వీరమాచినేని రామకృష్ణ డైట్ - మొదటి ఆరురోజుల పరిశీలన

నా ఆహారంలో పుట్టినప్పటి నుంచి పద్దెనిమిదేళ్ళు వచ్చేదాకా రాగులు,సొజ్జలు,జొన్నలతో చేసిన సంగటి,అన్నము ప్రధానంగా వుండేది. వాటితో కలిపి తోటలో పండిన కూరగాయలూ. పద్దెనిమిదవ యేట ఇంటర్మీడియట్ చదవడానికి దగ్గరలోని పట్టణానికి వెళ్ళినప్పటి నుంచి ఇప్పటివరకూ బియ్యపు అన్నము ప్రధాన ఆహారం. కొన్ని సంవత్సరాలుగా పొట్ట పెరిగి బాగానే కనిపించే స్థాయికి చేరింది. రెండేళ్ళ నాడు డాక్టరు దగ్గరకెళితే అన్నీ బాగున్నాయి కానీ సుగర్ లెవల్స్ కొంచెం ఎక్కువున్నాయని చెప్పాడు ( 111 ). చెప్పిన కొన్ని రోజులు కొంచెంజాగ్రత్తగా వున్నా మళ్ళీ మామూలే. ఈ సంవత్సరం మార్చిలో వెళితే సుగర్ లెవల్స్ 101 వున్నాయని చెప్పాడు. నేను ప్రత్యేకంగా యేమీ జాగ్రత్తలు తీసుకోలేదు కానీ ప్రతి మీల్ లో నెయ్యి తప్పకుండా వేసుకొని తినేవాడిని. దీనితో కొలస్ట్రాల్ లెవల్ కొంచెం పెరిగింది. 2017లో 194 వున్నది  2018 లో 208 కి వచ్చింది. బహుశా ఈ తేడా నెయ్యి తినడంతో వచ్చిందో లేక రిపోర్ట్ లలో తేడాలో తెలియదుకానీ నా డైట్ లో నిన్నటి వరకూ ఎలాంటి తేడా లేదు. బరువు వుండవలసిన దానికంటే పదిహేను పౌండ్లు ఎక్కువున్నాను.

ఈ మధ్య యూ ట్యూబ్ ఛానల్స్ లో రకరకాల వీడియో లు చూడటం అంతకు ముందే వీరమాచినేని డైట్ అని ఫేస్ బుక్ లలో చూడటం వల్ల ఇదొక రకమైన డైట్ ప్లాన్ అని సూచాయగా తెలుసు కానీ ఆయన వీడియోలు నేనెప్పుడూ వినలేదు. ఓ నాలుగు రోజుల ముందు ఈయన అసలేమి చెప్తున్నాడో విందామని ఒక పూర్తి నిడివి వీడియో విన్నాను.ఇదేదో బాగుందనిపించి చేద్దామనిపించింది. చేసే ముందు ఎందుకు చేస్తున్నానో కొన్ని గోల్స్ సెట్ చేసుకోవాలి కదా. ఇది చేయడానికి ప్రధాన కారణాలు రెండు.

౧) బరువు పదిహేను పౌండ్లు తగ్గడం ద్వారా పొట్ట యేమైనా తగ్గుతుందేమో చూడటం.
౨) సుగర్ లెవల్స్ ను 80-90 మధ్యకు తీసుకురావడం
౩) కొలొస్ట్రాల్ లెవల్ ఎంత పెరుగుతుందో చూడటం.

సరే పైమూడు మనసులో వుంచుకొని ఈ డైట్ చేయడానికి పూనుకొని కాస్ట్కో కు వెళ్ళి ఈ క్రిందివి కొనుక్కొని వచ్చి నిన్నటి నుంచి చేయ్డం మొదలు పెట్టాను.

Before starting this diet I completely scanned my physical test results that I have for this year and my Kidney and Liver function is normal. It is highly advisable to check your reports before starting this diet.

ఈ డైట్ చెయ్యటం వల్ల తప్పకుండా గ్లూకొజ్ లెవల్స్ తగ్గుతాయి.అలాగే డీ హైడ్రేషన్ కూడా జరుగుతుంది. వీటి రెంటిని కోల్పోవడం వల్ల మొదలుపెట్టిన తొలిరోజుల్లో చాలా ఎక్కువగా బరువు తగ్గుతాము.నేనైతే అంతా సవ్యంగా వుంటే ఒక రెండు వారాలు చేద్దామనుకొంటున్నాను.

