాగని వాడు దున్నపోతై పుడతాడట.

అంతేనా..మరొకటి చిత్తగించండి

ఖగపతి అమృతము తేగా
భుగభుగమని చుక్కయొకటి భూమిని వ్రాలెన్
పొగ చెట్టయి జన్మించెను
పొగత్రాగని వాడు దున్నపోతై పుట్టున్

పొగత్రాగడం మీద అసలు సిసలైన మరొక్క పద్యం చెప్పుకొనే ముందు ఇది చూడండి

కూపోదకం వటచ్ఛాయ
తాంబూలం తరుణీకుచం
శీతకాల భవే దుష్ణం
ఉష్ణకాలే తు శీతలమ్!!

బావినీరు,మఱ్ఱిచెట్టు నీడ, తాంబూలము, స్త్రీ చన్నులు శీతాకాలంలో వేడిగానూ, వేసవికాలంలో చల్లగానూ ఉంటాయట. కానీ సిగిరెట్ త్రాగేవాడికి సర్వకాల సర్వావస్థలందు శరీర ఉష్ణోగ్రత ఎక్కువగా ఉంటుంది కాబట్టి పైన చెప్పినవి ఎప్పుడు ముట్టుకున్నా చల్లగానే ఉంటాయి మరి :-)

సరదా సరదా సిగిరెట్టు అలా అలా కొన్ని సంవత్సరాలు మనల్ని రంగుల లోకాల్లో విహరింపచేస్తుంది. వయసు కొద్దిగా ముదురుతుంది. సిగిరెట్టు ను ఆప్యాయంగా తడిమి చూసుకొనే రోజులు దాటి అది మన దైనందిన జీవితంలో ఒక భాగమై పోయాక

పదపడి ధూమపానమున ప్రాప్తము తా పదమూడు చేటులున్
మొదలు ధనంబువోవుట, నపుంసకుడౌట,విదాహమౌటయున్
వదకుచు జాతిహీనులను వేడుట, తిక్కట చొక్కుటల్,రుచుల్
వదలుట,కంపుకొట్టుట,కళల్ తొలగించుట,రిమ్మ పట్టుటల్
పెదవులు నల్లనై చెడుట,పెద్దకు లొంగుట, బట్టకాలుటల్

ఈ పద్యానికర్థం తెలియకపోతే చెప్పండి వచ్చే టపాలో వ్రాస్తాను.

మీరు స్మోకింగ్ మానాలనుకుంటున్నారా? మరి ముందుగా ఈ క్రింది ప్రశ్నలకు సమాధానాలు చెప్పండి

మీరు మీ అత్మీయులతో ఒక అడుగుదూరంలో నిల్చొని మాట్లాడి ఎంతకాలమైంది?

అప్పుడే గుప్పుగుప్పుమని నాలుగు దమ్ములు లాగొచ్చారు? ఎదురుగుండా మీ కలలరాణి.అప్పుడేంచేస్తారు?

ఏదో అత్యవసరపని ఉన్నట్టు, ఇంట్లో ఏదో ఒక అబద్ధం చెప్పి తప్పించుకొని పారిపోయిన సందర్భాలెన్నో గుర్తున్నాయా?

సిగిరెట్ తాగడం కోసం, కేవలం సిగిరెట్ తాగడం కోసం ఇంట్లో అందరిని త్వరగా పడుకొమ్మని ఉచిత సలహాలిచ్చి మనం మాత్రం అందరూ నిద్రపోయాక గుప్పు గుప్పుమని గుండెనిండా గాలిపీల్చినరోజులెన్నో లెక్కకట్టారా?

మీకు చిరపరిచితమైన బస్టాండ్ . ఆ స్టాప్ లో ప్రతిరోజూ సిగిరెట్ తాగే అలవాటు. కానీ ఆరోజు ఏదో కారణంవల్ల కొంచెం ఆలస్యంగా బస్ స్టాడ్ వద్దకు వస్తున్నారు. కళ్ళెదురుగా బస్. కానీ తాపీగా ఈ బస్ పోతే బాగుండు, ఓ దమ్ములాగి తరువాతి బస్ కు పోవచ్చు అని అనుకున్న సందర్భాలెన్నో గుర్తున్నాయా?

మీరు స్మోక్ చేస్తున్న విషయం ఇంట్లో తెలిసినా ఎప్పటికప్పుడు చెయ్యలేదనే బుకాయిస్తుంటారు. ఆవిషయం మీకూ తెలుసూ ఇంట్లోనూ తెలుసు. కానీ మీరు ఆఫీసునుంచో లేదా బజారునుంచో అప్పుడే ఇంటిగుమ్మంలో అడుగుపెట్టారు. మీముద్దుల చిన్నారి పరిగెత్తుకుంటూ మీ వద్దకు వస్తుంది. మనసులో ఎత్తుకొని ముద్దాడాలనివుంటుంది. కానీ ఎత్తుకొని ముద్దాడితే పాప మీ విషయం కనిపెట్టేస్తుంది.అసలే చిన్నపిల్ల. ఇంకేమి వెంటనే ఇల్లంతా డాడి సిగిరెట్ డ్రింక్ చేసి వచ్చాడని టాంటాం చేస్తుంది. ఇంకేముంది సీన్ సితారే... మీకళ్ళముందు ఈ సంఘటన కనిపించిందా? అదీ మరి...

MOST OF THE TIME SMOKERS FEEL THAT THEY KNOW THE CONSEQUENCES, BUT THEY DON'T..................

ఇలాంటి సంఘటనలే కాదు మరీ దయనీయమైన సంఘటనలూ స్మోక్ చేసే వాళ్ళ వద్ద ఉంటాయి. పైన చెప్పిన సందర్భాలు క్రానిక్ స్మోకర్స్ కాని వారికి సంబంధించినవి. కారణం క్రానిక్ స్మోకర్స్ ఈ దశ దాటి ఇంట్లో వాళ్ళకు తెలిసేట్టుగానే త్రాగడం మొదలు పెడతారు. వారి విషయం తరువాత ముచ్చటించుకుందాం.

సీనూ సీనూ సిగిరెట్టు సీనూ పెళ్ళాం బిస్కత్తు....

2011-10-08T09:35:00.003+05:30

విలాసంగా రెండు వేళ్ళ మధ్య నాట్యమాడుతుంది. పెదవుల మధ్యగుండా రింగు రింగులు ఆకారాల్లో పొగనూ వదులుతుంది. అల్లంత దూరానా అమ్మాయి కనిపించగానే లేని ఉత్సాహం తో ఎఱ్ఱెఱ్ఱగా వెలిగిపోతుంది. అర్థరాత్రులు మస్తు మస్తు మజాగా ఊగేటప్పుడూ నేనున్నానంటూ విలాసంగా కన్నుగీటుతుంది.
వహ్...ఒకటా రెండా... ప్రతి మజిలీ ఒక సిగిరెట్టు బ్రేకు....రోజుకో ఇరవైనలుగ్గంటలు.. గంట గంటకో సిగిరెట్టు. ప్రతిసిగిరెట్టు నీకు ప్ర్రియురాలికంటే ప్రియం. మైకం వదిలేదాకా ప్రియురాలి పిలుపు అత్యంత మధురం. మైకంలోకి వెళ్ళేదాకా సిగిరెట్టు మరీప్రియం.

అందమైన ఉదయం ఆ ఉదయపు స్వచ్ఛత
ఎప్పుడు చూసావు?
సుందర సాయం సంధ్యలను, మిణుకుమనే నక్షత్రాల కాంతిని
ఎన్నడు చూసావు?
పెరటి గుమ్మంలో మల్లె చెట్టు పూసిందట
చిరుగాలి మోసుకొచ్చే సువాసన చేరిందా?
అమ్మ చేసిన కమ్మనైన వంటరుచైనా
తనివితీరా జిహ్వ రుచిచూపిందా?

ఓరీ దౌర్భాగ్యుడా... దుర్బలమానసిక చాపల్యుడా... ఇవినీకు అనుభూతిలోనికొచ్చి సంవత్సరాలు గడిచింది కదా? ఔను.. పైవాటిని తిరిగి సంపాదించడం పోగొట్టుకున్న నీవల్లే ఔతుంది. ఎలాగంటారా?

రేపటినుంచి సైంటిఫిక్ అధారిత ధారావాహిక... సీనూ సీనూ సిగిరెట్టు సీనూ పెళ్ళాం బిస్కెత్తు.

మనవి : మన బ్లాగర్లలో అమ్మాయిలు కానీ అబ్బాయిలు కానీ సిగిరెట్ ఎప్పుడు ఎలా మొదలుపెట్టారో కామెంటు రూపంలో తెలియచేస్తే నా ధారావాహికలకు ఎంతో సహాయం చేసిన వారవుతారు. అమ్మాయిలనడిగానని ముక్కుమీద వేలుతో గీరుకోనవసరంలేదులెండి. ఇప్పుడు ఈ సిగిరెట్టు ఆడా మగా పట్టింపు అస్సలు లేదు. అలాగే మీరు పొరపాటున సిగిరెట్ మానేసినా ఎలా మానేసారో చెప్తే మరీ మరీ మేలు చేసినవారవుతారు.

కోటి ఇరవైఐదులక్షల హారం :-)

2011-10-02T08:49:00.001+05:30

హారం భారతదేశ సంకలనిగా రూపాంతరం చెందాక చాలారోజులుగా ఈ టపా వ్రాద్దామనుకొని ఎప్పటికప్పుడు ఏవోకారణాలమూలంగా వెనక్కినెట్టేస్తూ వచ్చాను. ఈ రోజుకూడా వచ్చేవారం రాద్దాంలే అని అనుకుంటుండగా వచ్చేవారం మరో వార్షికోత్సవ టపా వ్రాయాలి కదా? దేని వార్షికోత్సవమో వచ్చేవారం తెలుస్తుంది :-)

ప్రస్తుతానికి హారం మీద ఓనాలుగు మాటలు రికార్డు చేసేస్తే ఓపనైపోద్ది. హారంలో ఇతర భారతీయభాషల్ని చేర్చాలన్న ఆలోచన వచ్చాక నాకు మొదట కలిగిన సందేహం... ఎవరైనా వచ్చి చూస్తారా అని. తెలుగులో హారం అప్పటికే రెండు సంవత్సరాలుగా నడుస్తుంది. ఆ రెండు సంవత్సరాల అనుభవం దృష్ట్యా ఈ ప్రశ్నే ప్రధానమైనది. ఈ ప్రశ్నకు కారణం లేకపోలేదు. ఈ ఆగ్రిగేటర్ నిర్వహణలో ప్రధానంగా హిట్స్ వచ్చేది మనకున్న పరిచయస్తులనుండే. అంటే మనమెంతగా ఒక గ్రూపు ను నిర్వహించగలిగితే అంతగా మన ఆగ్రిగేటర్ హిట్ అవుతుందన్నమాట. నేను నేర్చుకున్న తొలిపాఠం ఇది. ఇక్కడ టెక్నాలజీకి విలువ సున్న. మరి హారానికొక గ్రూపుందా??? ఏమో....ఏగ్రూపులో లేని వారు హారం గ్రూపేమో.... :-). మన తెలుగు బ్లాగుల్లో ఈ విషయమే ప్రధానం. ఇది కాదనలేని సత్యం.

