అక్షర లాక్షిణికకు
సులక్షణ కవితారాణికి
ఏలనో, ఏ పాద గుర్తులో
చెరిగిపోని శిధిలపు ఆనవాళ్ళు.
గులకరాయి రేపిన అలజడికి
మదిలోన ఏ సెలఏరు పొంగెనో !
మండు టెండల తాకిడికి
హృదిలోన ఏ నిర్ఝరి ఇంకెనో !
అమావాస్య కాంతిధారకు
ఏ నెత్తురు గడ్డకట్టేనో !
పుడమిని మురిపే పండువెన్నెల
ఏ రాజ బందీగ మిగిలెనో !
నీడను వర్షించే పెరటి పట్టుగొమ్మ
ఏ పున్నాగరవళి గా మారెనో !
దాహము తీర్చే సుజల జల ధార
ఏ గరళ కంఠుని అస్త్రమాయెనో !
చెమ్మగిల్లిన చూపుకు దోసిలొగ్గిన మమత,
మసిబారిన మదికి స్ఫటికపు రంగులద్దిన కలువ,
విరిగిన అధరాన నవ్వులూడ్చిన పూబోణి,
విచలిత వదనాన జ్వలిత చల్లిన విరిబోణి.
అలసిన మదికి ఊతమిచ్చిన విరజాజి,
మాటలేని భావాల మూగభాష్యకారిణి.
ఏలనో, ఏమాయెనో
ఉరుకులు పరుగులు మాని
గడ్డకడుతున్న సెలయేరౌతుంది.
నిశీధి పయనాన
నిశ్శబ్ద మదిలోన
రోదించే కీచురాళ్ళే
మిణుగురుల దివిటీలు.
"నీడను వర్షించే పెరటి పట్టుగొమ్మ
రిప్లయితొలగించండిఏ పున్నాగరవళి గా మారెనో !"
...చాలా బాగుందండి..
ఈ కామెంట్‌ను రచయిత తీసివేశారు.
రిప్లయితొలగించండివిచలిత మది మాట నోచుకోలేదు
రిప్లయితొలగించండిసజల నా నయనం చాటు చూసుకోలేదు
చదివానా, చదువుతూవుండిపోయానా?
సరైన ఆనవాళ్ళు నాకే లేకివ, మీకేమని తెలుపను?
“అద్భుతం”
Beautiful....
రిప్లయితొలగించండిమంచి ముత్యాలను మాలగా గుచ్చినట్టున్నారు కవిత రూపంలో.....
రిప్లయితొలగించండిచాలబాగుందండి!
చాలా బాగుందండీ
రిప్లయితొలగించండిమీలా కవితలు రాయగ మీకే జెల్లున్
నీలపు వర్ణము కవితలొ
నిలిపెను నీలాలకళ్ళ నిరీక్షణంతా !!
మురళి గారు తొలి వ్యాఖ్య కి ధన్యవాదాలు. కవిత మధ్యలో పాదాన్ని బాగానే పట్టారు.
రిప్లయితొలగించండినీడను వర్షించే పెరటి పట్టుగొమ్మ
ఏ పున్నాగరవళి గా మారెనో
ఎన్నో భావాలమధ్య వెలుగు చూసిన ఒక వాక్యమది.
కొమ్మలు నీడనివ్వడం సహజం. అదే నీడ గాలికి అటు ఇటు ఊగడం అంతే సహజం. అలాగే ఎండకు తన ఉనికిని మార్చుకోవడం సహజమే, వర్షం వచ్చినపుడు కొమ్మలనుండి కన్నీరు ( ఆనందభాష్పాలు ) రాలడమూ అంతే సహజం. అదే రెండో పాదం... పున్నాగ రవళిగా ఏల మారెనో..
కాకపోతే ఇక్కడ మరోఅర్థం ఏమిటంటే కొమ్మ అంటే స్త్రీ. పెరటి పట్టుగొమ్మ అంటే .. ఎల్లకాలాల్లో మనకు అవసరానికి నీడనిచ్చే స్త్రీ... ఏ పున్నాగరవళి గా మారెనో?... ఎందుకో నాకు పున్నాగరవళి రాగం వినగానే మల్లేశ్వరి(పాత సినిమా) లో "పోయిరావమ్మా" అనే పాట గుర్తుకు వస్తుంది. అందుకే కొమ్మ కన్నీటి రాగమది.
