అనంత దిగంతాల్లో ఆరని దీపం
పుడమి చేరని రక్షణ కిరణం
మధ్య దారుల్లో అడ్డుకున్న మేఘ నాధుడు
దిక్కు తోచని ధరిత్రి అలుక చూసి మురిసిన ప్రియుడు
కులుకులొలికి మేఘుని పట్టిన కడలికాంత
తెప్పరిల్లి తన చెలిని చేరిన సప్తాశ్వరూఢుడు
విహంగమై ఎగిసిన గాలి చిక్కగ నవ్విన ఉదయం,
వానజల్లుల తలంబ్రాల్లో ముగిసిన వివాహం.
అంతంలేని అహ్లాదకరమైనవి ఈ వేకువ వెలుగులు...
రిప్లయితొలగించండినా వ్యాఖ్యలు ఎంత వీటి ముందు మిణుకు పురుగులు!
పద్మార్పితా అంతనచ్చుతున్నాయా :)
రిప్లయితొలగించండి