ఈ అనుభవం దృష్ట్యా మిగిలిన భాషల్లో హారం ఏమాత్రం పాపులర్ అవుతుందో కూడా తెలియని పరిస్థితుల్లో భారతీయ ఆగ్రిగేటర్ గా రూపాంతరం చెందింది. పలు భాషలున్నా. తెలుగు కాకుండా హారం ఇప్పటి వరకు బాగా పాపులర్ ఐనది రెండుభాషల్లోనే. ౧) తమిళం ౨) ఆంగ్లం. తమిళంలో అనూహ్యంగా అంచనాలకందకుండా, నేనూహించని రీతిలో చాలా చాలా పాపులర్ ఐందని చెప్పాలి. ప్చ్..నాకు భాష వచ్చి వుంటే కనీసం తమిళంలో ఓ పేద్దటపా వ్రాసి కృతజ్ఞతలు తెలుపుకొనేవాడిని :(

ఇక ఆంగ్ల బ్లాగ్వాతావరణం మిగిలిన భాషా వాతావరణం కంటే చాలా భిన్నం. ఆంగ్ల బ్లాగులు రాసిలో ఎక్కువ కాబట్టి అక్కడ ఎవరికెవరో సరిగ్గా తెలీదు. ఆ కారణంగా అక్కడ రాసే కామెంట్లు బ్లాగుపోస్టుకు సంబంధించే ఎక్కువగా వుంటాయి. వేరే ఎజండా అంటూ వుండే సందర్భాలు అరుదనే చెప్పాలి. చాలా మంది చాలా నిజాయితీతో తమ తమ జీవితాల్లో అనుభవించిన చిన్న చిన్న ఆనందాల దగ్గరనుంచి, అత్యంత దయనీయ పరిస్థుతులను, దారుణ సంఘటనలను వ్రాస్తున్నారు. బహుశా కేవలం వారికోసమే!!! వారి మన్సుల్లో గడ్డకట్టిన భావాలను చెప్పుకోవడానికి బ్లాగింగ్ అక్కడ ఒక ప్రధాన మాధ్యమం.

హారం తెలుగులో ఎంత పాపులర్ ఐందో ఇంగ్లీషులోనూ అంతగా అయింది. అంటే ప్రస్తుతానికి తెలుగు,తమిళాంగ్లభాషల్లో బాగా నడుస్తుంది. హిందీకి ఎందుకనో చాలా చాలా తక్కువగా హిట్స్ వస్తున్నాయి.

ఇంతకీ ఈ సంవత్సరానికి గానూ హారం సాధించిన హిట్లు ఒకకోటి ఇరవైఐదులక్షలు. ఇవిగేన డబ్బులైతేనా..... నో నాగమణి ఎంజాయ్ అనేసుకుండేవాడిని ..ప్చ్ ఆ ఛాన్స్ లేదు :-)

ఆ వివరాలు ఇక్కడ. ఇవి ఈ సంవత్సరం సెప్టంబరు నెలవరకూ వచ్చిన హిట్స్

బాగుంది కదా నాకృషి? కాదులే సెల్ఫ్ డబ్బా :-). ఏమైనా అనుకోండి కానీ భిన్న భాషల్ని ఒకటే గొడుగుక్రింద ఒకటే యూనిఫైడ్ ఫార్మాట్ లో చూపడమన్నది టెక్నికల్ తెలుగు ఛందస్సు తరువాత అంతటి తృప్తినిచ్చిన పని. మరి తెలుగు నిఘంటువో అనకండి. తెలుగు నిఘంటువులో సాంకేతికాంశాల ప్రదర్శనకంటే దీక్ష పట్టుదల ముఖ్యం. అవి నావద్ద లేకున్నా టైపు చేసే మా సభ్యుల వద్ద పుష్కలం.

సెలవా మరి!!!

చివరిరోజు........అదే ఆరోజు..........

2011-10-01T13:05:00.001+05:30

రెండేళ్ళు నాఎదురుగానే ఉన్నావు
ప్రతిరోజూ...........ప్రతిగంటా
నీ కళ్ళలో పలికే భావాలు వింటూనే ఉన్నాకదా!!

కానీ ఆరోజు..........
ఎదురుగా నువ్వు నేను
పట్టు పరికిణీ పసిడిజడగంటలు
పాదాలకు ఝుంకార కింకిణీలు
చూడముచ్చటైన రూపు.
కానీ కళ్ళలో ఏదో తెలియని బాధ
కాలానికి బద్ధులమై
విడిపోతున్నందుకా?
లేదా... పెదవిదాటి మాటచెప్పలేనందుకా?

హృదయాల్లో అనంతకోటి భావాలు
రంగురంగుల వర్ణ చిత్రాల్నావిష్కరించాయి
వాటికర్థమేమని ఏరోజైనా సందేహపడ్డామా?
పెదవిదాటని మాట
మనల్ని చెరో ఒడ్డుకు విసిరేస్తుందని కలగన్నామా?

సంధ్యారుణకాంతి సాక్షిగా
రాధామానసగీతిక నాకిచ్చినప్పుడు
నీ హృదయతరంగాల సవ్వడినన్ను చుట్టుముట్టినప్పుడు
నీకళ్ళు ఆతృతగా నన్ను చూస్తున్నప్పుడు
కనీసం అప్పుడైనా మనసు విప్పానా?

చివరిరోజు........అదే ఆరోజు
ఇక కలుస్తామో లేదో తెలియని రోజు
ఒకరికొకరం నిశ్శబ్దంగా నిస్తేజంగా
అలా అలా ప్రాణంలేని శిల్పాల్లా
ఘడియలు గంటలు....
వెళుతూ వెళుతూ
నా చెక్కిలి తుడిచేదాకా తెలియలేదు
అక్కడ ఓ కన్నీటి బొట్టుందని
అదే నేను నీకిచ్చిన చివరి బొట్టు అని.

ఈ ఆట పేరేమి?

2011-09-27T08:27:00.002+05:30

మీలో ఎంతమంది ఈ బొమ్మలో ఉన్న ఆట ఆడారు ? నియమాలు ఏమైనా తెలుసా? పోనీ చిన్నప్పుడు మీరు ఈ ఆట ఆడేటప్పుడు ఒకవేళ ఓడిపోతే రోషంతో ఏంచేసేవాళ్ళు :-)

ఇప్పుడు అసలు ఈ ఆట ఎవ్వరూ ఆడుతున్నట్టుకూడా లేదు :(

ఆంధ్రా అన్నా హజారే శ్రీ శ్రీ శ్రీ శ్రీ మాజీ మాబాబు గారు.

2011-09-07T08:30:00.002+05:30

ఈ మధ్య ఆంధ్రా అన్నా హజారే అవ్వాలని తెగ తాపత్రయంతో కనిపించిన బడిలోనల్లా దూరి నీతిమంతుడంటే నాలా వుండాలని మైకు విరగ్గొడుతున్న శ్రీ నారాచంద్రబాబు నాయుడు గారు ఎట్టకేలకూ తమ ఆస్థులను తమంతట తామే, స్వయంగా, ఎవరి ఒత్తిడులు లేకుండా నిజాయితీగా నిక్కచ్చిగా తను ఎంతగానే ప్రేమించే ప్రజల సాక్షిగా తను తృణపాయంగా ఎంచే ముఖ్యమంత్రి సీటు సాక్షిగా తన ఆస్థులను ఈనాడు వారికి వివరించారు.సారీ సారీ ఆంధ్రా ప్రజలకు వివరించారు. పేదవాడికి ప్రతిరూపమంటే నేనే, పేదలను ఎత్తుకొని సాకగలిగేది నేనే, ఆంధ్రాలో అవినీతి అధికారులను నిద్రకూడా పోనివ్వకుండా పనిచేయించగల నాయకుడిని నేనే నా లాంటి నాయకుడు దొరకడమ్ మీరు ఏ జన్మలోనో చేసుకున్న అదృష్టం అని ఆయన చెప్పకపోయినా, తమంతట తామే ఆస్థులను వెల్లడించి ఎంతో మంది MLA లకు మార్గం చూపించిన వ్యక్తిగా గౌరవ దర్శకరత్న అవార్డు కూడా ఇవ్వవచ్చేమో. వారు తీసుకోవడానికి మొహమాటపడతారు.ఐనా మీలాంటి నాయకుడు మాకు దొరకడం మా అదృష్టం కాబట్టి మీకు తప్పక దర్శకరత్న అవార్డునిచ్చుకోవాలి. కాదంటారా?

మీలా నిజాయితీతో తమ ఆస్థులను ప్రకటించిన నాయకులెంతమంది చెప్పండి? తుదకు మీమామగారు కూడా మీలా ధైర్యంగా ఆస్థులను ప్రకటించలేక పోయారు. ఐనా మీ ఆస్థులన్నీ కలిపి వందకోట్లు కూడా లేవంటే నాకో దుర్బుద్ధి పుట్టింది. మా ఊర్లో దగ్గరున్న షాపుకెళ్ళి రోజూ ఒకకోటు కొనుక్కున్నా, ఓ వందరోజుల్లో మీకంటే ధనవంతుడినైపోతాను. అప్పుడు ఒక మాజీ ముఖ్యమంత్రి నాకంటే బికారి అని చెప్పుకోవడానికి నాకెలాంటి సిగ్గువుండదు. మాజీ ముఖ్యమంత్రులు మీరే ఇంత బిచ్చగాళ్ళైనప్పుడు ఇక నాకు సిగ్గెందుకు చెప్పండి? అందుకే ముఖ్యమంత్రిగా మీరు సంపాయించినదేమీ లేదని ప్రఘాడంగా మీరు నమ్మి, మీకు ప్రజాక్షేమమే ముఖ్యమని మీరు చెప్పగా నమ్మిన వాళ్ళలో ప్రధముడిని నేను. కాబట్టి మీరే మా ఆంధ్రా అన్నా హజారే......

తెలుగు బ్లాగులకు ఆంగ్ల బ్లాగులకు గల ప్రధాన వ్యత్యాసాలేమిటి?

2011-08-29T07:54:00.003+05:30

ఏదో ఒకటి రాయలన్న ఉత్సాహమేగానీ ఏంరాద్దామన్నా కీబోర్డు లో కీస్ ముందుకు కదలడంలేదు. ఆమధ్య అన్నాహజారే అవినీతిపై పోరాటానికి సిద్ధమైనప్పుడు ఒక వ్యాసం రాద్దామనుకొని చిన్న చిన్న వ్యాఖ్యలతో సరిపెట్టుకొన్నాను. అయినా ఈ అవినీతిపై పోరు ముగిసిందని సంబరపడుతూ నిన్నరాత్రి ఫుల్లుగా మందుకొట్టి పట్టుకొన్న పోలీసోడి చేతిలో ఒక వంద కొట్టి " జై అన్నా " అన్నాడట మా స్నేహితుడొకడు. వీడికంటే గట్టిగా పోలీసు మామ "జై అన్నా" అన్నడట, ఇద్దరూ ఎవరిదారిన వారు చక్కా ప్రశాంతంగా వెళ్ళిపోయారు. ఇది తెలిసాక ఇంక రాయడానికేముంటుంది.

సరే ఏదో నాస్టాల్జా ( nostalgia) గురించి కాసేపు వ్రాద్దామనుకునేంతలో, అసలు మన తెలుగు బ్లాగుల్లో ఈ nostalgia ఎక్కువని ఎక్కడో ఎప్పుడో ఎవరో వ్రాసిన వ్యాఖ్య గుర్తుకొచ్చింది. అవును మరి మిగిలిన భాషా బ్లాగుల్లో పరిస్థితేమిటి అని ఓ క్వచ్చెన్మార్క్ బుఱ్ఱలో పుట్టింది. అన్ని భాషలంటూ తెలియవు కాబట్టి నాకొచ్చిన రెండు మూడు భాషా బ్లాగుల్లో కొద్దిరోజులుగా చూస్తున్న ట్రెండ్ ఒక్కసారి కళ్ళముందు మెదిలింది. ఆయనెవరో చెప్పినట్టు తెలుగులో చాలామట్టుకు ఎత్తుకొచ్చి అతికించే బ్లాగులది రాశిలో మొదటి స్థానం. అంటే అక్కడ కట్ చేసి ఇక్కడ పేస్టు చేస్తారన్నమాట. ఈ బ్లాగుల్లో ప్రముఖంగా వార్తా,సినిమా బ్లాగులుంటాయి. ఆతరువాత స్థానం ఒకటి రెండు లైన్ల పోస్టులేసే బ్లాగులుంటాయేమో.

