అడ్డామీద కూలీలు

కళ్ళు తెరిస్తే ఇంటినిండా కళేబరాలు
కాలు కదపకుంటే గాలిలో ప్రాణాలు
కళ్ళు మూయాలంటే మాయని మమతలు
కాలు కదపాలంటే వెన్నులో భయం.

బండల పిండి చేసి
ఎముకల కుళ్ళపెట్టాలా!
మనసు చంపుకొని
గుండెను పిండి చేయాలా!

ఆరడుగుల మనిషికి
అరడుగు గొయ్యి తవ్వాలా?
కొవ్వెక్కిన ప్రజాపతినిధికి
జేజేలు కొట్టాలా?

అడ్డామీద అడ్డంగా నిలబడి
ముందున్న ’మనిషిని’ వెనక్కి నెట్టి
వెనక నక్కిన ’నక్కను’ డొక్కలో పొడిసి
ఈరోజుకు రోజుకూలీ సంపాదించాను
జనారణ్యంలో విజేతగ నిలిచాను.

కూటికి చచ్చే దరిద్రులు
సోమరిపోతుల్లా వున్నారు!
బ్రతకడానికి చేతకాని
చచ్చుదద్దమ్మలా వున్నారు!
చేతకాక నింపాదిగా
సమాజం మీద పడి ఏడుస్తున్నారు!

తెలుగు సంధులు రామ+ఆంజనేయులు=రామాంజనేయులు

రామ+ఆంజనేయులు=రామాంజనేయులు

హారంలో మరో చిన్ని అడుగు. ప్రయోగాత్మకంగా సంధుల ఆల్ఫావెర్షన్ విడుదల.

ముందుమాట

అయ్యవార్ల కి, అమ్మవార్లకి ప్రస్తుతానికి ఇదో సరదా పేజీ :) ఇక్కడ మీకు తీరిక వున్న సమయాల్లో ఆడుకోవడానికి సంధి ప్రయోగాన్ని, ప్రయోగంగా నే మొదలుపెట్టాము. ప్రస్తుతానికి ఇది ఇంకా కళ్ళు కూడా తెరిచి లోకాన్ని చూడలేని చిన్నారి రూపమే. ఈ పాప బోర్లపడడానికే ఇంకా చాలా సమయం పట్టవచ్చు. ఇక దోగాడి, తప్పటడుగులు వేసి నడచి, పరుగెత్తాలంటే చాలా చాలా చాలా సమయం పడుతుంది. అప్పటి దాకా ఈ బుల్లి పాపతో ఆడుకొనండి.

ఇక్కడ ప్రస్తుతానికి ఈ క్రింది సంధులను గుర్తించడం జరుగుతుంది.

తెలుగు సంధులు

అకార సంధి

ఉకార సంధి

సంస్కృత సంధులు

సవర్ణదీర్ఘ సంధి

గుణ సంధి

వృద్ధి సంధి

యణాదేశ సంధి




ఇక మీరనుకున్న రెండు పదాలను విడివిడిగాకానీ + గుర్తునుపయోగించికానీ తెలుగు లో టైపుచేసి ఛాలెంజ్ అనే బటన్ ను నొక్కండి. ఈ ఉపకరణి తనకు తోచింది చెప్తుంది. ఎలాగంటే మనము తెలుగయ్యవారు ప్రశ్నఅడిగితే చెప్పినట్టు ;౦).

సరైనదయితే మరో సారి ఛాలెంజ్ చేయండి.
తప్పయితే నెత్తిమీద ఓ మొట్టికాయ వేసి సరైన సంధి పదాన్ని, సంధిని తెలుపండి.


ఉదాహరణగా హారం టెక్ష్ట్ బాక్స్ ఈ క్రింద ఇచ్చిన ఏరూపాన్నైనా స్వీకరిస్తుంది.