వంటింటి స్కేల్ ( వైయింగ్ మిషెన్) మీద మొదటగా డెబ్బై గ్రాముల కొబ్బరి నూనె తూస్తే చిన్న టీ కప్ లో మూడొంతులు వచ్చింది. అది చూసి కళ్ళు తిరిగి పడిపోయాను. ఏంటి రోజూ ఇంత నూనె నా వొక్కడికీ వాడాలా అని? సరే నిండా మునిగాక చలెందుకులెమ్మని బ్లాక్ టీ లో రెండు స్పూన్ల కొబ్బరి నూనె కలుపుకొని అతికష్టం మీద తాగాను. ఇలా కాదని మిగిలిన నూనె మొత్తాన్ని చికెన్ లో వేసి ఫ్రై చేశాను. ప్రొద్దుట పూట అల్పాహారం వీకెండ్స్ తప్పితే సాధారణంగా తినే అలవాటు లేదు కాబట్టి మధ్యాహ్నం దాకా ఆకలి వెయ్యలేదు. మధ్యాహ్నం ఒక రెండువందల గ్రాముల చికెన్ ఫ్రై బౌల్ లో వేసుకొని తిన బోతే వెఘతు వేసింది. కొంత తిని మిగిలింది పక్కన పెట్టాను. నిమ్మకాయలు ఎలాగూ మూడు వాడమన్నారు కాబట్టి నీళ్ళలో అప్పుడప్పుడు కలుపుకొని త్రాగాను. దీని వల్ల వుపయోగమేమిటంటే కొబ్బరినూనె తినడం,త్రాగడం వల్ల వాంతి ఫీలింగ్ నుంచి బయటపడవచ్చు.

అన్నము దండిగా తింటున్న శరీరము ఊరుకోదు కదా మళ్ళీ మూడు గంటలకాకలేసింది. మిగిలిన చికెన్ ఫ్రై తినేశాను. సాయంకాలం ఏడు కాగానే మళ్ళీ ఆకలి. కొనుక్కొని వచ్చిన చికెన్ స్టాక్ లో బెల్ పెప్పర్,మష్రూమ్స్ వేసి సూప్ తాగాను. పది గంటలకు మళ్ళీ ఆకలి. రెండు ఆమ్లెట్స్ వేసుకొని తిన్నాను. మధ్య మధ్యలో వాల్ నట్స్, బాదం పప్పు తిన్నాను.

నాకు విటమిన్ డెఫిషియన్సీ   లేదు కాబట్టి విటమిన్ టేబ్లెట్ వాడలేదు. బహుశా ఈ డైట్ వల్ల రావచ్చేమో కాబట్టి ఈ శనివారం నుంచి మొదలు పెడతాను.

ఈ ప్రక్రియలో కల్లా అతి కష్టమైంది కొబ్బరినూనె సేవనం. ఈ డైట్ పాటించే వాళ్ళందరూ దాన్ని వేడినీళ్ళలో ఒక్కసారే వేసుకొని త్రాగడం చేస్తున్నారు కానీ నాకది కష్టంగా వుండటం వల్ల. ఒక ఇరవై నుంచి ముప్పై గ్రాములు బ్లాక్ టీ లో వేసుకొని త్రాగడం ద్వారా మిగిలింది కూరల్లో వాడటం ద్వారా చేద్దామని నిర్ణయించుకున్నాను.

Benefits of using coconut oil

ఈ డైట్ ని స్థూలంగా అధ్యయనం చేస్తే ఇది కీటో డైట్ కు దగ్గర పోలికలున్న డైట్. మనము కార్బోహైడ్రేట్స్ వాడకం తగ్గించి ప్రొటీన్, ఫాట్ వాడకం పెంచుతున్నాము. రోజూ చికెన్ నేను తినలేను కాబట్టి కూరగాయలేమేమి కీటో డైట్ లోకి వస్తాయో గూగుల్ చేశాను.

https://www.ruled.me/best-low-carb-vegetables-ketogenic-diet/

ఈ రోజు రెండవరోజు. మొదటి రోజు కొంచెం తలనొప్పి అనిపించింది. రెండవరోజు వాంతికొస్తున్న ఫీలింగ్ వల్ల నిమ్మకాయ నీళ్ళు త్రాగడంతో సర్దుకుంది.

మొదటి రోజు వున్న బరువుకన్నా ఈ రోజు సుమారు ఒక పౌండ్ తక్కువున్నాను.

మొదటి రోజు బరువు - 151.8
రెండవ రోజు బరువు -  151 ( varieing between 150 and 151)

ఇక ఏ కూరగాయలు వాడొచ్చు ఏవి వాడకూడదన్న దానికి ఒక ఛార్ట్. స్తూలంగా మరీ ఎక్కువ కార్బ్స్ వున్న కూరగాయలను వాడకూడదు.

రెండవ రోజు మధ్యాహ్న భోజనంగా కాలిఫ్లవర్, వంకాయ కలిపి చేసిన కూరా నాలుగొందల గ్రాములు తీసుకున్నాను. ఈ డైట్ మీరు పాటించాలకుంటున్నా, ఒకవేళ పాటించినా మీ అనుభవాలను వ్యాఖ్య ద్వారా పంచుకోంటారని ఆశిస్తున్నాను.