ఉగాదీ నీ గమ్యమేది?

కోనల్లో చిరుగాలి ఎలుగెత్తి పిలచింది
కోకిలమ్మ గళమెత్తి పాటల్నిపాడింది

ఉయ్య్యాలలూగంగ నల్లేటి దారుల్లో
వయ్యారి నడకల్తో వేంచేయు ఉగాదీ
అందంద తిరగాడి గిరగిరా తిరిగి
ఆరు పదులకొక్కమారు కనిపించు ఉగాదీ

తోపులోని లేత మామిళ్ళు పాలు కార్చంగ
వీధిలోని అరుగులన్ని వేపతివాచీలవ్వంగ
ఊరూరు తలలూపి పంచాంగమాలకింపంగ
వచ్చి ఇంటిముందువాలితివా ఓ వికృతీ

క్షేమంగ పలకరించి ఆతిధ్యమిస్తావు
ప్రేమంత రంగరించి రుచులన్ని చూపుతావు
ఆదమరచి నిద్దురోయి కాలాన కలిసిపోక
సార్థక నామధేయితవై సత్ చరితవై
కాపాడవమ్మ వికృత రూపులనుంచి
వికృత రూపితవై విరాట్ మూర్తివై.


ఉగాది శుభాకాంక్షలు.