రామ ఆంజనేయులు

రామ+ఆంజనేయులు

ఇక మిగిలిన సంధి సూత్రాలను తెలియచేసి ఈ ప్రయత్నానికి సహాయము చేయగోరువారు సంధి నియమాలతో పాటి కొన్ని ఉదాహరణలను, సంధిపదాల ప్రత్యేక లక్షణాలతో హారం వారికి ఇ-మెయిల్ చేస్తే మిక్కిలి సంతోషిస్తాము.
మా ఇ-మెయిల్
support@haaram.com




సంధి రూపం మీకు తప్పుగా తోచినట్లైతే దయచేసి సరైన పదాన్ని హారం వారికి తెలిపి సహకరించి, తెలుగు భాషా వ్యాప్తికి తోడ్పడవలసిందిగా ప్రార్థిస్తూ

మీ హారం.

మండేగుండెల్లో నన్ను నేను సృష్టించుకొంటున్నా

కాలుతున్నయ్ చేతులు
దివిటీ దూదిలా
కరుగుతుంది జీవితం
కరిగే కొవ్వొత్తిలా.

కారుచీకట్లు కమ్మిన మనసుకు
కనిపించని ఉషోదయ కిరణం
ఉక్కిరిబిక్కిరి ఔతున్న మదిలో
ఊహకైనా అందని ప్రశ్నలు

ప్రశ్న ప్రశ్నకూ పడిలేస్తూ వెతుకుతున్నాను
కనిపించని సాంకేతిక సమాధానం కోసం
ఆదమరచి పగలూ రాత్రీ నిద్రిస్తే
ఆలోచనల చెలమ ఎండిపోదా

సృష్టించిన అందమైన ఆవిష్కరణలే
ఉన్మాదంగా వెక్కిరిస్తుంటే
దిక్కుతోచని మదినిండా
దిక్కులేని ఆలోచలనలతో
ఆశల రహదారులవెంట
రాళ్ళగుట్టల నడుమ
ముళ్ళకంపల మధ్య
పడిలేస్తూ పరితపిస్తూ పరిగెడుతున్నాను.

కోకిల గానాలు శృతి తప్పినట్టున్నాయ్
వెన్నెల వెలుగులు గడ్డకడుతున్నాయ్
చల్లని గాలులు స్వేదం స్రవిస్తున్నాయ్
రంగుల పూలు రాలి పోతున్నాయ్

జీవితం వితండవాదియై వెక్కిరిస్తుంటే
ఎంతకూ తరగని ఆలోచనలతో
క్షణ క్షణానికీ కరిగే కాలం నడుమ
విడువని ప్రశ్నల సాధనకై
ఆటుపోట్ల కాలంతో సమరం సాగించ ఉద్యమిస్తున్నా

నన్ను నేను పునఃసృష్టించుకొంటున్నా
మరోసృష్టి చేయ మదిని మధిస్తున్నా

హలము పట్టిన చేయి
హాలాహలానికి వెరసేనా
కాళరాత్రి చూసిన కళ్ళు
వేళాయనని యత్నం మానేనా?

అందుకే..
మొగ్గగా మళ్ళీ చిగురించ దలచా
కొమ్మల చిగుర్లు పెట్టి
రెమ్మల పూలు పూసి
కొమ్మ కొమ్మకూ
గుబురు గుబుర్లుగా
ఫలసాయం అందించదలచా
అనంతమైన ఆనందంకోసం

పట్టపగలు నక్కల ఊళలు భరించి
గుడ్లగూబల చూపులు దాటి
మండే గుండెల నడుమ
విత్తు నాటుతున్నా

త్వరలోనే....

పూల రెమ్మనై సుగంధానిస్తా
ఫలశోభితమై ఫలములిస్తా
వటవృక్షాన్నై నీడనిస్తా
నన్ను నేను సృష్టించుకొంటా.

హారం లో నాలుగవ విడతగా మెరుగుపరచిన పి.డి.యఫ్ లు

హారం పాఠకులకు నాలుగవ విడతగా వారి వారి టపాలను పి.డి.యఫ్ రూపంలో అందించామని చెప్పడానికి ఆనందంగా వుంది.