మూడో స్థానం ఈ nostalgia బ్లాగులకివ్వవచ్చు. ఇక నాలుగోస్థానంలో కవితలు, ఐదోస్థానంలో కథలు ఇలా ranking వుంటుందేమో. ఓపిక గల్గిన మహాశయలు ఏదైనా వివరాలతో ఒక పోస్టు వ్రాస్తే చదివిపెడ్తాము. అయినా అదేదే పాతసినిమాల్లో డైలాగ్ లాగా "ఎవరెట్టాపోతే నాకెందుకులమ్మా" అనుకొంటే అంతా సుఖమయమే :-)

ఇక ఆంగ్లబ్లాగులకొస్తే, మన తెలుగు కన్నా ఇక్కడ రెండింతలు ఎక్కువే చదివినట్టున్నారు. ఇక్కడ చాలామందికి బ్లాగ్వాపకం ఒక డబ్బులు సంపాదించే సాధనం. ఇందులో ముఖ్యంగా రకరకాల ప్రాడక్ట్స్ మీద రివ్యూలు వ్రాయడం ద్వారా డబ్బు సంపాదిస్తున్నారు. అలాగే సెన్సక్స్ బ్లాగుల్లో ఈ ఈ షేర్స్ కొనండి అని ప్రభావితం చేయడం ద్వారా డబ్బు సంపాదించే బ్లాగులు కొన్ని. చెప్పుకోడానికి భారతీయ ఆంగ్లబ్లాగులు వేలల్లో వున్నా వాసిలో చాలా మట్టుకు ఇంకా ఎదగాల్సి వుంది. అలా అని మరీ తీసివేయవల్సిన విధంగా కూడా లేవు. చాలా బ్లాగుల విషయపరిజ్ఞానం మన తెలుగు బ్లాగులతో పోలిస్తే మెరుగనే చెప్పుకోవాలి. ఇక్కడ పూటకూళ్ళిళ్ళో రకరకాల వంటల గురించి చెప్పుకొనే ముచ్చట్లు చాలా ఎక్కువనే చెప్పాలి. ఈ ముచ్చట్లు ఎక్కువైనా చాలా మట్టుకు ఒరిజినాలిటీ కలిగిన వంటకాలుంటాయి. అలాగే ప్రేమ గురించి, పిల్లల గురించి కూడా వ్యాసాలు ఎక్కువే. ఓ నెల రోజులు హారం మీద అప్పుడప్పుడూ ఓ లుక్కేస్తుండండి. తెలుగు బ్లాగులకూ, ఆంగ్ల బ్లాగులకూ ఉన్న తేడా స్పష్టంగా తెలుస్తుంది. అన్నట్టు ఇప్పుడు హారంలో రివ్యూ బ్లాగులు,సెన్సెక్స్ బ్లాగులు కనిపించవు. తొలగించబడ్డాయి.

నేనేదో nostalgia గురించి బ్లాగుదామని వచ్చి ఏదేదో రాసుకుపోతున్నా కదా. అసలు భారతదేశానికి స్వాతంత్ర్యం వచ్చినప్పుడు భారతీయులు ఇంతటి అవినీతిని ఊహించారా? లేదా? ఆనాటి నాయకుల మనసులో భావాలెలావుండేవి? ఇల్లాంటి విషయాలు తెలుసుకోవాలనిపించింది. ఎక్కడ దొరుకుతాయిమనకు? ఈ మధ్యనే తెలుగు ప్రెస్ అకాడమీ వారు ఏర్పాటు చేసిన వెబ్సైట్లో వెతికితే ఆంధ్రపత్రిక 1947 ఆగష్టు ౧౫ నాటి పత్రిక లభ్యమైంది. చాలా పాతదవ్వటంతో పత్రిక స్కానింగ్ సరిగాలేదుకానీ కష్టపడి చదువవచ్చు. మీరూ ట్రై చెయ్యండి. ఆనాటి నుండి ఈనాటికి భారత ప్రగతి ఎంతో కనిపిస్తుంది. అవినీతితో సహా !!

చివరిగా రాబోయే ఎలక్షన్లలో ఎవరైతే తాము అవినీతికి వ్యతిరేకంగా పోరాడుతామని ప్రజల్ని నమ్మించగలరో వారే విజేతలు అవుతారేమో. అలాగే ఇకనుంచైనా రాజకీయ పార్టీలు రాజ్యవ్యవస్థను పటిష్ఠంగా పునర్నిర్మించి సామాన్యునికి ఈ లంచాల గొడవలేకుండా చేస్తుందేమో అని ఆసించడంలో తప్పులేదేమో.

ఇక్కడ ఒక చిన్న ఉదాహరణకూడా చెప్పుకోవాలి. పరాయుదేశమైన అమెరికాలో ట్రాఫిక్ రూల్స్ పాటించకుండా కార్ నడిపి పోలీసుకు చిక్కిన ఏ డ్ర్రైవరు కూడా పోలీసు కు లంచం ఇచ్చిన వార్త నాకింత వరకూ తెలియదు. అలాగే ఏ పోలీసు కూడా లంచం తీసుకొని వదిలేసిన సంఘటనా తెలియదు. కానీ మన భారతదేశంలో ఇది ప్రతిరోజూ ప్రతి ట్రాఫిక్ లైట్ దగ్గర పబ్లిగ్గా కనిపించే సన్నివేశం. కారణం?

మొదటి సంవత్సర మానస పుత్రిక :-)

2011-08-12T12:09:00.006+05:30

తెలుగు నిఘంటువు లో టైపు చేసిన పదముల పద్ధతిని ( Format ) సరిచూసే ఉపకరణి

చాలా రోజులునాడే చెయ్యాల్సిన పని ఈ నాటికి అయింది. ఈ ఉపకరణి అందుబాటులోకి రావడం వల్ల టైపు చేస్తున్న వారికి, అలాగే ముఖ్యంగా నాకు చాలా ఉపయోగ పడుతుంది. టైపు చేస్తున్న వారికి ఈ ఉపకరణి ద్వారా, తాము ఎక్కడెక్కడ Format సరిగా చేయడం లేదో తెలుస్తుంది. నాకైతే పేజీలను మళ్ళీ సరిచూసే శ్రమా తగ్గుతుంది. దీనిగురించి వివరాల లోకి వెళ్ళేముందు ముందుగా మరొక్కసారి తెలుగునిఘంటువు గురించి.

ఈ సంవత్సరం పాటుగా జరిగిన పనుల పురోగతి ఒక్కసారి పరిశీలిస్తే సూర్యరాయాంధ్రనిఘంటువు లో మొత్తము ఎనిమిది వాల్యూమ్స్ కలిగిన నిఘంటువు. చాలామంది ఈ నిఘంటువునే ఎందుకు ఎన్నుకున్నారు అన్న ప్రశ్నకూడా వేసారు. కారణము మనకు తెలుగులో లభ్యమవుతున్న సమగ్రమైన , అధునాతన మైన నిఘంటువు ఇదే. అధునాతనము అంటే ఓ 70 ఏళ్ళ క్రితం పండితులు ఏరికూర్చిన నిఘంటువు. తరువాత కాలంలో నిఘంటువులు వచ్చాయి కానీ ఈ నిఘంటువులాగా ఇన్ని పదములు కల్గిన నిఘంటువు రాలేదనే చెప్పవచ్చు. రాబోయే కాలంలో మనమున్నా లేకున్నా తెలుగులో ఒక పరిపూర్ణ నిఘంటువుకు శ్రీకారం చుట్టే దిశలో వేసిన తొలి అడుగు ఇది. ఈ నిఘంటువు పూర్తి కాగానే మానవ వనరులు, ఆర్థిక వనరులు అనుకూలిస్తే అందుబాటులో వున్న మిగిలిన నిఘంటువులను కూడా ఔత్సాహికులు ఎవరైనా ముందుకు వచ్చి ముందుకు తీసుకొని వెళ్ళవచ్చు. వచ్చేసంవత్సరము నాటికి http://www.telugunighantuvu.com ఒక data web service ను కూడా తీసుకొని వచ్చే ఆలోచనలో వున్నది.

ఇప్పటివరకూ ఈ నిఘంటువులో 3 volumes పూర్తిగా టైపు చేయడం, website లో వుంచటం జరిగింది. ఈ టైపింగ్ పనుల్లో ఇతోధికంగా సహకారాన్ని అందిస్తున్న అనిల్ కుమార్ గారికి, కంది శంకరయ్య గారికి, దేవి గారికి కవిత గారికి ఎన్ని ధన్యవాదాలు తెలుపుకున్నా తక్కువే. దయచేసి నాతో పాటు మీరూ వారిని అభినందంచండి. అనిల్ కుమార్ గారు రెండవ వాల్యూమ్ మొత్తాన్ని టైపు చేసారు. పుస్తకాల స్కానింగ్ కు ఐన ఖర్చుతో పాటు ఈ రెండవ వాల్యూమ్ మొత్తము టైపు చేయడానికి ఆర్ధిక సహాయాన్ని అందించినవారు బ్లాగులేని బ్లాగరు ;-) శ్రీ శ్యాం కందాళ గారు. వీరు కాక ఆర్థిక వనరులను అందించిన బ్లాగర్లూ చాలామందే వున్నారు. వీరి పూర్తివివరాలు ఇక్కడ చూడవచ్చు.

అలాగే తెలుగు పై ప్రేమకొద్దీ ఈ కార్యాన్ని మొదలిడిన నాటినుంచి ఈ రోజు వరకూ ఏనాడూ విసుగు చెందకుండా ఉచితంగా టైపు చేస్తున్నవారు దేవి గారు మరియు కవిత. దేవి గారు ఇప్పటివరకూ మొత్తం 720 పేజీలు చేయగా కవిత 700 పేజీలు చేసారు.

తెలుగు బ్లాగుల్లో పద్యానికి జీవం పోసిన పోస్తున్నవారు శ్రీ కంది శంకరయ్య గారు. వీరు ఏకంగా 6 వ సంపుటి మొత్తాన్ని టైపు చేసి ఇప్పుడు 1 వ సంపుటిని టైపు చేస్తున్నారు.

ప్రస్తుతానికి ఉత్తేజంగా టైపు చేస్తున్న వారు కంది శంకరయ్య ,అనిల్ కుమార్, దేవి, కవిత గార్లు మాత్రమే.

ఇక వీళ్ళందరి మధ్యలో అతికొద్ది పేజీలు మాత్రమే టైపు చేసిన నేను. మొదట్లో నాకు టైప్ చేయడానికి సమయం వుండేది. కానీ రాను రానూ టైపు చేసిన పేజీలు ఎక్కువయ్యే కొద్దీ నా పూర్తి సమయం వాటి Format సరి చేయడానికే సరిపోయింది. దీనితో పాటు parser development,తెలుగు నిఘంటువు web site development, Extracting typed pages and inserting them into database, ఇలాంటి పనులతో అసలు నాకు సమయమే దొరికేది కాదు. అంతే కాక అప్పుడప్పుడు బ్లాగింగ్.

అంతే కాదండోయ్, మరొక పుత్రిక కూడా వుంది నాకు. అదే haaram పనులు. వీటికి తోడు బ్రతకడానికి ఉద్యోగం :-)

ఇంక టైమేది??. అందుకోసమన్నమాట ఇప్పుడు ఈ ఉపకరణి.

ఈ ఉపకరణి ద్వారా 95 percent Format తప్పులను టైపు చేసేవారే సరిచేసుకోవచ్చు. ఇది పని చేసే పద్ధతి.

