హిమబిందువులకు హార్ధిక జన్మదిన శుభాకాంక్షలు.

ఈ రోజు వేకువ వెలుగులు బ్లాగ్ మిత్రులు హిమబిందువులకు జన్మదిన శుభాకాంక్షలు చెప్పటంతో మొదలు. వెన్నెలాంటి మనసుతో తన కృషి మేరా పదిమందికి జీవనోపాధిని కలిగిస్తూ వినూత్న కార్యక్రమాలతో ఎప్పటికప్పుడు నిరుద్యోగ యువతకు ఆత్మస్థైర్యాన్ని నింపుతూ తనదన శైలిలో సాగిపోతున్న ఈ శ్వేత బిందువు కు హృదయపూర్వక జన్మదిన శుభాకాంక్షలు. మరో రెండు రోజుల్లో ఉగాది ఉంది అనగా పుట్టిన వారికి మరో వింత విద్యకూడా అలవడుతుందట. వీరు పుట్టగానే కోకిల పాటలు వింటారు కదా, అందుకని వీరికి కోకిల గానము చేయడము కూడా అలవాటయివుండాలి. కాబట్టి పుట్టినరోజు పాపాయికి పట్టులంగా పరికిణీలు, నవరత్న ఖచితాభరణాలు ఇస్తే మంచిదే. కానీ వీటన్నింటికనా తనకు విలువైనది పుస్తక పఠనం కాబట్టి శుభాకాంక్షలతో ఓ చిరు పుస్తకాన్నిస్తే మరీ ఆనంద పడతారు. ఇంతకీ పుస్తకం అంటే గుర్తొచ్చింది. ఈ మధ్య కొన్ని పుస్తకాలు కొని చదువుదామనుకొని ఆ పుస్తకాలు దొరుకుతాయో లేదో కనుక్కోమని అడిగాను.ఓ శుభదినాన ఇంటికి ఒక పోస్టు వచ్చింది. ఏమిటబ్బా అని చూస్తే నేనడిగిన పుస్తకాలు అన్నింటిని పంపారు. ఆనందానికి అవధులు లేవు. ఇంతకీ నేను చెప్పొచ్చేదేమిటంటే ఇలాంటి మంచి మిత్రులతో స్నేహం చేయండి.మీకు కూడా పుస్తక పఠన భాగ్యం కలిగిస్తారు :)



ఆమె నవ్వింది
పది పేదకుటుంబాలు నవ్వాయి
ఆమె పాడింది
ఓ అనాధబాలిక బ్రతుకు గీతమయ్యింది
ఆమె ఏడ్చింది
వంద కుటుంబాలకు మెతుకు దూరమయ్యింది.



ఈ శుభ ఘడియల సందర్భంగా తనకు జన్మ దిన శుభాకాంక్షలతో పాటుగా



ఓం పూర్ణ మదః పూర్ణమిదమ్
పూర్ణాత్పూర్ణ ముదచ్యత్ |
పూర్ణస్య పూర్ణ మాదాయ
పూర్ణమేవావశిష్యతే ||




పైది ఒక ఉపనిషత్తుల్లోని శ్లోకం.

"అది పూర్ణం, ఇదీ పూర్ణమే. ఒకపూర్ణానికి మరో పూర్ణం కలిపినా పూర్ణమే మిగులుతుంది."
బ్రహ్మం ( పూర్ణం ) నుంచి జగత్తు ఆవిర్భవించినా దానివల్ల పూర్ణమైన పూర్ణత్వానికి కలిగే లోటు ఏమీ లేదు.