ఇప్పటికే సభ్యులైనవారు గతనెలలో మీరు వ్రాసిన టపాల P.D.F ఫైల్ ను హారం ను సందర్శించి డౌన్లోడ్ చేసుకొనండి. ఏ కారణం చేతనైనా మీ టపాల P.D.F అలభ్యమైనచో support@haaram.com కు మైల్ పంపండి.

హారంలో పి.డియఫ్ లింకును ఎడమవైపు వున్న మెనూలో చూడగలరు. లేదా ఇక్కడ క్లిక్ చేయండి

ఆసక్తి ఉండి క్రొత్తగా సభ్యత్వం కోరువారు హారం http://www.haaram.com ను సందర్శించి సభ్యులుగా చేరండి.

a2z వారి నుంచి హారం వారికి విజ్ఞప్తి - హారం వారి సమాధానం

ముందుగా a2z వారి టపా


"తెలుగు బ్లాగులు వృద్ధి కోసం మీరు చేస్తున్న కృషికి ధన్యవాదాలు. నేను రిక్వెష్ట్ చేయకుండానే నా బ్లాగును మీ సైట్ ద్వారా ప్రచారం ఇస్తున్నందుకు మై హర్టఫుల్ థాంక్స్. కూడలి నుంచి తప్పుకోవడం వలన, మీ నుంచే ఎక్కువ హిట్స్ రావడం నేను గమనించాను. ఫ్యూచర్ లో మీకు నాకు మధ్య విభేదాలు రాకుండా వుండటానికే ఈ టపా.

నా బ్లాగులో నా వ్యక్తిగత అభిప్రాయాలతో పాటు, వేరే వాళ్ళ అభిప్రాయాలు, నాకిష్టమైన న్యూస్ లతో పాటు ఫోటోస్ కూడా వుంటాయి. నా టార్గెట్ రోజుకు మినిమం 15 పోస్ట్లు. అది రీచ్ అయిన రోజు మీ హోంపేజి మొత్తం నా పోస్ట్ల లింకులతో నిండి పొతే చాలా అసహ్యంగా వుంటుంది. అలా అని నా ఒక్కడికే స్పెషల్ restriction పెడితే నా ego దెబ్బతింటుంది. Rule should be Rule for all. So ఎవరైనా, ఏ బ్లాగు అయినా(not just me) , 1 or 2 or 3 or 4 లేటెస్ట్ పోస్ట్స్ మాత్రామే మెయిన్ పేజిలో కనిపించేటట్లు వుంటే బాగుంటుందని నా అభిప్రాయం.

నా ఒక్కడికే స్పెషల్ restriction పెట్టాలని ఆలోచన వస్తే దయచేసి నా బ్లాగుకు మీ సైటు నుంచి లింక్స్ పూర్తిగా తొలిగించండి."


సమాధానం

ముందుగా హారం మీద మీకున్న అభిప్రాయానికి ఇంచుక ఆశ్చర్యం వేసింది. మీరు ఏవిధమైన ఆధారలతో అభాండాలు వేస్తున్నారో తెలియచేయకోరుతాను.బహుశా రోజుకు 15 టపాలు వ్రాసేవారు మీరే అయివుండి మీ బ్లాగు మాత్రమే అలా అయివుండవచ్చు.ఇంతకంటే హారంలో వ్యక్తిగత కక్ష లేదా ఆపేక్ష వుండవు.

హారం ఏవిధమైన రూల్స్ ను పాటిస్తుందో బహిరంగ పరచకపోవడం లోపమే. ఈ సందర్భాన్ని పురస్కరించుకొని కొన్ని వివరాలు ఇక్కడ

1) హారం మొదటి పేజీలో రెండు రోజుల వ్యాఖ్యలను చూపించడం జరుగుతుంది.ఇవి 1౦౦ కావచ్చు 1౦౦౦ కావచ్చు ఏవిధమైన ఆంక్షలు లేవు