ముందుగా మీరు టైపు చేసుకున్న పూర్తి పేజీని కానీ లేదాటైపు చేసినంతవరకు పదములను కానీ
ఈ ఉపకరణిలో నున్న Text box లోకి copy/paste చేసి అక్కడున్న "ఎక్కడెక్కడ తప్పులున్నవో చెప్పు" అనే బొత్తాన్ని నొక్కాలి. అప్పుడది Format issues ను చూపుతుంది. చాలా వరకూ అక్కడ వచ్చే errors, self - explanatory.

ఉదా హరణ గా అనిల్ కుమార్ గారు చేసిన ఒక పేజీలో పదాలను ఈ ఉపకరణిలో copy చేసి ఆ బొత్తాన్ని నొక్కితే ఈ క్రింది విధంగా చూపింది. పదములు ఎలా టైపు చేయాలి అన్న పూర్తి వివరణ ఇక్కడ చూడగలరు.

caution : ఈ format ప్రస్తుతము టైపు చేస్తున్న వారికి మాత్రమే అర్థము అవుతుందనుకుంటాను. మిగిలిన వారు లైటుగా తీసుకోండి :-). అంటే తరువాతి భాగం చదివినా మీకు పెద్దగా ఉపయోగ పడేది ఏమీ వుండదని ;-)

సమయాభావం వల్ల వచ్చే errors ను తెలుగులో చూపించలేకపోతున్నాను.

output from the tool :
==============================

Result
It seems you did not start this page with a new word. Please move the very first sentence to the previous page. Always start a page with a new word

Here are the words that have rupantaras, but you missed expanding these words.
=================================================================================================================
గుఱిచి,కూరిచి. (√గుఱించు?) [క. మధుమధనుఁ డాక్షణంబున, మధుర గుఱిచి కదలి... +హరి. ఉ. 1.169.][మ.అతఁడొక్కించుక నవ్వి నన్ గుఱిచి యిట్లాశ్చర్యధన్యతా,మతికిం గారణ మేమి...+హరి.ఉ.5.25.][సీ. అబ్జాసనుఁడు తన్ను నర్థితో గుఱిచి యజించుట గోరి సృజించె సురల. +హరి. పూ. 2.97.]
గుఱిచే(సే)యు
గుఱుకొను (శ.ర,చి.ని.బ్రౌ.)
గుఱుతి(ర్తి)ంచు%
గుఱుతి(ర్తి)ంచు%
గుఱుతు(ర్తు)పెట్టు
గుఱుపె(వె,ర్పె,ర్వె)ట్టు.
గులిమితె(త్రెడ్డు)డ్డు
గుల్లపఱ(ఱు)చు%
గుళి(లి)క
గువ్వకోలుకొ(ల్కొ)ను,గువ్వకరిగొను. [గీ. కడుపు చుమ్మలుచుట్టఁగాఁ గన్నకన్నె, చిలుక నెడఁబాసి యేరీతి నిలుచువాఁడ, నెక్కడి వివేక మమ మంత్రు లెల్లఁ గదిసి, కువల యేంద్రునితో గువ్వకోలుగొనుచు.][గీ. మాను మీమోహ మని తెల్పి...+శుక. 1.372, 374. ][గీ.గొంట వనియెఁదిలోత్తమ గూర్మిఁ గొసరె, ధాన్యమాలిని పుంజికస్థల యదల్చె, ద్విజకామిను లీరీతిఁ దిరుగువాఱి, గువ్వకోల్కొంచుఁ దమలోన నవ్వుకొంచు. +మనుచ. 3.109. శుక. 2.109.]
గువ్వగుత్తి(క)
గుసగుసలఁబోవు, గుసగుసలువోవు, గుసగుసలాడు. (√గుసగుసలు) [వ...నిన్న మనము విన్నది నిజం బై తోఁ చున్నది చూఁడుఁడు చూడుం డని గుసగుసలంబోవు వారును... +ఉ.రా.6.343.][క. పొసఁగ దది యనుచు మంత్రులు, గుసగుసలం బోవ రాజకుంజరుతోడన్. +శుక. 1.318. విజ. వి.3.37.][సీ. అపుడు వచ్చినవార లౌఁ జెలి యెవతె యీ కొమ్మ యంచును గుసగుసలువోవ. +కువల. 2.29.]
గూఁడుకానుపు(న్పు)
గూఁడుపుట్టువు, గూఁడుకానుపు. (గూఁడు+పుట్టువు.) [గీ. అట్టు లెడలేని కడిమిఁ గయ్యం బొనర్చు,జడ బ్రతుకుగూఁడుపుట్టువు సామిమీదఁ, గినిసి కైదువ కేల నంకించి రక్క,సుండు గాళ్లున ఱెక్కలుఁ జెండివైచె. +ఆచ్చ. రా.ఆర. 75.]
గూటాము,గూటము. (శ.ర.)
గుడారము,గుడారము. (త.కూడారమ్.)[సీ. కొఱలు గుడారము గూడారము గుడారు గూడారనఁగను పట గేహ, నామధేయంబులు.. +ఆం.భా. 2.159.][ద్వి. గూడారములు దెర ల్గొల్లెన ల్వన్ని, వేలము ల్దప్పక విడిసె నుత్సుకత. +పండితా. పర్వ. 350.పొ.కు.సం.11.600.]

Other format errors

Pipe missing : నన్, దఱచుగఁ గ్రమ్ము క్రొంబొగ లనంగ జగంబునఁ బర్వెఁ జీకటుల్. +రసిక. 4.95.]

Pipe missing : గుఱిచి,కూరిచి. (√గుఱించు?) [క. మధుమధనుఁ డాక్షణంబున, మధుర గుఱిచి కదలి... +హరి. ఉ. 1.169.][మ.అతఁడొక్కించుక నవ్వి నన్ గుఱిచి యిట్లాశ్చర్యధన్యతా,మతికిం గారణ మేమి...+హరి.ఉ.5.25.][సీ. అబ్జాసనుఁడు తన్ను నర్థితో గుఱిచి యజించుట గోరి సృజించె సురల. +హరి. పూ. 2.97.]

Missing or additional square bracket : 1.లక్ష్యము చేయు; ఉద్దేశించు గుఱిచేసి వైచెఁ బయోజకుట్మలముల నొకతె. +కవిరా. 4.95.][గీ. అన్యరాజన్యు గుఱిసేసి యరిగె వాణి. +నైష.5.146.]2.దృష్టాంతముగాఁ జేయు.[సీ. నీచందమున నన్ను నెఱయ సేవించిన మద్భక్తులగుదురు మత్పరులకు, గుఱిసేయ నీవ యోగ్యుండ వైతివి...+భాగ. 7.379.]3.లక్ష్యపెట్టు, సరకుగొను. [సీ. ఇది యెంత లేదు నెమ్మది నిట్టివిఘ్నముల్ గుఱిసేసి మనకేళి మఱవ నేల. +కళా. 3.213.][క..ని, న్నొకయించుకయును గుఱిసే, యక యిమ్మెయిఁ జెనకి తలఁక డతఁడు సెడు మదిన్. +రాఘవ. 4.42.]

Missing book : ద్వి.నెఱతనంబును గల్గు నేర్పరి యనుచు, గుఱుతుగ నలపరాంకుశముఖ్యమునులు, పలికిన దివ్య ప్రబంధరత్నముల, వలన నిచ్చలు విని...ద్వి...పరం. ౩.౨౩౭ పొ.

Missing or additional square bracket : చిహ్నితము చేయు. [(వ్యవ) పుస్తకములో జదువవలసిన భాగములు గుర్తు పెట్టుము.

Missing book : ఉదా: సన్న గులకభూమి. గులక రేగడభూమి

Missing or additional square bracket : అంకురించు; వ్యాపించు; వెలువడు,నిర్గమించు.[వ...మేనం బులకలు గులకరింప... +సురా. 96.(బ్రౌ.పా.)[గీ. మొలకనగవులు మొగమున గులకరింప. +చంద్రా.3.92.][సీ. ఆణిముత్తెపుసరు లల్లనఁ జనియింపఁ గుండలంబులకాంతి గులకరింప. +మల్లుపు. 3.6.][సీ. ముసుఁగు వెట్టిన నేమి ముత్యాలకమ్మల క్రొమ్మించు లీలలు గులకరించె. +క్రీడా.95.]

Missing or additional square bracket : క్షుద్రజలజంతువిశేషము. +హంస. 4.187]

Missing book : క. ఇత్తడి పుత్తడి యగునే, తొత్తుది వగలెన్ని యిడివ దొరసానగునే, యుత్తముకులుఁ డవునా దౌ,లత్తుకు సరి చేరినను గులాము గులామే. (అడిదముసూరన చాటువు.)

Pipe missing : గులిబి, గులిమి. +ఆం.భా.1.134

Missing or additional square bracket : 1.అల్పము. [క. ఇల్లాలు మెలఁగ కున్నను, గుల్లౌ సౌఖ్యంబు పతికిం గొండం తైనన్, ఇల్లాలు మెలఁగుచున్నను గొల్లౌ సౌఖ్యంబు పతికి తోరం తైనన్. +శేష.1.139.]2.బోలు,గట్టిది కానిది.[ఉదా: గుల్లకంటె, గుల్లమురుగులు.పెనుగుల్ల,శంఖము.[సీ. పునుక బెనుగుల్లయును గేలుదమ్ముల నంచలమాడ్కిఁ బాటించువాఁడు. గీ... ముక్కంటియును వెన్నుఁడును ననంగఁ. బొల్చునా వేల్పు కబ్బంబుఁ బ్రోచుఁగాత. +ద్వా. 1.40.]జ: గుల్లకాఁడు, గుల్లకావి, గుల్లకాసు, గుల్లనేఁత, గుల్లపడు, గుల్లపఱచు.

Missing or additional square bracket : 1. కపోతభేదము, అడవిపావురము. (శ.ర, దీనిభేదములు:- కురుకుటగువ్వ, పచ్చగువ్వ, చిటిగువ్వ, రాగువ్వ, ఎలుబొంతగువ్వ, బ్రౌ.) +హంస. 3.13.]2.పక్షి, పిట్ట. [సీ. పిట్ట పక్కి పులుఁగు జిట్ట గువ్వ యనంగఁ బక్షి సామాన్యమై పరఁగుచుండు. +ఆం.భా. 2.96.]జ: గువ్వకరి, గువ్వకరిగొను, గువ్వకుత్తుక, గువ్వ కుతుకవడు, గువ్వలుకొను, గువ్వగుత్తి, గువ్వ గుత్తుక, గువ్వరాయి.

Pipe missing : గువ్వకోలుకొ(ల్కొ)ను,గువ్వకరిగొను. [గీ. కడుపు చుమ్మలుచుట్టఁగాఁ గన్నకన్నె, చిలుక నెడఁబాసి యేరీతి నిలుచువాఁడ, నెక్కడి వివేక మమ మంత్రు లెల్లఁ గదిసి, కువల యేంద్రునితో గువ్వకోలుగొనుచు.][గీ. మాను మీమోహ మని తెల్పి...+శుక. 1.372, 374. ][గీ.గొంట వనియెఁదిలోత్తమ గూర్మిఁ గొసరె, ధాన్యమాలిని పుంజికస్థల యదల్చె, ద్విజకామిను లీరీతిఁ దిరుగువాఱి, గువ్వకోల్కొంచుఁ దమలోన నవ్వుకొంచు. +మనుచ. 3.109. శుక. 2.109.]

Missing book : సీ. గువ్వగుత్తిక యన గువ్వగుత్తి యనంగఁ జనుఁ గపోతాంఘ్రి...+ఆం.భా. ౨.౬౫.(బ్రౌ.పా.)+హంస. ౪.౧౦.

