అరవిచ్చిన ప్రభాత వేళలో....చెలి వెచ్చని పలుకులు

అరవిచ్చిన ప్రభాత వేళలో
చెలి వెచ్చని పలుకులు
పరువాల పసిడి కొమ్మనోట
మురిపాల ముద్దు పలుకులు

పలుకుపలుకొక శిశిర గానం
నవవసంత రసరాగ మధురం
వెలుగునీడల జీవన వనవాసం
ప్రణయ కలహ సామ్రాజ్యం

కాంతిరేఖల పార్శ్వాన దాగిన
అజరామర ప్రేమ కవితా ఝరి
నీ భావజ్యోతిలోన కలసి
నే కరిగి చిరుదీపమవ్వనా?
మందస్మిత బృందావనిలో
హరిత రేణువునై నిను చేరనా?


ప్రియా
సుమరాగ రంజితా
సుమన: సుమనమా
దీప్తకిరణ మయూఖ
అభినందన మాలయిదే!