2) మొదటి పేజీని సాధ్యమైనంత సుభ్రంగా వుంచడానికి ప్రయత్నిస్తున్నాము. కాబట్టి బ్లాగర్లు తమ తమ అభిప్రాయాలను రెండు మూడు పంక్తులు ఒకటిగా కాకుండా క్రోడీకరించి వ్రాయమని మనవి

3) మా బ్లాగు మా ఇష్టం అనుకొనేవాళ్ళూ వుంటారు కనుక, మిగిలిన పాఠకుల సౌకర్యాన్ని దృష్టిలో వుంచుకొని కొన్ని నిబంధనలు పాటిస్తుంది

అవి
a) పేరులేని టపాలకు హారం ఒక పేరు పెడుతుంది. దానిపేరు అనామిక (హారం)
b) సాధ్యమైనంత వరకు మీ టపా శీర్షికలలో అసభ్య పదాలను లేకుండా చూసుకోండి. హారం కొన్ని కీలక పదాలను గుర్తిస్తుంది. ఈ పట్టిక బహిర్గతము చేయలేము.
c) రోజుకు ఒక టపా వ్రాయడమే కష్టమైన దినచర్యల్లో రోజుకు ఆరు, ఏడు వ్రాస్తున్నామంటే అందులో ఎంత పస వుంటుందో గుర్తించి చెప్పడం మా ఉద్దేశ్యం కాదు కానీ, మిగిలిన వారి టపాలు అందులో కొట్టుకొని పోకుండా ఈ క్రింది పద్ధతి అవలంబిస్తుంది.

" రెండు రోజులలో మీరు వ్రాసిన టపాల సంఖ్య 1౦ దాటినట్లైతే మీ తరువాత టపా మళ్ళీ హారంలో కనిపించడానికి 48 గంటలు ఆగాలన్న మాట". ఈరోజు దాకా ఈ సంఖ్య 15 గా వుండేది. 15 దాటితే వారి టపాలేవీ( పాత టపాలతో సహా ) హారంలో కనిపించేవి కావు. ఈ నిబంధన ను కొంచెం సడలించి పైవిధంగా మార్చడమైనది.

ఇక మిగిలిన సదుపాయాలు

4) ఈనాటి హారంలో ఈ రోజు టపాలను మాత్రమే చూపిస్తుంది
5) ఖజానా లో మీఅన్ని టపాలతో పాటి మీ టపాలలో చిత్రాలు వున్నట్ట్టయితే అందులోనుంచి ఒక చిత్రాన్ని కూడా చూపిస్తుంది.
6) వ్యాఖ్యల పేజీ లో వ్యాఖ్యలతో పాటి రచయిత చేసిన అన్నివ్యాఖ్యలను పొందుపరచడమైనది.
7) గ్రాఫు పేజీ లో ఈ వారం టపాల వ్యాఖ్యల అనాలసిస్ చూడవచ్చు.

8) పుస్తకహారం లో అరుదైన పుస్తకాలను పొందుపరచాలని కోరిక

9) హారంలో సభ్యులవ్వాలంటే ఈ లింకు ను క్లిక్ చేయండి

10) మీకు హారం నచ్చినట్టయితే హారం లోగోను ప్రచారం పేజీ నుంచి మీ బ్లాగులో కలపండి
11) మాగురించి ఈ సోది . ఇందులో ప్రస్తుతానికి అన్నీ హారం వారే :)

12) సభ్యులకు ప్రతినెల మొదటి ఆదివారం పోయిన నెల టపాల పి.డి.యఫ్ అందించడం జరుగుతుంది. ఈ నెల పి.డి.యఫ్ పోయిన వారమే రావాల్సింది. కానీ ఇంతకు ముందు వచ్చిన పి.డి.యఫ్ లను చూసి సభ్యులు సలహా ఇవ్వడంతో ప్రోగ్రామ్లో కొన్ని చేర్పులు మార్పులు చేస్తున్నాను. అన్నీ అనుకూలిస్తే ఈ ఆదివారానికి మీ పి.డి.యఫ్ లు రెడీ.