Pipe missing : గుసగుసలఁబోవు, గుసగుసలువోవు, గుసగుసలాడు. (√గుసగుసలు) [వ...నిన్న మనము విన్నది నిజం బై తోఁ చున్నది చూఁడుఁడు చూడుం డని గుసగుసలంబోవు వారును... +ఉ.రా.6.343.][క. పొసఁగ దది యనుచు మంత్రులు, గుసగుసలం బోవ రాజకుంజరుతోడన్. +శుక. 1.318. విజ. వి.3.37.][సీ. అపుడు వచ్చినవార లౌఁ జెలి యెవతె యీ కొమ్మ యంచును గుసగుసలువోవ. +కువల. 2.29.]

Missing or additional square bracket : 1.పరమాత్మ 2.సింహము,మొ.[శ్లో. సింహవ్యాఘ్రవృకా ఋక్షతరక్షుద్వీపిన స్తథా, బభ్రుజంబుకమార్జాలా ఇత్యాద్యస్స్యుర్గుహాశయాః. (కల్ప)

Pipe missing : గూ

Pipe missing : గూఁడుపుట్టువు, గూఁడుకానుపు. (గూఁడు+పుట్టువు.) [గీ. అట్టు లెడలేని కడిమిఁ గయ్యం బొనర్చు,జడ బ్రతుకుగూఁడుపుట్టువు సామిమీదఁ, గినిసి కైదువ కేల నంకించి రక్క,సుండు గాళ్లున ఱెక్కలుఁ జెండివైచె. +ఆచ్చ. రా.ఆర. 75.]

Pipe missing : గూఁడుబండి -ERRORR-1.డేరామేకు.[చ. సమముగ మిట్ట పల్లములు చక్కఁగ జేయుచుఁ జుట్టునీరు వా,టముఁ గని నాల్గువంకల గుడారము లెత్తిరి జీనిపట్టుప,గ్గములు బిగించి గూటములఁ గట్టి న రాతులఁ గూర్చి ముందటం, గొమరగు పైఁడి తీవపనికుట్టుల చప్సరముల్ చెలంగఁగన్. +వాల్మీకి. 3.96.]2.గుంజ. (శ.ర.) 3. వడ్లవాఁడు మాదిగవాఁడు దూదేకులవాఁడు మొదలగువారు ఉపయోగించెడు పనిముట్టు. (శ.ర.బ్రౌ.)

Pipe missing : గూటాము,గూటము. (శ.ర.)

Pipe missing : గుడారము,గుడారము. (త.కూడారమ్.)[సీ. కొఱలు గుడారము గూడారము గుడారు గూడారనఁగను పట గేహ, నామధేయంబులు.. +ఆం.భా. 2.159.][ద్వి. గూడారములు దెర ల్గొల్లెన ల్వన్ని, వేలము ల్దప్పక విడిసె నుత్సుకత. +పండితా. పర్వ. 350.పొ.కు.సం.11.600.]

Pipe missing : గూడారు,గుడారము. +ఆం.భా.2.159.

ఇప్పుడు మీరు చేసిన ఒక పేజీని ఈ ఉపకరణిలో copy చేసి వచ్చిన errors ను జాగ్రత్తగా గమనించండి.

౧) missing book అని వచ్చిన చోట ఆ ఉదాహరణకు పుస్తకము ఇవ్వలేదు అని అర్థం. అంటే ప్రతి ఉదాహరణకు మనకు పుస్తక reference ఇవ్వలేదు కదా. కాబట్టి ఇది పెద్ద ప్రమాదకరమైన error కాదు కానీ చాలాసార్లు పుస్తక reference ఉన్నా మనం ఈ గుర్తు "#" ఉంచటం మర్చి పోతాము. అలాంటి వాటిని ఇక్కడ చూస్తే చాలా సులభం గా గుర్తించవచ్చు. ఉదాహరణ గా పైనున్న రెండు missing book lines చూడండి.

Missing book : ఉదా: సన్న గులకభూమి. గులక రేగడభూమి

Missing book : ద్వి.నెఱతనంబును గల్గు నేర్పరి యనుచు, గుఱుతుగ నలపరాంకుశముఖ్యమునులు, పలికిన దివ్య ప్రబంధరత్నముల, వలన నిచ్చలు విని...ద్వి...పరం. ౩.౨౩౭ పొ.

దీనర్థం, మొదటి ఉదాహరణలో మనకు reference book లేదు. అదే రెండవ ఉదాహరణలో పుస్తక reference ఉన్నా ఈ గుర్తు "#" ఉంచటం మర్చిపోయాము. కాబట్టి మీ File లో ఆ ఉదాహరణ ఎక్కడవున్నదో వెతికి ఈ గుర్తు "#" వుంచాలి.

౨) ఒకవేళ మీరు పేజీని అర్థాంతరంగా మొదలు పెడితే ఈ error చూపిస్తుంది. అప్పుడు మీరు ఆ పేజీలో మొదటి లైను ను ఇంతకు ముందు పేజీలోకి మార్చాలి

It seems you did not start this page with a new word. Please move the very first sentence to the previous page. Always start a page with a new word

౩) రూపాంతర పదాలను విడతీసి వ్రాయకపోతే ఈ క్రింది Error వస్తుంది

Here are the words that have rupantaras, but you missed expanding these words.

గుఱుతి(ర్తి)ంచు%
గుఱుతి(ర్తి)ంచు%
గుఱుతు(ర్తు)పెట్టు
గుఱుపె(వె,ర్పె,ర్వె)ట్టు.
గులిమితె(త్రెడ్డు)డ్డు
గుల్లపఱ(ఱు)చు%
గుళి(లి)క

పైవాటినన్నంటిని విడివిడి పదాలుగా కామాతో విడగొట్టి వ్రాయాలి

౪) pipe symbol miss చేస్తే ఈ ఎర్రర్ వస్తుంది

Pipe missing : గుఱిచి,కూరిచి. (√గుఱించు?) [క. మధుమధనుఁ డాక్షణంబున, మధుర గుఱిచి కదలి... +హరి. ఉ. 1.169.][మ.అతఁడొక్కించుక నవ్వి నన్ గుఱిచి యిట్లాశ్చర్యధన్యతా,మతికిం గారణ మేమి...+హరి.ఉ.5.25.][సీ. అబ్జాసనుఁడు తన్ను నర్థితో గుఱిచి యజించుట గోరి సృజించె సురల. +హరి. పూ. 2.97.]

ఇక్కడ మీరు పైప్ సింబల్ పెట్టాలి. అంటే పైదాన్ని ఇలా వ్రాయాలి

గుఱిచి,కూరిచి.| (మూ:గుఱించు?) | --
[క. మధుమధనుఁ డాక్షణంబున, మధుర గుఱిచి కదలి... +హరి. ఉ. 1.169.][మ.అతఁడొక్కించుక నవ్వి నన్ గుఱిచి యిట్లాశ్చర్యధన్యతా,మతికిం గారణ మేమి...+హరి.ఉ.5.25.][సీ. అబ్జాసనుఁడు తన్ను నర్థితో గుఱిచి యజించుట గోరి సృజించె సురల. +హరి. పూ. 2.97.]

౫) ఒకవేళ [ ] లో ఏ ఒక్కటి మర్చిపోయినా లేదా opening and closing paranthesis match అవ్వక పోయినా ఈ క్రింది error వస్తుంది

Missing or additional square bracket : 1. కపోతభేదము, అడవిపావురము. (శ.ర, దీనిభేదములు:- కురుకుటగువ్వ, పచ్చగువ్వ, చిటిగువ్వ, రాగువ్వ, ఎలుబొంతగువ్వ, బ్రౌ.) +హంస. 3.13.]2.పక్షి, పిట్ట. [సీ. పిట్ట పక్కి పులుఁగు జిట్ట గువ్వ యనంగఁ బక్షి సామాన్యమై పరఁగుచుండు. +ఆం.భా. 2.96.]జ: గువ్వకరి, గువ్వకరిగొను, గువ్వకుత్తుక, గువ్వ కుతుకవడు, గువ్వలుకొను, గువ్వగుత్తి, గువ్వ గుత్తుక, గువ్వరాయి.

పైదానిలో ఈ వాక్యంలో

(శ.ర, దీనిభేదములు:- కురుకుటగువ్వ, పచ్చగువ్వ, చిటిగువ్వ, రాగువ్వ, ఎలుబొంతగువ్వ, బ్రౌ.) +హంస. 3.13.]

opening bracket " ( " ఇది. closing bracket ఇది " ) ". ఆ తరువాత పెట్టిన " ] " bracket కు closing bracket లేదు. ఇలాంటి సమయాల్లో , ఇది ఉదాహరణ కాదు గనక పైదాన్ని ఇలా వ్రాయాలి.అంతే కానీ పుస్తకాన్ని # గుర్తు లేదా + తో విడతీయమన్నామని ఎక్కడపడితే అక్కడ ఈ గుర్తు వాడరాదు. ఈ గుర్తు కేవలం ఉదాహరణలలో వచ్చే పుస్తకానికి మాత్రమే.

(శ.ర, దీనిభేదములు:- కురుకుటగువ్వ, పచ్చగువ్వ, చిటిగువ్వ, రాగువ్వ, ఎలుబొంతగువ్వ, - బ్రౌ.హంస. 3.13. )

ఇలా వ్రాస్తూ పోతే చాలా పెద్దటపా అవుతుంది. ఇప్పటికే చాలా పెద్దదయింది. దీనికంటే మీరు టైపు చేసిన ఒక పేజీని తీసుకొని ప్రయోగం చేయండి. చాలా సులభంగా అర్థమవుతుంది.

హమ్మయ్య, ఇక నాకు ఈ పని తప్పింది కాబట్టి హాయిగా రోజుకో రెండు టపాలు బ్లాగుతా :-)

సర్వేజనా సుఖినోభవంతు.

- భారారె.

మా ఇంటికి ఎవరైనా వచ్చి పుస్తకాలు ఎత్తుకుపోకుండా .... గుర్తుకోసమన్నమాట.

2011-08-09T10:57:00.007+05:30

అవసరమైన ఓ వస్తువు ఎక్కడపెట్టామో ఎంత వెదికినా కానరావే !!!. నిన్నటినుంచి ఇల్లంతా వెతుకినా కావాల్సినది మాత్రము దొరకలేదు. సరే చివరి ప్రయత్నమని చెప్పి చెల్లా చెదురుగా పడి వున్న నా పుస్తకాల అరమర దగ్గర చేరి వెతకడం మొదలెట్టాను. అసలు పుస్తకాల అరమర కదపాలే కానీ బోలెడన్ని జ్ఞాపకాలు తేనెతుట్టె లాగా మనసును కమ్మివేస్తాయి కదా!. అలా అలా అలా అక్కడెక్కడో విహారం చేస్తూ మధ్యమధ్యలో కాసిని వెఱ్ఱి నవ్వులు నవ్వుకుంటూ వెతకాల్సిన వస్తువు మీద అస్సలు దృష్టిలేకుండా ఆనందంగా నా పని నేను చేసుకుంటున్నా. ఐనా మీరే చెప్పండి, వెధవది ఆ వస్తువు కనిపించకపోతే ఇంకోటి తెచ్చుకుంటే పోతుంది కదా. దానికోసం అసలు పుస్తకాలు సర్దడంలో వున్న ఆనందాన్ని ఆస్వాదించకుండా ఎలా ఉండమంటారు? మొత్తానికి ఓ మూడు గంటల పాటు అలా అలా పుస్తకాలన్నీ తడిమి చూసుకొని ఆ స్పర్శతో కలిగిన అనుభూతిని ఆఘ్రాణిస్తూ సర్దడం మొదలు పెట్టాను. పుస్తకాలు సర్దడము మనము మొదలు పెట్టాలేకానీ ఇంట్లో పిల్లల ఆనందానికి హద్దులుండవు. చిన్న పిల్లలున్న ప్రతిఒక్కరికీ ఈ అనుభవం ఎదురయ్యే వుంటుంది. వాళ్ళు పాపం నిజంగానే సహాయం చేయాలని, మనము ఏమేమి పుస్తకాలు చదివామనే కుతూహలం కొద్దో, లేదా కొన్ని సంవత్సరాల ముందు మన చేతివ్రాత ఎలా వుండేదో చూద్దామన్నో కుతూహలమో లేదా మరో ఉత్సాహమో ఏదైనా కానీ వాళ్ళు ఈ పని చేయడానికి ముందుంటారు. అలాగే మా పిల్లలు కూడా. విడివిడిగా వున్న కాగితాలన్నింటిని ఓ పద్ధతిలో అమర్చి వాళ్ళకిస్తే పేపర్ క్లిప్స్ పెట్టి బాగానే సహాయం చేసారు. ఓ మూడు గంటలయ్యాక మళ్ళీ పుస్తకాలను యధా స్థానంలో పెట్టాలికదా. ఈ సారైనా బాగా సర్దుదామని ఎంతో ఓపికగా ఒక్కో అర సర్దుతుంటే మా పాప ఫొటోలు తియ్యడం మొదలుపెట్టింది. ఇదేదో బాగుంది కదా!!! అసలే నాకు ఏ పుస్తకం ఎవరికిస్తానో గుర్తే వుండదు. ఈ ఆలోచన బాగుంది కదా... అందుకని అన్ని పుస్తకాల పేర్లు బాగా కనిపించేటట్టు ఫొటోలు తీసేసి బ్లాగులో జాగ్రత్త గా భద్ర పరుస్తున్నాను.