ఉషగారు, చదువుతూ వుండిపోకండి, జీవిత గమనంలో గమకాల భావన్తో మరో కవితను ఆవిష్కరించండి.
రిప్లయితొలగించండియోహంత్ గారు, తొలిసారి నా బ్లాగులో వ్యాఖ్యానించినందుకు ధన్యవాదాలు.
పద్మార్పిత గారు మంచిముత్యాలా, కన్నీటి ముత్యాలా?
ఆత్రేయ గారు
రిప్లయితొలగించండిఎక్కడి కెళ్ళా రండీ?
మిక్కిలి కవితలు నుడివెడు మీరే బ్లాగున్
ప్రక్కన బెట్టిన, కవితల
చుక్కకు మొగుడిని వెదకగ సులభమ మాకున్?
ఒక్కటి తోనే చత్తును
రిప్లయితొలగించండిచుక్కలు నాకిక సతులను చురకలు తగునా ?
ఒక్కడు జంపక ఒదలడు
నిక్కము నా పతులు చాల నిర్దయులయ్యా
(about my managers )
ఎంతటి ధైర్యము వాడికి?
రిప్లయితొలగించండిఅంతర మెరుగని కవి కొం. ఆత్రెయ గా రే
గంతలు కట్టిన గానీ
ముంతల కవితలు నుడువడ ముక్కున ఇలలో
ఎంతభిమానము నాపై
రిప్లయితొలగించండికొంతయు నబ్బిన పతులకు కొంచెము మెరుగే
పుంతలు నిండగ చక్కగ
చెంతన 'నెట్టుకు ' నిలిచెద ! చెప్పెద కవితల్‌ !
చిన్నగ వానిని కవితన
రిప్లయితొలగించండిమిన్నగ పొగడిన, కదలక మెదలక గనడా?
అన్నెము పున్నెము ఎరుగని
చిన్నను కసిరిన వానిని చిత్తుగ జేతున్!
చివరి పాదము
రిప్లయితొలగించండిచిన్నను పతినని కసిరిన , చిత్తుగ జేతున్!
మీ కవితా వనంలోకి ఆలస్యంగా ప్రవేశించాం ..మీ పూలన్నీ సుగంధాలు విరజిమ్ముతూ మమ్మల్ని ఉక్కిరిబిక్కిరి చేస్తున్నాయనడంలో అతిశయోక్తి లేదనుకుంటా ! ఇక్కడ పూసిన అక్షర సుమాల్ని కోసుకుంటూ ఇంకాసేపు విహరిస్తాం .:)
రిప్లయితొలగించండి.
ఉ||
రిప్లయితొలగించండిచిత్తము "చిన్ని"రాణి తమచిత్తము తోచిన రీతి మెల్లగన్
వత్తుగ పూచినాతరుల వాసన మత్తున గ్రోలి మీమదిన్
ఉత్తమ చింతచే తడిపి ఊయల లూగ, సుకావ్య గంగవై
పుత్తడి రంగులీను విరిపూవుల మాలను గట్టరే హిమా!
హమ్మో !మీతో సరిపడగలవారమ.....?..చిన్ని "బిందు"వుని :)
రిప్లయితొలగించండిI really like this article even though, I really don,t know how to speak telugu
రిప్లయితొలగించండిచిన్ని గారు, పైవ్యాఖ్య, మా పాప నేను లేని సమయంలో నా I.D తో లాగిన్ అయ్యి పై వ్యాఖ్య రాసింది. sorry for the trouble :)
రిప్లయితొలగించండిఇకపోతే మీరు చిన్ని "బిందు" వు కాదండి. మీ టపాల్లో ఎక్కడో అన్నట్టు "ద" కు ఏత్వమిస్తే దె.
.ఇప్పుడే చూసానండి ..మీ పాప రాసింది ముచ్చటగా వుంది ....నాన్న రాసినదాని మీద అంత అభిమనమన్నమాట .....గ్రేట్....అయ్యో నాకు సారీ ఎందుకండి ....తండ్రి-కుతుళ్ళకు ఒకటే బ్లాగన్నమాట!....
రిప్లయితొలగించండి"లాక్షిణిక" అంటే??
రిప్లయితొలగించండి"లాక్షణికుడు" పదానికి స్త్రీ లింగముగా ఈ పదాన్ని వాడాను.
రిప్లయితొలగించండి