కలల లోకం - కలత లోకం

కళ్ళు తెరచి చూస్తే కలలలోకం కరువయ్యిందా
కళ్ళుమూసుకుంటే జనజీవనం వెక్కిరించిందా

నిద్దురోని రాతిరి తెల్లవార్లు తరచి అడిగిందా
వల్లకాని ఎర్రకలువ ఏరులై పారిందా

సన్నజాజి పక్కఅంత ఎండిపోయిందా
మల్లెపూల వాసనంత వెక్కిరించిందా

పరువాల పట్టెమంచం పగలబడి నవ్విందా
నలగని తనువంత చిక్కబడి చిన్నబోయిందా

ప్రేమించిన జాలిగుండె నేలకొరిగిందా
విలపించిన నాతిగుండె బేల అయ్యిందా

రాగాలు జాలువార్చే జలతారు పూబోణిరా!
నల్లనయ్య గీతికల గిరిగీసి కూర్చేటి ఉమాదేవిరా!