మనలో మనమాట... ఎవరికీ చెప్పకండేం.. ష్ ష్ష్.... ఇందులో సుమారు ఓ ముఫ్ఫై పుస్తకాల దాకా నేను కొన్నవికాదు. కొన్ని ఆ కనకదుర్గమ్మ ఊరోళ్ళు బహుమానంగా పంపారు ;-).మరి కొన్నేమో మా ఊరికి పైయెత్తున్న ఉండే వాళ్ళు చదవడానికని ఇచ్చారు. ఇచ్చి మర్చిపోయారేమో..మళ్ళీ మనమెందుకు గుర్తుచేయడం చెప్పండి. జాతీయం చేసేస్తే పోలే ;-).

ఒకవేళ వీళ్ళిద్దరిలో ఎవరికైనా ఎప్పుడన్నా గుర్తొచ్చి అడిగినా అల్లో.. అల్లో ..హలో హల్లోల్లూఓ... రాంగ్ నెంబర్ అని ఓ నాలుగుసార్లు ఫోన్ పెట్టేస్తే విసుగొచ్చి వదిలేయక పోతారా? పక్కన నాలుగు తిట్టుకున్నా ఓకే...:-)

ఇక పుస్తకాల ఫొటోలు

అప్పుడెప్పుడో ఆవేశంగా కొన్న కంప్యూటర్ పుస్తకాల భోషాణం. ఇవన్నీ కొనడం వరకే ఏనాడన్నా కనీసము పుస్తకంలో ఒక్క అధ్యాయమన్నా చదివానో లేదో కూడా గుర్తేలేదు.

కొన్ని ఆంగ్ల పుస్తకాలు

నా వద్ద వున్న అన్నీ తెలుగు పుస్తకాలు ఈ క్రింది చిత్రాల్లో

మరికొన్ని racks books మరొక్కసారి. అసలు ఇంతకీ అరమర సర్దాననుకున్నారా..అబ్బే లేదు. కుక్కతోక వంకర అన్నట్టు..ఓ నాలుగు గంటలు కష్టపడి తుదకు ఈ అరమర చివరిరూపమిది.

ప్చ్..రేపు నేను ఇంట్లో నుంచి బయటపడి ఆఫీసు దారి పట్టేదాకా మా ఆవిడ నా సర్దడం చూడకూడదని మీరు కూడా ఆ భగవంతుడిని వేడుకోండి ;-)

మరి ఉంటానండీ... మా ఇంటావిడ దొరికిందా అని అడుగుతుంది? అసలు ఇంతకు ఇప్పటిదాకా నేను దేనికోసమెతికాను??... ఇప్పుడు ఎంత పులిహోర కలపాలో ఏమో :-)

కార్పొరేట్ వరల్డ్ లో గూగుల్ పై అంతర్యుద్ధం మొదలైందా?

2011-08-08T09:32:00.003+05:30

ఈ మధ్య జరుగుతున్న ఒక్కొక్క పరిణామాన్ని చూస్తుంటే అవుననే అనిపిస్తుంది. గూగుల్ ఇప్పటికీ ప్రజాభిమానం చూరగొన్న కంపెనీ అనడంలో ఎటువంటి సందేహమూ లేదు కానీ, ఇంతకు ముందు తన ఆప్త మిత్రులుగా వున్న వారందరి మనోభావాలు గాయపడినట్టే వున్నాయి.గూగుల్ పై మొన్న మొన్నటిదాకా అంతర్లీనంగా వున్న అసంతృప్తి మైక్రోసాఫ్ట్, గూగుల మధ్య జరిగిన వాగ్యుద్ధం మూలంగా ఒక్క సారిగా మిగిలిన కంపెనీలు బయటపడి నోరు విప్పుతున్నాయి. కంపెనీలకు గూగుల్ పై అసంతృప్తి ఒక వారంలోనో, ఒక నెలలోనో ఏర్పడింది కాదు. కొద్ది సంవత్సరాలుగా గూగుల్ అంతర్జాలనికి సంబంధించిన ప్రతిపనిలో కలుగచేసుకోవటంతో మొదలైంది.

వివరాలలోకి వెళితే పోయిన వారం నార్టెల్ పేటెంట్స్ ( 6000 కు పైగా మొబైల్ ఫోన్స్ కు సంబంధించిన పరిశోధనలు) గొడవ దీనికి మూలం. గూగుల్ వారి ఉత్పత్తి ఏండ్రాయిడ్ పోన్లకోసం ఈ పేటెంట్స్ అవసరమయ్యాయి. ఈ సందర్భంలో ఆగష్టు మూడవతేదీ గూగుల్ వారి బ్లాగులో ఓ టపా ప్రత్యక్షమైంది. స్థూలంగా దాని సారాంశం ఇది.

" మైక్రోసాఫ్ట్, ఏపిల్, ఒరకిల్ వారు బోగస్ పేటంట్ల ద్వారా ఏన్డ్రాయిడ్ ఆపరేటింగ్ సిస్టమ్ ను వృద్ధిలోకి రాకుండా చంపేసే ప్రయత్నం చేస్తున్నారనీ, అలాగే కొన్ని పేటెంట్స్ మైక్రోసాఫ్ట్ నోవెల్ వారివద్దనుంచి సంక్రమించాయనీ " ఒక టపా వ్రాసారు. దానికి మైక్రోసాప్ట్ వారు " మేము ఈ పేటెంట్ హక్కులు సంపాదించే ముందు గూగుల్ వారిని కూడా అడిగామని, కానీ వారు ఉమ్మడి హక్కులకు ఒప్పుకోలేదని ఉత్తర ప్రత్యుత్తరాల ఇ-మైల్స్ ను బయటపెట్టారు. ఆ తరువాత ఈ వారంలో చాలా కథనడిచిందనుకోండి. నోవెల్ పేటెంట్స్ తో మొదలైన వివాదం, నోర్టెల్ పేటెంట్స్, ఇంటర్డిజిటల్ పేటెంట్స్ వరకూ సాగింది. సాగుతూ వుంది. ఈ వివాదం ఇప్పట్లో సమసి పోయేటట్టు కూడా కనిపించలేదు.
ఇక అసలు విషయానికొస్తే, అసలు గూగుల్ మిగిలిన కంపెనీల విషయంలో ఎందుకు విలన్ (ప్రతినాయకుని పాత్ర) ఐంది? గూగుల్ మరీ అంత చెడ్డ కంపెనీనా ? నేనైతే అలా అనుకోవడం లేదు. మరి? కారణం, వారు ప్రతిదీ తామే చేయలనుకొనడం వల్ల లేదా ఏదైనా తాము చేయగమనే గర్వం వల్ల చాలా కంపెనీలకు దూరమయ్యారు. వారి ఈ మనస్తత్వం చాలా కంపెనీలకు మింగుడు పడటం లేదు.

కేవలం పైన చెప్పిన కారణం వల్లనే ఒకప్పటి బద్ధ శత్రువులైన, మైక్రోసాఫ్ట్, ఒరాకిల్ అలాగే మైక్రోసాఫ్ట్ ఏపిల్ ఒక్కటై గూగుల్ కు చుక్కలు చూపించడానికి సిద్ధమైనట్లు కనిపిస్తుంది. నోవెల్ పేటెంట్స్ మైక్రోసాఫ్ట్ పరమయ్యాయి ( ఉమ్మడి కంపెనీల భాగస్వామ్యం.. గూగుల్ ఇందులో లేదు ). ఇక గూగుల్ వారి మొబైల్ ఆపరేటింగ్ సిస్టం ఏండ్రాయిడ్ ను దక్కించుకొనడానికి వారికి నోర్టెల్ పేటెంట్స్ అవసరమయ్యాయి. కానీ వాటిపై అధికారాన్ని కూడా గూగుల్ బిడ్డింగ్ లో దక్కించుకొనలేకపోయింది.అవి ఏపిల్ వారి పరమయ్యాయు. ఇక మిగిలిన ఒకేఒక మార్గం ఇంటర్ డిజిటల్ పేటెంట్స్. ఇవి ఎవరి పరమైతాయో ఈ మధ్యలో కథ ఎంత రసపట్టుగా సాగుతుందో చూసి ఆనందించాల్సిందే. ఏపిల్ తప్పకుండా ఈ ఇంటర్ డిజిటల్ పేటెంట్స్ సంపాదించడానికి ప్రయత్నిస్తుంది. ఈ ప్రయత్నంలో మైక్రోసాఫ్ట్ వారి ఆశీర్వాదాలు పుష్కలంగా వున్నా ఆశ్చర్యపోనవసరంలేదు.

కానీ ఇక్కడ ఆశ్చర్యకరమైన విషయం ఏమిటంటే గూగుల్, మరియు యాపిల్ రెండు కంపెనీలూ ఎంత సన్నిహితంగా వుండేవో మార్కెట్ పై ఏకొద్ది అవగాహన కలిగిన వారికైనా తెలిసిన విషయం. అప్పట్లో ఈ రెండు కంపెనీల ఉమ్మడి గమ్యం ఒక్కటే !!! మైక్రోసాఫ్ట్ ఆధిపత్యానికి తెరదించాలని !!!!! ఎంతటి సాన్నిహిత్యమంటే అప్పటి గూగుల్ సి.ఈ.ఓ ఎరిక్ స్క్మిడ్ యాపిల్ బోర్డ్ ఆఫ్ డైరక్టర్స్ గా కూడా బాధ్యతలను నిర్వర్తించాడు. అలాగే మొదటి దశ ఐ-ఫోన్ లో గూగుల్ పటాలు, యు-ట్యూబ్ వీడియోల అప్లికేషన్ లను అభివృద్ధి పరచడంలో గూగుల్ సహాయ పడింది. అప్పటి చిత్రం ఒక్కసారి మననం చేసుకుంటే ఈ రెండు కంపెనీలు మిగిలిన అన్ని మొబైల్ కంపెనీలను మూతపడేట్టు చేస్తాయేమో అన్నంత భయం కూడా చాలా మందిలో కలిగిందనడానికి సందేహపడ నవసరం లేదు.

