నిశీధి వేళల్లో నిశ్శబ్ద తరంగాలు

నింగిని నేలను కలిపే అంబరము నిజమా

నిన్ను నన్నును జతచేసే జీవితము కలదా?

ఆకసాన పుట్టిన రంగుల హరివిల్లు

సూర్యకాంతి లేక మనగలదా

సప్తవర్ణ మిళిత పరిపూర్ణ జీవితము

కనగలనా?నీవులేక మనగలనా?

ధరణితాకగ తరలివచ్చిన కెరటం

ఇలను చేరగ ఎగసి విరిగి

వెనుదిరిగినా ! ఆపునా తనపోరాటం ?

నీకై నా నిరీక్షణ, ఆగునా అంతిమఘడియ వరకు?

తెల్లవారు ఝామున పగిలిన నిశ్శబ్ద తరంగాలు

నీ గుండె చప్పుళ్ళు కూడా నావికాకుండా చేసాయి.

నీ తలపుల ఊహలతో, ఊరేగే నామనోపల్లకి

ఒహోం.. ఒహోం ... శబ్దమే కరువై నిట్టూర్చింది.