ఆహా ఏమి ఫలితాలు..ఓహో ఏమి ఫలితాలు... అద్భుతమైన ఫలితాలు బా.....బూఊఊఊఊఊఊఊఊఊఊ...

గూగుల్ వాడ్ని అడిగితేనేమో బోలెడు డాక్యుమెంట్లు చూపించి దీనిమీద జనాలు ఆడేసుకున్నారంటాడు. జనాలేమో పేపర్లమీద పేపర్లు ముద్రించి మేము 90-99% కచ్చితంగా గుర్తించామని గ్రాఫులు గీసి మరీ చూపిస్తారు. ఇంకొంతమందేమో ఇది under graduate project క్రిందనే మేము రఫ్ఫాడించామంటారు. ఏంటో అంతుచిక్కని ప్రశ్నలు....

ఇంతమంది 90% అబౌవ్ ఇంత కచ్చితంగా  గుర్తించగలిగాము అంటున్నారు ఎలా? నేను ఒత్తులను ప్రక్కనుంచి మిగిలిన అచ్చులు,హల్లులు, నకారాలు, గుణింతాలు అన్నీ కలిపి 541 అక్షరాలను (గౌతమి ఫాంట్ సైజ్ 18, 26 )   ట్రైన్ చేసి అదే అక్షరాలను ఇస్తే అబ్బో నా ప్రోగ్రామ్ కూడా 100 శాతం ఫలితాలను సాధిస్తుంది. కానీ దీనివల్ల ఉపయోగమేందయ్యా అంటే అచ్చనగాయలాడుకోవడమే ! మనకు కావలసినదదికాదు కదా? ఒక్కసారి ట్రైన్ చేసాక ఏ పుస్తకంలోని పేజీని ఇచ్చినా ఇద్దోబాబు నీకోసం కష్టపడి ఇవి గుర్తించాను, నువ్వు టైపు చేసే పనిని కూడా నీకు తగ్గిస్తున్నాను కాబట్టి నామేలు మర్చిపోకయ్యా అని చెప్పాలికదా ఈ OCR లు ? అలా చెప్పలేనప్పుడు ఇదెందుకంటా? అలా కాదు నీకు కావాల్సిన పుస్తకంలో కొన్ని అక్షరాలను తీసుకొని నాకు నేర్పిస్తే ఏదో మిగిలినవి గుర్తిస్తాను మరీ అంత తీసిపారేస్తున్నావేంటని కోప్పడిందనుకోండి. అలాచేస్తే ఫలితాలు బాగానే వుంటాయి. పేపరు ముందే లీకవుతుందికదా మరి. కానీ జనాలకిదేపని బాబు, ఓ రెండు పుస్తకాలను OCR ద్వారా కాపీ చేసుకోవాలంటే ఓ రెండునెలలు కావాలా? ఇంతకీ ఇదంతా ఎవడికోసమంటా? దాన్ని అలా మార్చేబదులు మంచంమీద బోర్లా పడుకొని ఎంచక్కా కలలు కంటూ నిద్రపోతే ఎంత సుఖమో కదా?

ఇంతకీ చెప్పొచ్చేదేమిటంటే మిగిలిన వాళ్ళకొచ్చిన 90% ఫలితాలు అంతకంటే ఎక్కువ నాకు అదే అక్షరాలను వాడినప్పుడుమాత్రమే వచ్చింది. మిగిలిన సందర్భాలలో అంటే Digital library వాళ్ళ స్కాన్డ్ ఇమేజెస్ వాడితే నాఫలితాలు ... ఎందుకులే బాబు కిక్కిక్కి అని నవ్వుకుంటారు....వద్దులే.....బాబూ...

చివరిగా .... ఇంతకీ అసలు తెలుగులో commercial గా నైనా ఈ OCR లు వున్నాయా?