కానీ, ఎప్పుడైతే యాండ్రాయిడ్ ఫోను మార్కెట్ లో ప్రవేసించిందో ఆనాటినుంచి సమీకరణాలు మారడం మొదలైనాయి. యాండ్రాయిడ్ మరియి ఐఫోన్ ల మధ్య ప్రత్యక్ష యుద్ధం మొదలైంది. అప్పటిదాకా మొబైల్ పరిశ్రమ ఆపరేటింగ్ సిస్టమ్ లో మైక్రోసాఫ్ట్ , యాపిల్ పెద్ద ఆటగాళ్ళగా వుండేవారు.కానీ ఈయుద్ధలోకి గూగుల్ ప్రవేసిండం ఈ రెండు కంపెనీలకు నచ్చలేదు. కానీ ఇక్కడో ధర్మసూక్షం కూడా వుంది. ఈ మొబైల్ ఆపరేటింగ్ సిస్టమ్స్ రీసెర్చ్ మీద వేల కోట్ల రూపాయలు ఖర్చు పెట్టిన కంపెనీల పేటెంట్లను సునాయాశంగా వారొక్కరే వాటిపై సర్వ హక్కులను సంపాదించాలనుకోవడం గూగుల్ వారు చేయవలసి ఉండవలసింది కాదేమో. ఉమ్మడి విఙ్జానానికి ఒప్పుకొను ఉండవలసింది.

గూగుల్ ఎంత పెద్దదో బహుశా అంతకంటే పెద్దకంపెనీ ఒరకిల్. చిత్రంగా వీటి రెంటిమధ్యా ఇప్పుడు యుద్ధం జరుగుతుంది. గూగుల్ పై యాపిల్, మైక్రోసాఫ్ట్ లు వేసిన లా సూట్స్ బహుశా యాండ్రాయిడ్ ను ఖరీదైన ప్లాట్ ఫాంగా మార్చడం చేస్తుందేమో కానీ ఒరాకిల్ వేసిన లా సూట్ మాత్రం దాన్ని యాండ్రాయిడ్ ఫోను ను పూర్తిగా చంపేస్తుంది. కారణం ఒరకిల్ వారి జావా ( ఒకప్పటి సన్ మైక్రోసిస్టమ్స్ వారి ఉత్పత్తి) ను ఈ యాండ్రాయిడ్ ఫోన్ లో లైసెన్సు లేకుండా వాడారని వీరి అభియోగం.

2005 లో యాండ్రాయిడ్ ఛీప్ గా వున్న యాండీ రూబిన్ సన్ మైక్రో సిస్టమ్స్ వారికి పంపిన మైల్ ఒకటి బయటపడింది. ఇది వారి గర్వానికి పరాకాష్ట అని సిలికాన్ వేలీ వర్గాల ఉవాచ. దాని సారాశం

సన్ మాతో కలసి పని చేయకపోయినట్లైతే , మాకు రెండు మార్గాలున్నాయి ౧) ఇప్పటిదాకా చేసిన పనిని ( యాండ్రాయిడ్ ) వదిలేసి MSFT CLR VM మరియు C# లాంగ్వేజ్ ను వాడడం ౨) జావా నే వాడి మా పద్ధతిని సమర్ధించుకొనడం, బహుశా వైరి వర్గమౌతుందేమో.

గూగుల్ రెండవ మార్గాన్నే ఎంచుకుంది, కానీ ఇప్పుడు సన్ మైక్రోసిస్టమ్స్ లేదు.ఒరకిల్ లో విలీనమయ్యాక జావా కాపీరైట్స్ ను ఒరకిల్ నియంత్రిస్తుంది. గూగుల్ వారు ఊహించిన విధంగానే ఒక పెద్ద శత్రువునే తయారు చేసుకున్నారు.

ఇక ఫేస్ బుక్ వర్సెస్ గూగుల్, అమెజాన్ వర్సెస్ గూగుల్ యుద్ధాలు రేపు చూద్దాం.

ఏలు పెడితే చాలు కవితలు కసుక్కున కొరికేస్తున్నాయి

2011-07-28T08:32:00.001+05:30

ఈ మధ్య ఎక్కడన్నా ఏలు పెడితే చాలు కవితలు కసుక్కున కొరికేస్తున్నాయి. కాదులేండి, ఏలెట్టకన్నా వెతుక్కోనొచ్చి మరీ కొరుకుతున్నాయి.

అవి చదివీ చదివీ చానారోజులకు నాకూ ఒక కవిత రాయాలని బో యిదిగా వుంది. చదివాక బతికే వుంటే ఒక కామెంటుతో గిల్లిపోండి :)

బయట భోరున వర్షం
వర్షానికి చెట్లు తడుస్తున్నాయ్
తడిసి పులకరిస్తున్నాయ్!
ఇంట్లో జోరుగా ఫ్యాను
ఫ్యాన్ గాలికి పేపర్లు లేస్తున్నాయ్
ఒక్కొటొక్కటిగా, నా మనసు పేజీల్లా

పైనుంచి మట్టిపెళ్ళ రాలిపడింది
మనసంతా మరకైపోయింది
ఆకాశం ఎప్పుడు చిల్లుపడుతుందో
నా మనసెప్పుడు కడిగేస్తుందో

వహ్వా వహ్వా వహ్వా చప్పట్లు, ఈలలు, కామెంట్లు.....;)

మరో కవిత చిత్తగించండి.

ఒరే
పిచ్చోడా
ఏందిరా
సన్నాసి
టైం
పదకొండు
ఇక పడకెక్కి
గుఱ్ఱుపెట్టు

బ్రతికే ఉన్నారా? ఇంకా పోలేదా? సరే ఇది చిత్తగించండి మరి భావకవిత్వపు కలికి తురాయి .... :-)

ఇంట్లో నలుగురే
ఇంటికున్న నాలుగు గోడల్లా!!!!
నేనూ నువ్వు
సమాంతర కుడ్యాల్లా!!!!!!!!!!

ఎంత భావమో... ఏంటి నీబొంద అందులో భావమంటారా? మీరు ఊహించుకోవాల మరి. ఎవరి ఊహ ఎంత గొప్పదైతే అంత బాగా అర్థమౌతుంది మరి :)

మిట్టూరోడి పుస్తకం.. కథల పుస్తకానికే కాదు, బూతు పుస్తకానికీ తక్కువే

2011-07-26T09:03:00.001+05:30

ఆమధ్య ఇండియా వెళ్ళినప్పుడు ఓ నలభై పుస్తకాల దాకా కొని తెచ్చుకొన్నాను. అందులో రకరకాల పుస్తకాలున్నాయి.అంటే అలా పైపైన ఓ లుక్కేసే పుస్తకాలనుంచి, జీవితకాలం చదివినా అర్థం కాని పుస్తకాలదాకా. మరికొన్ని ఆనోటా ఈనోటా విని ఎలా వుంటుందో చదవాలన్న కుతూహలం తో కొన్న పుస్తకాలు. అలా కొన్న పుస్తకాలల్లో మిట్టూరోడి పుస్తకం ఒకటి.

పుస్తకం రంగు బాగుంది. క్రొత్త పుస్తకం కాబట్టి వాసనా బాగుంది. అట్టపై వేసిన బొమ్మా బాగుంది. అలాగే పుస్తకం పై వ్రాసిన కథల పేర్లూ బాగున్నాయి. కథలన్నా ( చందమామ కథలు తప్పించి ) , నవలలన్నా ఆమడ దూరం పరిగెత్తే నాకు ఇంత మంచి బాహ్య సౌందర్యం గల్ల పుస్తకం అలా పుస్తకాల అరమరలో కనపడితే చదవాలన్న కోరిక మరీ ఎక్కువవ్వడంతో అక్కడక్కడ ఓ కథ చదివి వుండబట్టలేక ఈ టపా.

అసలు ఇంతలేసి పుస్తకానికి ఒక పోస్టుకూడా అవసరమా అనిపించింది కానీ, ఇందులో అక్కడక్కడా తగిలే గ్రామ్య భాషే ఈ టపాకు ప్రేరణ.

అక్కడక్కడా అని మాత్రమే ఎందుకన్నానంటే, మీకు ఏ కథ తీసుకున్నా నాబట్ట, సవితి, లంజ, గుడిసేటి ముండ ఇలాంటి పదాలు లేని కథ భూతద్దము పెట్టి వెతికినా కనిపించదు. తల్లి ని కూడా కొడుకుచేత లంజ అని పిలిపించి ప్రసిద్ధికెక్కిన రచయితగా చిరకాలం నిలిచిపోతారనడంలో సందేహం లేదు. వాటిని తిరిగి ఇక్కడ ఎత్తిరాయడం కూడా దండగే. కథ/కథలు చదువుతున్నంత సేపూ పాఠకుడు ఈరకమైన భాషనుపయోగించే జాతిని నేనెక్కడైనా ఇలాంటి సందర్భాలలో చూసానా అని కచ్చితంగా ప్రశ్న వేసుకోక మానడు. కథల్లో రాయలసీమ మాండలికం కొట్టొచ్చినట్టు కనిపిస్తుంది. కానీ నేను పెరిగిన ఊళ్ళలో సాధారణ పరిస్థితులు లేదా కథా సన్నివేశ పరిస్థితులలో ఎక్కడ కూడా ఈ భాషవాడడం చూడలేదు.

నేను మరిచిపోయిన లేదా గుర్తున్నా కాల ప్రవాహంలో క్రొత్తగా తోచిన మాండలిక పదాలు

అలివిగాని
యెంటికలు
లోటా
సమ్మచ్చరం
యెంగటేస్పరస్వామి
తిరప్తి
గెన్శిగెడ్డ
సినబ్బ
మఖాయిష్టం ( మహాయిష్టం)
కుశాల
ఈమద్దిన

ఇంతటితో ఈ బొక్కు అటకెక్కేసింది.

Google+ is now Google --

2011-07-24T09:38:00.005+05:30

జూలై 12 2011, అప్పటికింకా Google+ hype చాలా ఎక్కువగా వుందనే చెప్పుకోవాలి. చాలా మందికి అసలు ఈ + లో వున్నదేమిటో చూడాలన్న ఉత్సాహం. ఎవరైనా ఆహ్వానిస్తే ఒక్కసారి చూసి జీవితాన్ని ధన్యం చేసుకుందామన్న కోరిక. సరే ఎలాగూ ఈ hype తో పాటుగా హారానికి ప్రచారం చేసుకుంటే !!!. అప్పటికి హారం భారతీయ భాషా బ్లాగులు చూపడం మొదలై సరిగ్గా వారం రోజులు. పురిటినొప్పులు కూడా పూర్తిగా తగ్గలేదు. సరే Google+ ఆహ్వానాన్ని పంపిస్తూ హారం ప్రచారం చేసుకుంటే రెండువైపుల లాభ సాటిగానే వుంటుంది కదా అని ఓ అవిడియా వచ్చింది. అలా ఆహ్వానాలు పంపడం మొదలైంది కానీ ఒక్క గంటఆహ్వానాలు పంపినా ఇరవై ముఫ్ఫై ఆహ్వానాలు దాటి పంపలేకపోయాను. ఊహూ ఇలా లాభం లేదని హాయిగా నిద్రపొయ్యి, రెండో రోజు మా శకుని మామ నడిగితే ఓ తంత్రం చెప్పాడు. ఇంకేముంది.. ఆరోజు మరుసటి రోజుకల్లా అక్షరాలా 4800 మందికి ఆహ్వాన పత్రికలను పంపించాను.

All happies, no troubles

మూడోరోజు.. అబ్బా చాల్లే అనిపించింది కానీ ప్రక్కన friend suggestion చూస్తే బిల్ గేట్స్, సెర్గెబ్రిన్ కనిపించారు. అప్పటికే గూగుల్ లో పనిచేసే చాలా మందికి వృత్తాలు చుట్టేసాను. వీళ్ళను మాత్రం ఎందుకు వదలాలి అని బిల్ గేట్స్, సెర్గెబ్రిన్ ఇద్దరికి వృత్తం చుట్టేసాను.

