మనిషి - మనసు

ప్రకృతి నడకన ప్రభవించిన మనిషి
జగతి భ్రమణ ప్రతిరూపం మనిషి

మాటకు పాటకు ప్రతిరూపం మనసు
పెదవి దాటే ప్రతి నాదం మనసు.
మదిన మెదిలే ప్రతి కదలిక మనసు
మూగ సైగలకు ప్రభూతం మనసు
హృదయ చెలముల ప్రతినాదం మనసు
ప్రతిమ ప్రతి కదలిక ప్రతిరూపం మనసు

ప్రభాత శాంతికి ప్రతిరూపం
మధ్యాహ్న భ్రాంతికి మలిరూపం
సంధ్యాకాల నిమీలిత రూపం
నిశి రాత్రిన కామానికి రూపం

పండువెన్నెల పులకింతలు
ఆషాఢమేఘ శోకధారలు
ఊహల పల్లకిలో పెళ్ళికూతురు
మరీచికల వీక్షణ పడిగాపులు.

పెదవులపై పండిన నవ్వులు
గుండెలు నిండా రహస్యాలు
జీవన పోరాట నృత్యాలు
అచలనమై సాగుతున్న జీవితాలు.

యాతనలో, వేతనలో
దారి తప్పిన కానలలో
జీవం లేని జనారణ్యంలో
మనిషికి మనసే తోడు.