ఇవి స్థూలంగా హారంలో అందరికీ కనిపించే సదుపాయాలు. ఇక హారంలో వుండడం లేకపోవడం పూర్తిగా వ్యక్తిగతం కావున చర్చలకు ఆస్కారం లేదు. వైతొలగ తలచినవారి దయచేసి admin@haaram.com కు మైల్ పంపండి.

మీ సలహాలకై వేచి చూస్తూ మీ హారం

కలల లోకం - కలత లోకం

కళ్ళు తెరచి చూస్తే కలలలోకం కరువయ్యిందా
కళ్ళుమూసుకుంటే జనజీవనం వెక్కిరించిందా

నిద్దురోని రాతిరి తెల్లవార్లు తరచి అడిగిందా
వల్లకాని ఎర్రకలువ ఏరులై పారిందా

సన్నజాజి పక్కఅంత ఎండిపోయిందా
మల్లెపూల వాసనంత వెక్కిరించిందా

పరువాల పట్టెమంచం పగలబడి నవ్విందా
నలగని తనువంత చిక్కబడి చిన్నబోయిందా

ప్రేమించిన జాలిగుండె నేలకొరిగిందా
విలపించిన నాతిగుండె బేల అయ్యిందా

రాగాలు జాలువార్చే జలతారు పూబోణిరా!
నల్లనయ్య గీతికల గిరిగీసి కూర్చేటి ఉమాదేవిరా!

మన సూర్యుడు కృష్ణబిలం(బ్లాక్ హోల్) లోకి ప్రయాణం సాగిస్తే?

ఈ బ్లాగులో ఈ పేజి నాకప్పుడప్పుడూ వచ్చే వింత ప్రశ్నలను దాచుకొనే స్థలం. వీటికి సమాధానాలు నాకు తెలియవు. తెలిసిన వారు తెలియచేస్తే వినాలని కోరిక కొద్ది ఇకనుంచి నాకొచ్చే వింత ప్రశ్నలకు వేదిక ఇది.ఇంతకంటే విశేషాలు, విపరీతాలు ఇక్కడ ఈ పేజీలో కనిపించవు. మీకు సమాధానం తెలిస్తే చెప్పండి. మీతోపాటు నేనూ ఆనందిస్తాను.

౧) మన సూర్యుడు బ్లాక్ హోల్ లోకి ప్రయాణం సాగిస్తే?

అమ్మఒడికి జన్మదిన శుభాకాంక్షలు

అమ్మఒడికి జన్మదిన శుభాకాంక్షలు

అమ్మఒడిలో మొగ్గతొడిగిన పూబాలలు
రాను రానూ రాటుదేలిన రణబాలలు

వెన్నపూసిన విచ్చుకత్తుల కుట్రను
తెల్ల గుడ్డ చాటున పేట్రేగిన గూఢచర్యాన్ని
స్వతంత్ర భారతిని నడిపే
అస్వతంత్ర కీలుబొమ్మల్నీ
కీలుబొమ్మల్ని నడిపే కణికులను
కనడానికెన్ని జీవితాలు కావాలి?

పాల బుగ్గల రక్తం పిండి
పెంచుకొన్న వ్యాపారన్నీ
నవ్యత పేరున నాశనం చేసిన
భారతీయతనూ, బాల్య స్మృతులనూ
కనడానికెన్ని జీవితాలు కావాలి?

పేట్రేగిన రెసిడెన్షియల్ల మధ్య
నాశనమైన విద్యా వ్యవస్థనీ
వినాశనమైన విద్యార్థులనీ
విద్యపేరున హింసించే తల్లిదండ్రుల్నీ
ర్యాంకుల నడుమ నడిచే కళాశాలల్నీ
కనడానికెన్ని జీవితాలు కావాలి?


కలము మొనకు కత్తిని కట్టి
జరుగుతున్న నగ్న చరిత్రకు
తన తనువు రక్తానద్ది లిఖించిన
చెరగని రక్తాక్షరపు సాక్షాలవి.