ఒక రెండురోజులు బిజీ... మూడోరోజు వెళ్ళి చూస్తే ఇంకేముంది అకౌంట్ బ్లాక్ !!!!
ప్చ్, అసలు నేను google+ లో ఏల చేరవలె?
చేరితినిపో ఏల 4800 ఇండియన్స్ కు ఆహ్వానం పంపవలె??
పంపితినిపో ఏల సెర్గెబ్రిన్ కు వృత్తం చుట్టవలె???
చుట్టితినిపో, వారేల హారం పై కన్నువేయవలె???
వేసితిరిపో, అకౌంట్ ఏల బ్లాక్ చేయవలె????
( ఇప్పుడంటే left and right accounts block చేస్తున్నారు కానీ ఈ అకౌంట్ బ్లాక్ చేసేనాటికి అంటే జూలై 15 లేదా 16 నాటికి బ్లాక్ చేసిన అకౌంట్స్ ను వేళ్ళ మీద లెక్కించ వచ్చు )

ఏంటబ్బా అని చూస్తే వాళ్ళ పాలసీలకనుగుణంగా కాక ఒక కమ్యూనిటీని కించ పరస్తూ టపా వ్రాశానట. వార్నీ నాకంత సీనా!!!! అని వాళ్ళ పాలసీలు చదివితే నాకెక్కడా పాలసీ వయలేట్ చేసినట్టు కనిపించలేదు ఇంతకీ నేను వ్రాసింది బాంబేలో జరిగిన బ్లాస్ట్స్ గురించి. (ఆ తరువాత కొద్దిరోజులు వాళ్ళ పాలసీలను మారుస్తూ వచ్చినట్టున్నారు ) సరే అని చెప్పేసి మళ్ళీ రిక్వెస్ట్ చేస్తే , ఓ నాలుగురోజుల తరువాత బిజినెస్ ప్రొఫైల్స్ కు ఇప్పట్లో అవకాశం లేదు, ఇది కేవలం ఫీల్డ్ ట్రైల్ మాత్రమే అని status update చేసారు. No issues..., Atlast they were able to respond with right answer.

ఇంతటితో ఈ వ్యవహారం ముగిసినట్టులేదు, గత కొద్ది రోజులుగా కనిపించిన అకౌంట్ నల్లా పీకేస్తున్నట్టున్నారు. కనిపించిన అకౌంట్ అనడం కన్నా మరీ ఎక్కువగా ఫ్రెండ్స్ కలిగిన అకౌంట్స్ అని చెప్పవచ్చేమో. కానీ గూగుల్ చెప్పే సమాధానం మాత్రం

" we are currently limiting profiles to real people"

what a joke? who is real and who is fake in social media? Do you think people submit their bank a/c numbers, SSNs, passport, Photo etc to google+? I think any social media with this restriction suicides itself and intelligent companies like google must be aware of this fact, but then why are they doing?

Is the dam + bubble exploded with high number of concurrent transactions? who knows, intially I thought it's their policy to ban products, which is fair enough policy, but reading articles like this http://www.zdnet.com/blog/violetblue/google-plus-deleting-accounts-en-masse-no-clear-answers/567?tag=mantle_skin;content gives a surprise to anybody.

Google, now, you are no more +,people started --.

భాభీ కా నామ్ google कौर

2011-07-09T08:32:00.002+05:30

ఈ రోజు random గా హిందీ బ్లాగులు చదువుతుంటే ఒక హాస్యకరమైన టపా కనిపించిది. మీరు చదివి నవ్వుకోండి. ఆడ లేడీస్ నామీద యుద్ధం ప్రకటించవద్దు. అసలే ఈ మధ్య మా ఆవిడ ఇంటికొచ్చి కంప్యూటర్ తాకితే చేతివేళ్ళు ఇరగ్గొడతానని వార్నింగ్ కూడా ఇచ్చింది.

ఇక ఆ హాస్యకర సన్నివేశం

సంతా : ఓయ్, భాభీ కా క్యా నామ్ హై
బంతా : గూగుల్ కౌర్
సంతా : ఐసా క్యోం?
బంతా : సవాల్ 1 కరో , జవాబ్ 10 మిల్తే హై

:-)

source : http://haaram.com/CompleteArticle.aspx?aid=280657&ln=hi

or

http://www.pawanmall.net/2011/07/blog-post.html

heights of communication - person perspectives

2011-07-07T11:33:00.002+05:30

మొన్న ఇంద్రసేన, నిన్న రమ్య ఇద్దరూ హారం పనిచేయడం లేదు అని చెప్తే ఏంటబ్బా నాకు వస్తుంది కదా వాళ్ళకు ఎందుకు రావడం లేదు అనుకుంటూ ఊఊఊఊఊ వున్నా. అసలు సమస్య ఏంటో కూడా తెలియలేదు. Error ఏమి వస్తుంది అని అడిగితే "హారం మైటెనెన్స్ లో వుంది" అని వస్తుంది అని చెప్పారు. కానీ ఆ పేజీ సైట్ లైవ్ అయిన ఒక గంటలోనే తీసేసా కదా, మళ్ళీ ఇదేంగోలరా బాబూ అనుకుంటు జోగుకుంటూ కూర్చున్నా. .....

ఇప్పుడు ఈ సమస్య లేదు కానీ ఈ సిల్లీ సమస్య తీర్చాక ఒక పేద్ద టపా వ్రాయాలని వుంది. దేనిమీదంటే..... heights of communication - person perspectives అన్న దాని మీద. వచ్చే వారమో ఆ పై వచ్చే వారమో....
ఇంతకీ ఇప్పుడు హారం http://haaram.com అని కొట్టినా వస్తుంది.

హారం ఏగ్రిగేటర్ లిమిటెడ్ వెర్షన్

2011-07-05T10:31:00.003+05:30

హారం ఏగ్రిగేటర్ , మరిన్ని భారతీయ భాషలలో లిమిటెడ్ వెర్షన్ గా ఈ రోజు రోలౌట్ ఐంది. limited version ఎందుకంటే ఇందులో ఇంకా అన్ని సదుపాయాలు లేవు. ముఖ్యంగా విభాగాల టపాల Database ఇంకా పూర్తిగా అందుబాటులోకి రాలేదు. అలాగే ఇంతకు ముందు నుంచి హారం వాడే వారికి సుపరిచితమైన ఎక్కువగా చదివిన టపాలు కూడా ఓ రెండు మూడు రోజులు కనిపించవు. అదేకాక వేగం కూడా ఇంకా పూర్తి స్థాయిలో లేదు. తెలుగు,కన్నడ,ఆంగ్ల భాషల కు తప్పించి మిగిలిన భాషల స్థానికీకరణ పదాలు కూడా ఇంకా చేర్చవలసి వుంది. help కూడా అసంపూర్ణమే.

కన్నడ బ్లాగుల కొరకు స్థానికీకరణ పదాలనందించిన సుధ గారికి ప్రత్యేక అభినందనలు.

ఇన్ని రోజులు తెలుగు బ్లాగులోకంలో హారాన్ని వాడి దాన్ని ఒక విశిష్టస్థాయికి తీసుకు వచ్చిన ప్రతి బ్లాగరు కు నా మనఃపూర్వక అభినందనలు.కారణం ఏ వెబ్ సైట్ అయినా , ఎంత గొప్పదైనా చదివే వారు లేనప్పుడు చేసి వుపయోగం లేదు కదా! ఇదే స్ఫూర్తితో మిగిలిన భాషలలో కూడా ఆదరిస్తారని కోరుకుంటూ, మరో వారం రోజుల్లో మళ్ళీ తెలుగు నిఘంటువు పనులలోకి పరకాయ ప్రవేశం :)

more to come in coming weeks.

బ్లాగు ఏగ్రగేటర్ గా హారం ప్రస్థానం. ఎటునుంచి ఎటు?

2011-07-04T06:41:00.004+05:30

దరిదాపు ఒక నెలన్నర క్రితం హారాన్ని తమిళ,కన్నడ,హింది భారతీయ భాషలలోకి విస్తరించాలనుకున్న ఆలోచన వచ్చాక ఎప్పుడో సంవత్సరం క్రితం వ్రాసిన కోడ్ ను దుమ్ము దులిపి చూస్తే అప్పుడు ఏది ఎందుకు వ్రాసానో ఒక్క ముక్క కూడా అర్థము కాలేదు. అప్పుడు మొదలు పెట్టిన మార్పులు , చేర్పులు అతి కష్టం మీద ఈ రోజుకు ఒక కొలిక్కి వచ్చాయి. ఈ హారం ఆధునీకరణ మూలంగా ఈ మధ్య కాలంలో ప్రధానంగా దెబ్బతిన్నది తెలుగు నిఘంటువు పని. హారం పని మొదలు పెట్టినప్పుడు ఒక్క UI మాత్రము మారిస్తే సరిపోతుంది అనుకున్నాను కానీ, అన్ని భాషల బ్లాగుల పట్టిక చూసాక పార్సింగ్ కు సమయం ఎక్కువ పడుతుండటముతో haaram core engine లో threading implement చెయ్యక తప్పింది కాదు. ఇన్ని భారతీయ భాషల బ్లాగులను ఒకే చోట చూపించడంతో హారం అతి త్వరలోనే భారతదేశపు అతిపెద్ద బ్లాగు సంకలిని గా అవతరించబోతుంది. కానీ దీనికి గూగుల్ ఎంత వరకు సహకరిస్తుందో చూడాలి. ఇప్పుడైతే హారంలో పలు బ్లాగులను ఒకేసారి చదవగలిగే అవకాసం వున్నప్పటికి గూగుల్ మాత్రం వారి సర్వర్స్ లో ఎక్కువ రిక్వెశ్ట్స్ ఈ ఐ.పి నుంచి వస్తున్నాయని Random గా requests ను block చేసి http error code 503 పంపుతుంది. ఏమైనా ఇప్పుడు హారం దరిదాపు 40,000 బ్లాగులను ప్రతి 20 నుంచి 40 నిముషాలకు update చేస్తుంది. ఇంకో 1,80,000 బ్లాగులున్నాయి కానీ ఆ లింకులు కావాలంటే ప్రస్తుతానికి ఆటోమేషన్ ద్వారా చెయ్యడానికి వీలు లేదు. గూగుల్ వాడు దానికి సహకరించడం లేదు. Manual గా 1,80,000 లింకులను ఎంటర్ చేసే ఓపిక, సమయం నాకు లేవు. ఇప్పటికి ఈ 40,000 తోనే సరిపెట్టుకుంటాను.

కానీ తెలుగు భాష బ్లాగులు మాత్రము మునుపుటికంటే వేగంగా పని చేసే అవకాశం వుంది. ఇంతకు ముందు 90 సెకన్ల నుండి, 150 సెకన్ల మధ్య కనిపించే బ్లాగు టపా ఈ సారి ఇంకొంచెం ముందుగానే కనిపించవచ్చు. హారం లో ప్రస్తుతమున్న ప్రధాన సమస్య దీనికి Dedicated server లేక పోవడమే. ఈ సమస్య వల్ల 20 seconds to 30 seconds కోల్పోవలసి వస్తుంది. ఒక పది పదిహేను రోజుల Data చూసిన తరువాత కచ్చితమైన సమాచారం ఇస్తాను.

ఇంతకీ ఈ విషయాలన్నీ ఇప్పుడు ఎందుకంటే, హారం ఈ రోజు, రేపు మైంటెనెన్స్ మోడ్ లో వుండవచ్చు. కాబట్టి మీ బ్లాగు టపాలు కనిపించకపోవచ్చు. ఒక్కోసారి అసలు పని చేయక పోవచ్చు.

ఇక పోతే 2008 డిసెంబరు లో మొదలైన హారం Statistics ఈ రోజు చూసాక చాలా సంతోషం వేసింది. అవి మీకోసం ఈ క్రింద.( సంవత్సరాల వారీగా )

Year 2009
----------

Year 2010
-----------

Year 2011 (ఇప్పటి దాకా. అంటే జూలై లో రెండురోజులు కలుపుకొని)
----------